好迷網~ 剛剛評左懷疑A, 下個月仲返唔番N班好?

littlelittlebe

大家好, 我仔衣家剛剛兩歲, 歲半多D開始入紙CAC, 早兩日係CAC見左3個醫生(政府醫生好好, 好有愛心同我仔仔玩左個幾鐘), 醫生評估懷疑自閉性譜系, 寫左轉介信俾我去排兒童精神科, 同一時間見埋社工安排排早期教育及訓練中心,  兩樣服務都要排一年半有多。下個月(11月)我仔開始番N班, 因為細B我只搵到全英文國際幼兒園俾佢讀,  我衣家都唔知點好, 唔知俾佢讀唔讀好。仔仔本身唔講野, 衣家都只係講到10個單字, 返全英語N斑可能更唔適應, 怕仲影響佢情緒。我自己係全識媽媽, 我係咪唔好俾仔仔返全英N, 盡快去搵D 密集班呢?  大家可唔可以俾D意見我, 我好像孤身上路咁, 爸爸一直覺得仔仔無問題, 小朋友唔識表達情緒, 長大就無問題~

irisban

我同你情況差唔多，女女2歲時被評為懷疑自閉，依家2歲3個月，我地一知佢有事就幫佢安排訓練，因為一開始係做一對一訓練，遅D先轉密集，佢依家早上番PN, 下午上training,不過佢間幼稚園就唔係全英，不過佢就英文好D，中文差D，其實佢依家未開學你可以快D training比佢，之後同導師傾比唔比佢番PN，我個人覺得番PN ok,起碼有班小朋友一齊上堂

misshk12

記得仔仔當時都係有全英N班OFFER,但考慮到佢連母語都DELAY,都是放棄去讀。你現可打給本地的幼兒園，如果唔介意屋村幼稚園或下午班，應該還有機會的。真係搵唔到主流幼稚園，就試下去一些幼稚園暫托，目的係要佢知道學校常規，學自理及跌序，體驗一下群體生活。當然，還要帶佢去做治療或訓練(自己學埋在家同佢練)，才能跟上「大隊」。

a328

why not give it a try, sometimes they like english more than chinese, for my son, he learn eng better than chinese

Olympian

好多A仔英文較好亦較有興趣，所以別忘打好中文基礎，學好母語是最基本需要，有助平日的訓練和學習，與及和身邊大部份人溝通

angels'mom

我仔由發現是自閉後，便專攻一種語言，由於我們不打算將來俾佢讀國際學校，所以選定了中文。

無論用邊種語言都好，集中一種肯定是對語言發展遲緩的小朋友比較好的。

angels'mom

至於返唔返N班，我覺得如果有密集訓練做，唔返都冇咩損失。

返N班最大幫助是開始習慣離開媽媽不要哭，在學校學習常規，能安坐做野，造些密集都能做到。

其實小朋友在兩歲的時候仍是很自我中心，不大會理會其他小朋友，特別是自閉症的小朋友，所以在幼稚園未必學到社交。要與其他小朋友有接觸，除了在幼稚園外，在遊樂場也有機會。

假如未搵到密集，咪返住N班先囉，只要冇反效果便OK。

Useless

其實我個仔一歳半，step ctr confirm 咗係自閉症傾向。要做密集。
已經排咗 i位同e位。
老公話等K1.而家返住密集先

a328

by the way u better talk to school, if the school is good one it might help ur kid,  sometimes international school are more open on this issues as they have more experience.

my son is attending normal local K school but once a week he will attend 1 english class in 1 small international school for 3 hrs, we tell the school my son situation and they are willing to provide full support, try to draw his attention more and take care of him, my son like to attend that english class a lot,

Also if the class size is small, u can try to help him to make friend, get contact from other parent and let them hang out in playground or else, try to find a group of fix friend it van help him to develop his social skill. Friend is very improtant to them, and if they cna find a good one, they can 'recover' more easy.

rubymak804

焦論點決定，最重要係和丈夫相商有量！

chynnamama

我個仔暑假前發現a 仔, 暑假上了st, ot (只上了幾堂冇上, 因為個導師唔好), 針炙(最有效的方法), 介口等... 進步咗, 現在返緊n 班.... 本來同你一樣擔心佢唔得... 不過發覺佢返咗學之後有進步的係成日在家唱歌... 雖然在班上佢就係比較遲鈍的一個, 不過佢唔影響到其他同學亦冇行為及情緒問題, 所以我keep 住比佢返, 另外一星期走堂一次左右去上治療.....
個人覺得 n班一位難得, 你可以試咗先, 群體同規律生活都對a 仔有好處的 (每樣學習都對佢有不同的幫助)
你試咗如果佢返學唔ok 先quit, 去上私人唔會排太耐....

另, 本人真係 highly recommend 去針炙, 因為之前ot 治療唔好冇上3 個月,但佢行為都定好多, 一定係針炙有效.. (當然針炙亦對係講嘢有幫助, 每次針完出院就lalala 啍歌, 初期我唔信, 後來連工人都同我講針完果日係特別多說話先覺....)

marq

我就上午番K1，下午一星期兩天密集，一天言語治療，因仔仔已讀K1唔想放棄主流學位，而且密集很貴，如你只是N班而又afford到可考慮全部上密集，我覺得密集比較適合我地的小朋友，而且用呢年訓練好再上K1米仲好，
另外想問下chynannamama你在那裡針灸，小朋友唔會搞d針咩？我諗左好耐唔敢試

jjnetnet

原帖由 chynnamama 於 13-11-04 發表
我個仔暑假前發現a 仔, 暑假上了st, ot (只上了幾堂冇上, 因為個導師唔好), 針炙(最有效的方法), 介口等... ...

請問係邊度針灸?

chynnamama

好似有d 家長睇出面私人地, 不過我就自己近選東華

可上 網 search浸會中醫 and 東華 都有專門研究自閉兒童針炙多年, 而且覺得大機構有保障d, .....另外我住hk island... . 我choose 東華東院針每次針 $150. 比較平. 其他的我沒有試過. 你可上網睇下 or 打去問...
好多治療都係6 歲前而且月早月好... 針炙最佳時間係 2-3 歲...
你個仔多大 ? 我個24 個月多d 就去 針, 我都明你感受, 因為我都有打去問中醫咁細個點針呀 ? 佢地話不嬲都有好多好細小朋友針開, 好有經驗.....

老實講針炙"吉"果下係痛架, 頭一兩次自己都喊埋一份, 工人見到都好唔開心.... 不過為佢好嘅事要堅持, 過咗十次8 次之後佢冇咁驚, 一針完比少少糖賞下佢又開心返.
... 而且針頭係要留針 的, means 插住支針hold 住 20 mins... 其實hold 住果 20 mins 唔痛的, 不過初頭亞仔驚, 成日叫走就要準備d 嘢比佢分下心... 有時睇手機, 有時同佢玩唱歌, 有時比嘢佢不停食, 等20 mins ........又係過咗幾次之後佢就唔怕啦. 如果怕佢爭扎, 頭 1-2 次搵多個人幫下手啦..

chynnamama

回復 marq 的帖子

我果仔初頭, st, ot 同針炙一齊開始做, 一排之後發覺講嘢同行為好咗... 不過ot 後來冇咗因為個仔次次 cry... 只做st 同針炙, 但行為都一樣有keep 住進步, 我覺得同針佢手, 腳同頭有關, 所以覺得針炙有用.之後加針下巴 for 佢講嘢都好.....
反而ot 要睇下一個個治療師..... .
針咗一排, 工人同我講每次仔仔去完針果日返屋企係 non-stop.. 我後來都發現每次出醫院開始啍歌 lor....

jc340

littlelittlebe 發表於 13-10-22 00:37
大家好, 我仔衣家剛剛兩歲, 歲半多D開始入紙CAC, 早兩日係CAC見左3個醫生(政府醫生好好, 好有愛心同我仔仔 ...

我同你既情況好相似 都係大約1歲九個月發現兒子係A仔 都係選擇讀international school 而家佢啱啱三歲仲讀緊international school 同上緊密集式training（全英語） 進步左好多 講好多野 但first language 係英語 second language 先係中文開頭讀international school 都有你同樣既擔心 就係：中文都唔識講 仲學英文？ 所以我地去問ST 佢教我地就算A仔學兩種語言係ok 但唔好confuse佢 佢教我地如果嗰個人同佢講英文 就永遠都佢講英文 如嗰個人同佢講中文 就永遠講中文 唔好一時中一時英 例如：媽媽、學校、training、ST、OT 都全英文 而爸爸、其他親人就全中文 好快佢就會習慣 對住中文人講中文 英文人就講英文 因為我個仔大部分時間都係講英文 所以英文會好好多 而家first language 係英文 而中文就係second language
另外 international school 我過人覺得好好 因為包容性好高 學D野又無咁深 大部分時間都係返去玩 又好幫小朋友 有specialist 幫佢同monitor 佢喺學校既情況 又有shadow teacher 去幫佢 我嗰仔都好鐘意返學

kalen

你如何發現小朋友有問題 才去做評估? 什麼問題