D CERT 和奖项有用吗？

tinyan1977

回復 Charlotte_mom 的帖子

鋼琴五級喺無用嘅!弦樂五級大有人在!
因不止一年見過神校一年級生參加校際大提琴比賽仲要囉埋冠軍,校際大提琴比賽初級首歌喺4-5級程度!
問過小朋友家長K3已考到樂理!

hadwinboy

原帖由 GAT 於 13-10-24 發表
如spcc，dbs，dgs，sared heart. st clare. raimondi. st stephen. hkugap. spb. ying wah. good hope. st  ...

我仔去年考小一，只有興趣班的cert, 沒有任何比賽的 cert, 連親子比賽也沒有, 有參加鋼琴獨奏, 雖有優異獎, 但比賽時已是3月所有面試已完畢。我很懶, 什麼英語考試也沒有, 鋼琴一級也是小一開學了才考。我這個例子可以給信心大家吧

Greatmother

我真係識人小朋友 K3 考5級樂理又pass 咗! 現在這位小朋友已在其中一間神級讀 P3. 啱啱佢小朋友在 P2 summer holiday  或 P3 學期頭已考取小提琴8級。你話堅唔堅呀! 當年佢小朋友考小一、差不多間間都收。

tinyan1977

回復 Greatmother 的帖子

最堅我識嘅喺P4演奏1級, 全港大約有10個

Greatmother

回復 tinyan1977 的帖子

講起來，我這位朋友囡囡現在已上緊演奏一級啦!  現在係P3.

Christi

K3去考5級樂理,我替那位小朋友可憐!
另外,P4就到演奏級,為乜(除咗為入名校以及為咗父母感到自豪以外)? 或掉轉頭問:有乜為要P4去演奏級?

呢啲叫濫用音樂,可悲.

Charlotte_mom

原帖由 剛果公主 於 13-10-27 發表
認真，K3考到五級樂理真係堅！因考樂理涉及解題，邏輯，一點數理，仲要背下musical term, 個人覺得對於K3生 ...

聽聞果位妹妹，一家都係音樂家，祖母親自操刀陪練，一錯就一把間尺fit落去，一將功成萬骨枯呀

Charlotte_mom

原帖由 Christi 於 13-10-28 發表
本帖最後由 Christi 於 13-10-28 00:48 編輯

K3去考5級樂理,我替那位小朋友可憐!

咁又吾好咁講，最近識個媽媽，佢話仔仔勁鍾意音樂，係勁鐘意！每次學歌前（！）會自發聽歌背晒譜練晒至去上堂，老師執technique。真係p3已經準備考演奏級，我真心佩服

CoffeeCake

剛果公主 發表於 13-10-27 17:55
如果係鋼琴，拎住八級考小一真係未見過，手指都未夠八度，而且五級樂理冇可能K3應付到掛！跨張點了吧！
以 ...

唔係拎住8級去考小一，係一年級時考，2年級已出8級賽 ＜－－－ 講緊係人人口中既神級學校，不是GH。
真正GIFTED既人，唔洗狂操吧，佢自己都會忍唔住彈到比媽咪叫停果種。當然唔係我有咁既小朋友啦！

Christi

如果真係鍾意音樂，就更不是大幅超前咁去考級，咁只會小朋友太集中同埋用大量時間係考試要求上，即使佢做得到（或者係其他誘因之下做得到）。對於呢啲有天份又願意操琴的小朋友，略超前考級我覺得冇問題。

如果真係鍾意音樂， 可以比佢地更多時間去欣賞唔同音樂家的作品，不同的篇章，甚至比佢試下自己作曲。我朋友的小朋友就係咁，佢k2下學期攞咗校際鋼琴冠軍，仲有一些亞洲區比賽既頭三名（真係亞洲區，好多參賽者來自內地、台灣、星加坡、韓國），而佢一直冇考級。行街行過通利玩琴，不時會有路人企係度聽，試過有人問小朋友幾級琴啦，佢媽咪答唔上咀，但佢媽咪又冇乜所謂，反正小朋友聽好多唔同類音樂，只要佢繼續鍾意音樂就得。當然最後點都要考個8級琴。那位小朋友今年5歲半。