亞仔嘅脾氣越來越大

芒果米池

本來想一兩個月都有改善，好多嘅自閉特徵都已經差唔多冇，但上個星期開始，佢又多番一啲用手揮物件、自轉、斜眼看牆壁跑步等。之前我仲好開心，覺得佢好慢慢萬沒有這些行為，但上星期又開始多番，情緒都係一小小嘢就發脾氣，就算自己玩緊，無端端都可以叫一聲，將玩具掉走。點解情況會咁反覆呢？雖然佢自理同學習嘅嘢多咗，但見到佢呢啲自閉特徵，我真係萬分擔心。你哋嘅仔女入有冇呢啲咁嘅情況呢？可以分享一下嗎？但係佢同人哋嘅溝通其實都唔算太弱，見佢都有同老師同同學有交流，係有興趣同同學玩。點算呀！

芒果米池

原帖由 芒果米池 於 13-10-20 發表
本來想一兩個月都有改善，好多嘅自閉特徵都已經差唔多冇，但上個星期開始，佢又多番一啲用手揮物件、自轉、 ...

學校的評語係，各方面都唔太差，只是當老師講故事嘅時候，聽聽下就行開左，坐唔定，四圍行。仲有我觀察到嘅，係到各同學玩遊樂設施嘅時候，佢玩玩下，見到牆壁上面有些畫，就會斜眼看長跑來跑去，真係好煩惱。

Linghongabc

我仔長期見到線條就側頭斜視望，係公園踩單車或滑板車時都會對住牆側頭斜視咁玩。有時會撞埋燈柱，但我無理佢，因為我話極佢都唔聽。聽其他媽咪話呢d行為係自我眼部刺激，感統有問題！所以我盡量每日帶佢去公園玩，希望幫助佢感統發展。實在無錢去做職業治療！我覺得自傾嘅小朋友嘅行為好難會完全消失，但我帶佢去公園玩得多，行為問題會減少小小。我仔都開始有脾氣，但沒有太臭，姑娘話係正常，因為佢識野多左，自然有自己的一套思想。不會影響其他人情況下，我會讓佢放肆，如果嚴重，我會加強佢去公園玩。唉，其實我都日日觀察佢，又睇多些書，然後同自傾鬥爭！希望我們一齊加油

芒果米池

原帖由 Linghongabc 於 13-10-20 發表
我仔長期見到線條就側頭斜視望，係公園踩單車或滑板車時都會對住牆側頭斜視咁玩。有時會撞埋燈柱，但我無理 ...

好有同感呀，其實我都盡量唔比佢咁做，但係實在話極唔聽，有時見到佢咁樣話佢咁多次心情都會好炆，而家學校又再問我關於評估報告比佢地睇，我好大壓力。講真就算政府提供多啲機構俾我地去做訓練，但價錢都係唔平，我哋呢啲夾心階層，又未去到窮到燶，但又唔係中產，先係最慘，如果學校要求佢退學，或者留班，都唔知點，其實我點解揀呢間學校，係因為通常升到上小一，都係比較好的學校，所以我真係唔想學校要佢退。我想問吓，如果佢用手揮動物品，或者斜眼看牆壁跑、自轉，有沒有需要阻止他嗎？？

芒果米池

原帖由 Linghongabc 於 13-10-20 發表
我仔長期見到線條就側頭斜視望，係公園踩單車或滑板車時都會對住牆側頭斜視咁玩。有時會撞埋燈柱，但我無理 ...

你小朋友依家幾大呀？有冇讀主流學校？呢排我個仔一唔滿意就將啲物品掉落地下，係公園我叫佢唔好走近垃圾桶，佢就即刻坐低撞個頭落石地，我真係無法阻止你啲突然情況，食飯唔俾我餵佢，要自己食，因為咁樣佢可以自己揀餸來食，激到我嘔血！

芒果米池

原帖由 Linghongabc 於 13-10-20 發表
我仔長期見到線條就側頭斜視望，係公園踩單車或滑板車時都會對住牆側頭斜視咁玩。有時會撞埋燈柱，但我無理 ...

仲有沖涼果啲水已經叫咗幾百也似唔可以飲，佢就成日偷偷地飲，細細聲話佢都不滿意要發脾氣，呢啲自閉又唔算嚴重，但又唔可以當冇事發生，如果政府可以比到特殊學校真係咁煩，要去諗佢嘅前途咁多嘢啦，真係兩頭唔到岸。

Linghongabc

我仔啱啱4歲了，除了言語明顯delay小小及無咁叻之外，都還ok(自己認為）。我仔今年重讀k1,一直讀主流幼稚園，而家讀緊私立全日幼稚園及由我親手湊番！做了一年言語治療,根本能講句子，但很少主動多野講。而家私立幼稚園三文兩語，我都有小小擔心，才兩個幾月學，除了專注力有小小差，我問書，佢都答到，言語大進步，成日講學校嘅嘢，又唱普通話歌又唱英文歌。老師話佢脾氣溫純都幾乖。我仔三歳時評為自傾，當時主流幼稚園班主任話唔認為，佢只話我仔發展遲緩，建議我放棄工作，教番個仔。之前工人姐姐湊，今年3月只能講單字。我失望及難過過，但我可以收拾心情與自閉鬥爭！我仔有固執行為架，但我不停睇書學點處理。我現在的心態係，不管小朋友是自傾或發展遲緩，我不會逼佢，不會興其他小朋友比，成日攬佢及錫佢，成日同佢講，媽咪超級錫你，然後與他一起玩及讀書及成長。如果我再諗咁多，我會痴線

kc1016

原帖由 芒果米池 於 13-10-20 發表
本來想一兩個月都有改善，好多嘅自閉特徵都已經差唔多冇，但上個星期開始，佢又多番一啲用手揮物件、自轉、 ...

你個仔做咗評估未？報告點講？我個細仔之前都係好鍾意轉東西，斜視眼走，好似慢慢無啦，比多d嘢佢哋做忙d就唔會有時間做衣d嘢，不過皮氣就難攪，時好時差，唯有慢慢來啦。

芒果米池

原帖由 kc1016 於 13-10-20 發表
你個仔做咗評估未？報告點講？我個細仔之前都係好鍾意轉東西，斜視眼走，好似慢慢無啦，比多d嘢佢哋做忙d就 ...

做左評估，評為人際關係較弱、有自閉病特徵。總體發展遲緩幾個月，語言等有待評估。前一排佢啲異常行為差不多無，得呢排又多反，以乎有點反覆，所以我好擔心遲下會再差落去，又或者多左另一啲野出黎。

芒果米池

原帖由 tingmama0931 於 13-10-21 發表
原來斜視都係自閉特徵之一？？？？我仔成日斜視人。。。我以為佢玩緊。



  ...

自閉果種係，鐘意斜眼睇住反光物件、格仔、條狀物同時移動身體。你嘅情況未必係，你要睇下佢有無散光，或者當時情況先知道。我仔一見到以上所講既野都會斜眼的。