QC / LS

lugano

兩間都是好學校, 入到其中一間都開香檳, 我覺得overall 兩間都屬同一級數。

論學術成績, 學校歷史, 校風等等….. etc, 皇仁屬名校中的名校, 純論成績的話, 皇仁也許優勝過喇沙, 個人甚至覺得官立的皇仁在公開試成績上, 是唯一一間能挑戰精英盡收的直資學校如女拔萃和聖保羅男女。

皇仁名人多到數唔哂, 近幾十年的不用多講, 連改寫中國人歷史的孫中山, 唐紹儀, 周壽臣, 何東爵士, 何世禮將軍呢類上世紀名人都係皇仁仔, ……喇沙一年出 4 個 10A 都未算最架勢, 皇仁經典到一年出過 6 個 10A

來個狀元終極對壘, 皇仁真係頂哂班

皇仁狀元: 55 名會考狀元 + 4 名DSE狀元 (以 5 班出戰)
喇沙狀元: 27 名 + 1 名DSE狀元 (以7 班出戰)

(1) 皇仁篇
http://zh.wikipedia.org/wiki/%E7%9A%87%E4%BB%81%E6%9B%B8%E9%99%A2

在歷屆香港中學會考，皇仁書院是產生最多「十優狀元」（應考的10科全部取得A等成績）的學校。由1987年至2010年期間，皇仁書院已累積產生了55名「十優狀元」，當中2006年更有六名學生考獲十優。此兩項紀錄在香港中學會考歷史上未有學校能打破。在各屆會考中，亦常有皇仁書院學生蟬聯「全港第一」的桂冠，其各科總分為一眾「十優狀元」中最高者。

隨著新高中學制的推行，中學會考於2011年停辦。在2012年的首屆香港中學文憑考試，六名「七優狀元」（應考的7科全部取得5**等成績）當中，有兩人（馬浩賢和劉銘謙）乃皇仁書院的應屆考生，成為全港之冠，開創文憑試歷史的佳績紀錄。

6位狀元: 2006
5位狀元: 1998, 2003
4位狀元: 1994, 1995, 1997, 2002, 2005
3位狀元: 2001, 2010
2位狀元: 1991, 1993, 1996, 2007, 2012, 2013
1位狀元: 1999, 2000, 2004, 2008, 2009


(2) 喇沙篇
https://zh.wikipedia.org/wiki/%E ... 9%E6%9B%B8%E9%99%A2


“….喇沙於歷屆香港中學會考出產了 27 位十優狀元，1987 年為首屆可報考十個科目，最後一屆會考為2010年。”

另外，2013出產喇沙書院第一位 DSE狀元 (岑曉峰)


4位狀元: 2001(陳冠衛,何思朗,麥凱鈞,鄧軒倡), 2008(利雋文,黃達燊,黃昇鴻,林智衡)。
3位狀元: 2005(任子韜,鍾文浩,阮家駿), 2007(吳偉星,姜必楷,黃松柏)。
2位狀元: 1991, 2000, 2010(郭凱傑,林凱健)。
1位狀元: 1993, 1994, 1999, 2003(何沛峰), 2004(林上行), 2006(陳君洋), 2009(陸琛健)。


而喇沙在學界體育上輝煌的成績, 這方面也是皇仁欠奉的，如果兩間都收, 我覺得你應該親身帶仔仔參觀兩間學校, 用身和用心去感受一下兩間學校的分別, 每間學校都各有特色和傳統, 喇沙不需被皇仁化, 同樣地, 皇仁亦不需要被喇沙化, 各有各自家傳統,特色, 這個世界才有趣

cowboymama

回覆 lugano 的帖子

2013DSE 喇沙狀元應是岑曉峰。

Band5

唔會兩間都收，最巴閉都係兩間都有得面試，自行一收咗！暗示明示唔計（冇證據）！

cowboymama

/// GiGiMum  LS仔好曳的，而且老師唔教書的。純個人觀感！  發表於 前天 18:41 ///



3月時有網友在喇沙書院家長交流區問過以下問題：
書院呢邊老師講書詳細嗎?
當時我的回答如下，可以參考一下：
初中三年阿仔冇乜投訴喎。F1時只有一科閒科較悶和hea, F2時有一主科老師就較hea。F3老師ok，中史仲教得好生動，阿仔試過要睇醫生上唔到中史堂超失望，History副校教，超好。今年F4老師好好，好有料。


阿仔三年半經驗絕大部份老師都教書喎，只得兩個老師較hea。

fotogolfer

暗示明示只能防被直資截糊，樓主總結了意見，甲部放一間第一，乙部放另一間第一。中其中一間就開香檳，touch wood的話再決定一間扣門。

meowymeowy

個人意見：喇沙是現實社會的縮影，小朋友很會交際、亦很現實。就算最渣一個，出到社會工作都不會太差，因為很會走位同識做，簡單來說夠古惑，非常適合在商業社會生存。皇仁學生真的很純，很「宅」，會很乖讀書，成績太多很好，不會太勞氣，但交際方面稍遜。

VKwan

meowymeowy 發表於 14-5-17 00:40
個人意見：喇沙是現實社會的縮影，小朋友很會交際、亦很現實。就算最渣一個，出到社會工作都不會太差，因為 ...

你說得實在太太太對！所以我知道有人即使考到SPCC都唔捨得LS，掙扎左好耐！！！始終成績good enough就得，男仔最重要是要在社會上襟撈。

sonkhl

所以想入傳說中幾間神校，都真係要選一間與小朋友之性格配合，如果唔係，可能在校內生活會比較辛苦。多謝樓上家長。

longlokma

原帖由 meowymeowy 於 14-05-17 發表
個人意見：喇沙是現實社會的縮影，小朋友很會交際、亦很現實。就算最渣一個，出到社會工作都不會太差，因為 ...

有同感，喇沙同學仔真係好合群，阿仔和同學约出去玩，竟然次次有成大班同学十几二十人出動，見到他們的團結力量真是好感動……

CPLA

回覆 ha8mo 的帖子

其實足籃球呢D team sports，雖有正式學習同操練，但係冇咩個人獎，學校係咪會試波呢？

PalFan

ha8mo 發表於 14-5-16 18:03
其實羽毛球所需要的硬件，幾乎全部學校都會有，
高水平的學生晌出面都有球會打，有好教練教緊
所以學校不 ...

羽毛球硬件係有, 但相同對手就未必間間有. 好似個仔咁, 佢基本唔會係學校訓練, 因為冇對手, 二來教練方式唔啱個仔. 點解咁講呢,

之前頭3年半水平真係可以講差得好緊要, 個仔當時仲故步自封, 仲以為自己水平好得, 但去考青苖都考唔入時, 我先正式出去比佢跟下其他小組訓練, 但效果出奇地好, 可能係太鐘意羽毛球原因, 所以自己推動自己, 同小組內既人去競爭, 一個聖誕假期返去, 好多家長問我, 點解個仔突然進步咁多.

一間好既學校, 真係好需要有相冋既小朋友互相推動, 教練質素同樣重要, 以上都係個仔小學我所發現既問題.

個仔因為遲起步, 所以追得比人吃力, 但幸運的事情係遇到個好教練, 條路幫佢安排得好好. 今年先話同年來講有排名.  係一間唔著重小朋友發展既學校, 咁多年個仔遇到既障礙, 我好深體會. 因為個仔唔係聽話聽教, 所以傳統學校老師眼中係不受重視既一類, 連出賽機會也只留給讀書最勁, 但打波差既師兄出賽, 所以話一間學校對小朋友既栽培是非常重要的.

而我個仔需要向外發展, 時間上便要用多人一偣時間搭車去訓練.

PalFan

回覆 PalFan 的帖子

今年剛剛才入青年軍, 但現在已經提供機會給他試重點了. 這是非常難得的機會. 很感激遇到不同的良師.

lugano

轉貼自 Jackieson 兄的貼作資料參考，QC 羽毛球都幾勁，可惜敗在香港華仁手上，未能於冠軍戰與 DBS 一較高下

http://www.edu-kingdom.com/forum ... 4318&fromuid=680719


最近的2013-2014年度全港學界精英羽毛球(團體)比賽剛打完:

8 強: DBS vs SPC ~~ 3:1

4 強: DBS vs FK ~~ 3:2

而另一邊 4 強: WYHK vs QC ~~ 3:0

最後季軍戰: FK vs QC ~~ 3:2

而冠軍戰: DBS vs WYHK ~~ 3:2

1g2bmum

除了技術，也要看你同是小六的競爭對手，如果那些名校本校生已有足夠人組隊，就不會外求，而餘額則給予有分量比賽中有排名的，而又有申請該校的同學。所以一些沒有直系的中學如皇仁，就會盡量收申請者中最好的。如你所言，未必要排名全港1、2、3。囝囝同學游泳全港小學賽有排名，但去到DBS,郤因為是大仔，以年齢計，成績就比下去，因為將要和中二生比賽。結果也沒收他。其他特異功能亦如是，只是供求關係。相信你囝囝羽毛球已有很好計劃和訓練進度，應該不用擔心。只要引導他好好安排時間，將運動的刻苦和奮鬥精神都放在學業上，向着目標進發，明年一定有更多更好選擇。不要忘記，03是莎士年，出生率也是較低的。

1g2bmum

是學界和泳總的分齡賽皆獲獎!

1g2bmum

大仔意思是年份大一年或以上，正如囝囝是7月尾生，他同學仔是同年10初，但寧願做大仔，所以現在還只讀5年級。小學學界裏只分AB組，我囝囝5 年班時，仍可跟少他3 個月的同學游B組，但少3月的是4年級學生身份，而同級同學仔則游A組。但到六年班時，三個人都游A組，但競爭中一學位時，只有二人。而且在泳總8月舉辦的Champion 組內，我囝囝卻游大一年組，而10月出生的那位卻游同齡但卻有優勢。所以在報名表裏，大仔的時間就只會跟大仔同齡的作參考，而那些同學們已經讀緊中一升中二。