GT 如何能夠做到愉快學習之餘, 亦能保持成績優異?

iamderek

老師曾說過小一升小二和小二升小三的中文考試分別是很大，最重要是開始有作句和作文，而且比分很高。另外，閱讀理解也不再是搬字過紙。

老師也曾說過最理想的分數分佈是鐘型（bell-shaped)，但未必每次考試也能控制深淺水平達致理想分佈。如果小朋友長期不達標，才需要擔心。

muichujamie

回復 iamderek 的帖子

what is bell-shaped?

Minnie_Mickey

Normal distribution

中天英

老師係會根據實際情況，調整評估難度嘅。

我細仔今年小六，上星期五考完數學；之前都有d擔心，因為睇過d「速率」問題，連我呢個大學讀Science嘅，都要唸一陣先明白點計；上兩個禮拜小測「速率」，好似好多人唔合格；結果真正評估時，「速率」出好少，我細仔應該達左標喇。

我細仔數學係下游份子，如果佢都到標（＜70分），咁應該大部份人都有八字頭。

中天英

回復 Minnie_Mickey 的帖子

Normal distribution即係一頭一尾只佔幾個%, 大部份人響中間位置。

如果太淺，好多人都攞好高分，顯示課程未夠挑戰；如果太深，好多人唔合格，代表課程難度過高。

Normal distribution就最理想，代表課程深淺適中。

SumSumBB

原帖由 iamderek 於 13-11-07 發表
老師曾說過小一升小二和小二升小三的中文考試分別是很大，最重要是開始有作句和作文，而且比分很高。另外， ...

另外，記得校長講過小三和小四學生的英文成績會有好大的變化，最容易有急降的情形，這段期間要睇緊d!

chma

好多謝大家的分享，因孩子成績突降擔心，他甚至說不明白問題和聽不明白老師說什麼（普通話），而現在小二的功課量需時2-3小時完成，間中一天特別少。老師常説不要幫他對功課，試過放手卻大量改正，差不多要全部做過，尤其造句，數學文字題，往往做到9時好忟憎，擔心他上課不明白。
試過成績差但學校說唔夠老師開努力小組，叫自己出去補。
那些非一般的常識題和挑戰題都令大人好有壓力，不知如何協助他。

看完大家的分享，知道原來我仔的情況是常態，成績會有高低起伏，難道你們不擔心一個失手就升唔到班嗎？因有些小一同學轉去冇教快的學校後成績非常好，立即找回自信，始終經常在下游的6、70分或緊緊達標，小朋友本身不好受。亦有家長說到了4、5年班，考試分數低，想轉校有困難，被迫留級，聽完我很擔心。
怎樣才能在小朋友有限的時間裏再看課外書呢、學樂器和運動呢？

chma

我知道我們己較名校舒服，不知道其他學校也一樣要谷。愉快學習是我們選優才的原因，老師也很友善，我只是擔心這兩年有點變質，但無論如何，都會教孩子做好現在的本份，不要只看分數，盡力去學習。多謝大家。

中天英

2-3小時功課的確太多，有d唔正常，你有冇問過同級其他同學係咪一樣？

每次評估除左學生本身分數，都重有資料顯示中、英、數、常四科嘅分數分佈及平均分，低分（60-70分）嘅多唔多？每科平均分係幾多？

chma

好多家長反映功課量多咗好多的問題，大家傾計說開學呢兩個月都冇時間看課外書，看閲讀紀錄冊可反映。今次考試其中一班eng write有8人不合格，令家長好擔心，是教法問題、孩子不吸收、太深。應如何配合學校，讓孩子跟上進度？還是應懷疑孩子的能力和學校不配呢？

iamderek

chma 發表於 13-11-8 11:01
好多家長反映功課量多咗好多的問題，大家傾計說開學呢兩個月都冇時間看課外書，看閲讀紀錄冊可反映。今次考 ...

如果功課時間長不是個別問題，可以在家長日向老師和校長反映。

ngkf

中天英 發表於 13-11-8 09:43
2-3小時功課的確太多，有d唔正常，你有冇問過同級其他同學係咪一樣？

每次評估除左學生本身分數，都重有資 ...

功課比以前多咗。應該咁講，有時一星期有某一兩天特別多。

iamderek

以前校長說初小最重要是語言訓練，學校的重點是小二普通話，小三英語。小二除了中文用普通話授課，也安排班主任說普通話處理班務。我覺得家庭也應配合，讓小朋友多看多聽，不竟語言是一生受用的技能。

英文寫作不單要構思，也要顧及文法。小兒現在也經常出錯，所以我要求他寫完之後，要把句子當做Grammar Practices一樣改正文法和標點符號。

cwclsh

回復 chma 的帖子

其實我地一年班一開學已經有5-9樣功課, 少就1個鐘, 多既要2個零鐘. 係臨近考試先少許多!
我果個已經係快手專心的, 且在功課堂都做得不錯.
以上未計中英數常普網上練習, 所以平日無咩可能看圖書或玩.

lulubobo

請問大家的仔女是否仍是很喜歡返學，仍是"愉快中學習"呢?

cwclsh

回復 cwclsh 的帖子

幸好的是我果個追到節奏, 亦懂得忙裡偷閒.
而同班, 確是有些追唔到很吃力 (指是每天功課和作息).
也有個別今次四科唔合格的小朋友.
btw, 佢地還小...只返了2個多月可能未習慣.
但亦唔代表好輕鬆.

cwclsh

回復 lulubobo 的帖子

又好奇怪, 佢地超喜歡的!
我果個幾唔舒服都一定要上學.
每天都好開心學習, 且在堂上很專心投入.
同埋我地既功課都算有趣味,
但對於某些小朋友就會覺得要思考的話就變難.
相信老師學校自有方法.
在我看, 學校是很用心的,
且在校時嚴厲下亦有足夠時間俾學生放鬆同玩.
可說是有收有放!

cwclsh

回復 lulubobo 的帖子

老實講, 我跟幼稚園的家長傾過.
我地在眾學校來講已算不錯.
隔離真x都原來不是太輕鬆.
要成績, 一定有代價.
整體來講, 小學係辛苦的.

janicetsang

不如利用今次家長日，同學傾下，看看問題係邊?
我記得小女1至3年級超軽鬆，不過都有個別老師分派多功課。
但以前她真是半至1小時完成。

NeoMom

回復 janicetsang 的帖子

多功課亦有個可能性係好些功課應該平時續日比但老師冇咁做, 結果在臨考試前才一次過要做番晒, 如真係咁就一定要同學校反映, 以前都試過, 反映之後立即改善