GT 如何能夠做到愉快學習之餘, 亦能保持成績優異?

chma

前輩們,我仔仔都在優才讀小二, 但眼見入讀兩年, 功課量及催谷情況愈來愈嚴重, 好多時, 考試壓力也大, 那些挑戰題全部唔識, 有點打擊, 看到學校為求分數而增加考試難度, 卻沒協助有差異的同學(只交波給家長), 差幾分都沒有人情講, 不給時間和機會孩子改進。這方面我有點害怕越高班越嚴重, 請你有高年級的家長前輩可以分享下你的情況嗎?
孩子在中游, 上課不是十分專心那種, 有心散, 每次考試都好怕他會失手。

janicetsang

小女小5，但不覺大壓力。
功課小3開始多左，但仍算好少。
挑戰題，我一直唔理的。既然無範圍，就不溫習，唔識也唔出奇。反正挑戰題佔好少分。即是搞掂課本一定合格。
我覺得挑戰題是比有大量課外閲讀／探究的孩子的bonus point.

SumSumBB

小兒小四，成績算中上，挑戰題⋯我都唔理的，識左當bonus，不過，評估時都唔多唔少有壓力，驚他失手，尤其是最後一次評估，如果學校計分是計全年評估的平均分，並非只睇最後一次，咁壓力相對會少很多了！
如果成績不達標，是會有努力小組的，應不會只交個波俾家長！記得我仔小二有次數學評估時，不入頭五名，只跌到落平均線，數學老師都有跟進，老師好有心，認為他不應只攞這成績，和我們了解原因後，便日日午飯後的大息，叫我仔去她那裡做功課俾佢睇，又叫我們不用在家幫他對功課，以訓練他小心做數，結果阿仔成績追返上去。阿仔話老師好好，用自己的休息時間去教他和很多其他同學仔，他很感激老師的付出。

中天英

初小功課量指標係一個鐘，高小就係個半鐘；當然偶然會多少少，但通常第二日又會少好多。

如果經常超標，係可以向班主任／老師反映；我大仔都試過比一個新老師教，功課超多，咁我就揾個機會同個老師講，之後功課量就回復正常。

中天英

挑戰題佔五至十分，唔容易攞嘅，通常攞倒兩、三分已經好好。

但係又唔影響合格／達標喎，所以我都唔理挑戰題嘅。

AFSL2007

請問你說「只交波給家長」是什麼意思呢？學校有幾個小組包括努力小姐去幫助成績不太理想的同學，你是認為努力小組沒法幫到小朋友還是其他意思呢？小兒初小時是沒有努力小組的，可能由於有家長向學校反應，所以後來增設了，現在還有一些小組，如另加一點練習在家做，幫助同學追回成績。

AFSL2007

又請問何解說「差幾分也沒人情講，沒給時間小朋改進」？是否有不如快經驗呢？小兒已經是G7,對初小情況的認知有一定距離，不過也曾聽有哥哥在高小弟弟在初小的家長說初小的教學程度比以前深咗，可幸小朋友還享有愉快學習，沒覺壓力和辛苦。小兒成績一向只是中游，所以也怕他失手，挑戰題從來也只能拿幾分，有時也全錯的，不過也能每年順利升班。如果初小已經發現有壓力甚至追不上成績，我想應該好好同班主任了解情況，看看怎樣可以補救，因上到高小，程度更深，初小打不好基礎，會更感吃力。

RSZ

小兒也就讀G2，今次評估中文科考得深，一班有近三份一同學不達標，對于部份家長第一次子女不達標感到震驚及担心，這可理解的，我小兒也考得差，但當我知道有好多同學仔也考得不好時，就理解到這次不是小兒學習上有什麼問題了，也覺得家長或學校不需要也不應該就這一次就標籤學生有問題，需要協助，需知道這才是壓力的由來。

RSZ

初小學習剛開始，放鬆點，一次評估少幾分不需太緊張，留意就可了，學校也不會次次要半班不達標，全部人去努力小組吧

SumSumBB

回復 chma 的帖子

Chma,

四次評估其實是兩測兩考，根據經驗，測驗通常會比考試深，特別是挑戰題，有時真係深到嚇c人，升上高小就漸漸被嚇慣了。記得低小時常識、數學和普通話，都試過遇有好深的卷，以致不達標的同學很多，但其後經過老師調整試卷的深淺，和同學的努力下，情況又回復正常了！

SumSumBB

原帖由 RSZ 於 13-11-07 發表
初小學習剛開始，放鬆點，一次評估少幾分不需太緊張，留意就可了，學校也不會次次要半班不達標，全部人去努 ...

同意，小二下次中文份卷應該會相對易好多，如果小朋友長期不達標，才需要擔心！我朋友仔仔讀神校，考試不達標的比率長期比GT大很多，跟據我仔那級過往三年的數據來看，各科不達標的平均百分比只是個位數，相對其他學校來說，原來是很低。

cwclsh

回復 RSZ 的帖子

我的是小一生, 我地各班都有家長跟高年班的家長一起睇過今年的教材, 真的比去年和往年深很多. 班中有的是有哥哥姐姐分別讀2-4年班, 都說壓力大了許多, 而且校長在早會中都有時會加以壓力, 大家都很緊張呢.
不過跟舊KG家長傾過, 他們的小孩在其他學校都不是好過! 我們雖比別人教得深和快, 但原來我們已經算不錯了 =.=" 相信這是香港的教育.   

janicetsang

昨晚我再問女女，返學壓力大嗎?她答我，無壓力!
我問辛苦嗎，功課多嗎?難嗎?她說唔多，好容易!
我話，今年同學仔都勤力了，因為呈分。
她說，我無咁諗過。
然後我放下心。查實她考試前我同老公都對她說，成績點都無所謂，daddy mummy點都唔會鬧。
從來無比佢去補習，平日功課她自己做，極少要問我。老公完全唔理她學業。平日默書她自己搞掂。
成績中上。
其實大人愈relax,小朋友就少D壓力。

janicetsang

另外，有時大人覺得D野深，係小看了小朋友。
我們只以兒時的自己與現在的小孩子比較，比如，我們可能中學才學科學、歷史，就覺得而家小朋友學D野深、難。
其實，小孩子是一張白紙，你比咩佢佢就得到咩。只是知識範疇不同，佢根本唔覺深，係大人覺得自己都唔識，所以深。
放手比小朋友去試，去經歷失敗，努力，進步。
大人不用咁緊張。
我們細時自己選中學，因為上一代唔識，想番起果時才10、11 age.咁咪一樣咁難。
但是而家D人如果見個小朋友醒少少有D求知慾問下宇宙數學，D人已認為自己的孩子資優，好特別。
可能其實我們細個一樣想知一樣會問，只是以前的父母要搵食，費時啋我們。
所以，我們是忘了以前自己可接收很多知識，杞人憂天。

RSZ

家長說校長覺得近年收的學生叻咗，但無咁勤力，這不知是否影響了出卷的標準，不過正如sumsumbb 說，要是要入努力小組，長期不達標，才需要担心

muichujamie

回復 SumSumBB 的帖子

我反而覺得測驗淺過考試喎，呀女每次測驗都高分過考試，又可能係少D野讀掛。

Minnie_Mickey

比孩子一個機會面對逆境，自我反省努力温習及定下目標，父母在旁默默協助，到下次考試看看自己的成果才是對他們最好的安排

muichujamie

呀女三年班，我都覺二年班D卷明顯比一年班深好多，尤其中文同常識科，所以好明顯分數低左。而家都慣左，又唔太擔心。
同埋，中文默書挑戰題真係好大挑戰，D字又深，又要用普通話讀，呀女好多時都唔明老師講咩野。

cwclsh

回復 RSZ 的帖子

Hahaa...btw, 雖然深同教得快, 的確又唔算十分吃力. 相信考試絕大部份人都達標(考前1天溫習) !

SumSumBB

原帖由 muichujamie 於 13-11-07 發表
回復 SumSumBB 的帖子

我反而覺得測驗淺過考試喎，呀女每次測驗都高分過考試，又可能係少D野讀掛。

我覺得考試比測驗淺，原因係我級前兩年被「大屠殺」，都咁啱係測驗吧！接著就見到份考試卷淺了，由人心惶惶變為皆大歡喜！