上了小一后的煩惱！

bbpigbb

小孩今年升讀小一初期都願意返學校，近排不願意上學，臨出門口前或出口后總會大發脾氣及鬧情緒，而且將書包掉落地下多次，發脾氣過長時都會引至遲到記手冊，有時在路途中又攞書包掉落地下，攪到途人或其他家長望住。

而且在9月中已約見所有老師見面理解小兒的行為，而且老師都包容小兒情況，此外老師都贊賞佢令一方面。

同時我帶他返學時用卡通話題或講佢鐘意聽故事引他注意力，希望使他忘記之前發生㗎事情，但有時都會失敗。

我真不知道再用什麼方法能解決可順順利利返學。

Capricorn2521

回復 bbpigbb 的帖子

會吾會吾夠訓 ? 定學校發生了不如意事情 ? 不過，我朋友個仔都係小一(吾係SEN仔)都吾鐘意返學。個小朋友話上咗小學好多野做，又好多規則要遵守。

你平日可以問吓小朋友學校情況，然後問吓佢覺得點/有何感受? 再諗辦法幫佢。

我仔今年都係小一，早上我會睇完佢禮堂早會，睇完佢上課室先去返工，因為我想同亞仔有多D學校話題。

ChattyST

有好多可能性GA WOR!
係咪番學太多規則要遵守??
定係小朋友未能明白教學內容, 而覺得番學好悶?
定係開始有同學仔蝦佢??
定只係太疲倦??

bbpigbb

1）會吾會吾夠訓 ? ---＞初期都難叫佢起身，似家已經早順早起身。


2）學校發生了不如意事情 ? ---＞所有老師都知小孩是sen學生，而且我都有問老師佢上堂及小息情況，老師沒有講過發生不如意事情。


3）起初我小孩都有講做功課好辛苦，有時都不願意做，加上又好多規則要遵守。


4）你平日可以問吓小朋友學校情況，然後問吓佢覺得點/有何感受? ---＞我小孩語言能力不太好，有時不能講解太清楚。


5）請問你小孩平日功課大約有幾多呀？開始默書未？

Capricorn2521

回復 bbpigbb 的帖子

我小朋友初初都係.......問佢好多野都話「吾知」，我問多幾次，佢就開始留意。例如我問佢邊個係班長，佢只答：7號同9號。問佢班長叫咩名，佢又話「吾知」。慢慢地...依家可以話比我知女班長個名。男班長仲未知！

平均每日5樣功課啦，星期五會仲多。已經開始默書啦，中英都係2星期一次。

yansing

原帖由 bbpigbb 於 13-10-03 發表
小孩今年升讀小一初期都願意返學校，近排不願意上學，臨出門口前或出口后總會大發脾氣及鬧情緒，而且將書包 ...

學校除了老師之外，有無社工姑娘幫忙？我有個學生開頭也不願意番學，未入到班房已喊，但不知原因。後來，社工，班主任同老師用左d時間同佢傾計，小息去一些活動，幫助佢認識朋友，佢而家番學好開心，好願意番學架！

bbpigbb

依家小孩對返學沒有擴拒，比起早期好了些。