Are you happy? Are you kids happy?

newdaddy

Dear Parents,
Pls do NOT just focus on the academic side (e.g. training, tuition on English). Leisure and hobbies are equally important for kids as well as ourselves. By hobbies, I don't mean to learn cello or violin for the sake of certificates or medals but to find a way that our kids enjoy.
Beware of the stress level of our kids and that of OURSELVES!
Do NOT be too pushy.
I've seen a child who was forced to learn piano by his mother. He just tore off the certificate the day he passed grade 8 exam!
Think about it. What if your son graduates from Medical School but hate you? Do we really want that to happen?

小曳人

我覺得溝通好緊要！
其實有時小朋友學習，一定要有d壓力，好似學音樂咁，過程都係要學習嘅一環！小朋友如何從刻苦練習然後完成目標，得到成功感與樂趣。
學習任何一樣嘢，就算好有興趣/天份，都有可能遇到難關！
家長要分得出係幫佢一把，定係死迫~ 其實小朋友一d樂趣都無！

btw, 如果有日阿仔同我講，佢要讀medical school，我會阻止佢架！太辛苦喇！

erniec

我相信為人父母一定睇得出係迫定係鐘意，以前我地細時好想學野，但屋企afford唔到錯失機會，到大過左搵到錢再去學番，雖然辛苦但會好努力學。宜家D家長有一定能力，只怕小朋友學得唔夠多，同埋好容易潛意識有種"projection"行為，即自己小時缺乏或未能做到既野，就好希望子女能夠替自己做到，我地時刻都要記住小朋友都係一個個體，家長係佢地一個成長伙伴，我地會將經驗同佢地分享，會不計條件support佢地愛佢地，但大前題係要俾空間佢地去思考，明辨事非，只有發自內心的才會一身受用，迫出黎既唔會長久，說易行難，無人天生會識做good parents,we also need to learn.  Add oil!

chunyatmama

原帖由 小克 於 13-09-30 發表
小曳人終於出場！
各位，一場遊戲一場夢，真係要放開，放鬆！
近日有post話寧願用4200萬六合彩或者自己條命 ...

你的經歷也讓我回想起細女考幼稚園的痛苦經過。我也為她留過眼淚。所以，如今大仔入了一間好的小學，而細女可以拉衫尾入，除了感恩，只有感恩.

little_yolky

小克 發表於 13-9-30 14:40
小曳人終於出場！
各位，一場遊戲一場夢，真係要放開，放鬆！
近日有post話寧願用4200萬六合彩或者自己條命 ...

我完全沒有你的痛苦經歷。因為我們實在太hea了！

考幼稚園時, 阿囡考間間都唔掂, 好彩我預先報咗間排次序入的學校。無風無浪畢業今年升小一。

舊年考小一, 報咗4間私校, 阿囡面試當然又係唔掂, 但我有報二線, 所以付付碌碌又入到一間唔錯的小學。

我們太hea了！阿囡都好hea。佢永遠做唔到最叻果個, 只要自己中中庭庭, 合格有餘就算。無乜殺傷力, 所以同學老師都好鐘意佢。學校課外活動全部由佢自己揀, 揀錯佢自己受。反正佢規規矩矩, 自己做功課自己溫書。

但是, 見到其他小朋友好smart, 成日都會諗, 係咪應該谷下阿囡呢? 佢真係好平凡下喎。內心經常爭扎, 懷疑自己的做法是否正確。

kenwong888

Deleted

erniec

回復 little_yolky 的帖子

平凡是福MA!我覺得唔係谷唔谷，而係可以俾小朋友試一D佢真正鐘意做同學既野，我地呢一代應慶幸有能力可以俾小朋友嘗試唔同既野，我以前細時屋企唔太有錢，阿媽睇錢又好緊，好多野想學佢都唔俾，的宜且確係miss左好多野。現今既父母生得少又有經濟能力學識，聽唔少小朋友最怕係放暑假，因仲忙過番學。我覺得最重要係小朋友真有輿趣，可以俾佢機會試唔同既野，但一定唔可以迫。

happy_lavender

其實對於小朋友，任何事物都很新奇，都能引起興趣！問題是如何令他們持續地有興趣和不斷求進，懂得尋求滿足感，這多少與目標追求和讚賞有關。

不說其他人，就以我為例；我以前覺得揹幾十磅遠足是愚不可及，自己辛苦自己！但你從我的頭像可見，我現在是AYP的遠足導師，為何會有這種轉變？就是因為我定下了目標，要考取這個資格以便帶領年輕人體驗更多，當有了自發的動力，再加上教練們的引導，帶領我們完成一個又一個的挑戰，從而獲得一次比一次大的滿足感，慢慢地遠足便成為了我的興趣！但從外在來說，遠足活動仍然艱辛，只是我的內在感受變了，當有自發動力，便能愉快地完成一些艱辛的事情；任何知識上的學習亦然。