評估左有讀寫障礙，自己跟好還是比人教好呢？

小ice

平時啲功課默書，比人跟就無咁傷感情，但人地跟又唔知好唔好，好難取捨。。

belau8009

如果教得唔好會唔會埋怨？自己跟有冇咁嫁時間和能力(方法和耐性)，我自己跟都係摸索緊，當理解到自己能力不足時，每星期會將一小部份的時間交俾專業人士，亦找一些自己已經忘記了但以前很喜愛的事來放鬆自己，希望幫到你有好的方向！

mamalife

我跟了一段日子，覺得自己情緒越來越差，真係想搵個人幫輕下，真係頂唔順了

kacary

我自己跟，比人係好，起碼自己舒服D，但呢個人要搵同夾

stepchk

回復 小ice 的帖子

請問你去邊度做評估架﹖

Flower

比人跟的意思是比補習社跟？如你小朋友忍受到比人罵得仲過份過你的話，便讓他去。我都忍左幾年，今年自己教佢返而開心左，平時少少背，時間是會用了特別多，冇法，為左佢，我星期六日都冇起過街。

Flower

我去協康會，你上網查電話預約

小ice

小兒在學校評估的,個人也覺得自己跟會好一點,知道佢邊度唔明,而且外面要搵啱人,唔岩又係差倒不如自己教仲好...唯一唔好係勞氣同自己辛苦D!!

我都好迷茫.....大家有咩書或網站資料有關讀寫的?我之前已經上過一些有關課程了,但仍想學多D有關的知識!

超正龍吐珠

我都摸索緊自己跟/出外補習好.

mamalife

我自己晚上努力跟左一排，其實都一年，上一週開始比人跟，因為我真的太累了，但我就教補習姐姐，用我自己研究出來的方法去教，效果很不錯，進度比我自己跟的好，而晚上又有返親子，學習好了，感情好了，家庭生活都開心了！