你地小朋友有無沉迷某些東西?

rd21gn54

仔仔兩歲，爸爸媽媽屋企人都未識叫， 近來就狂迷上ABC字母。
一早起來便指住台仔D “ABC” 字母貼紙叫大人讀。有時可指上一個鐘。
跟住下午再指過。重覆又重覆...
我很高興他再沒有通屋亂跑，終於坐定定。
但坐定只因有ABC， 而不是其他玩具。

A 仔一迷上某些東西，便會有怪異行為出現。聽過有家長話自己個A仔因為在街上看見ABC就企定指指指，
最後同自己一齊出街D friend都頂佢吾住，走左吾理佢。

我應否stop佢？你地小朋友有無沉迷行為? 你地點處理？

bauhiniakan2000

回復 rd21gn54 的帖子

其實現在都不知道是否,但這些是一般這些小朋友喜歡的,我兒子也是什麽聲音也没有,最先學識講A - Z, one to ten,1-10這些,跟着就有很多單字,跟着一個月後就能講兩字詞,既然未開口就跟他講,等佢開口再算,我囝現在識寸小小英文字,識三百多個中文字,現在見到唔識的中文字要我教佢讀,識的早排睇到唔肯走,耍讀比我聽,一行過地產就要讀晒佢識 d 樓盤至肯走,在地鉄站見到 D站名,要讀晒 84 個至肯走,現正改善中.

ccyu

不停開門關門，可以不停地做，算不算?

csy_0101

原帖由 bauhiniakan2000 於 13-09-17 發表
回復 rd21gn54 的帖子

其實現在都不知道是否,但這些是一般這些小朋友喜歡的,我兒子也是什麽聲音也没有,最 ...

我個女2歲7個月，又係淨係讀a-z and 1-10...有時我會刻意走埋去同佢一齊讀，佢就即停，走左去

Capricorn2521

回復 rd21gn54 的帖子

教佢用立筆(crayon)寫ABC
教佢用泥膠初/砌英文字母
同佢講M for Mummy，同時指住媽媽；D for daddy，同時指住爸爸
教佢唱ABC song
買ABC書同佢一齊睇

利用佢喜歡的東西，教佢應學的東西，佢會學得特別快。

kc61282

迷所有超人, 近排曚面超人W & O系列記晒所有記憶體同玩具...

bauhiniakan2000

回復 ccyu 的帖子

當然係,我囝囝兩歲前經常開關衣櫃倘門,櫃筒,轉bb車車轆,玩具車車轆,不停開関電腦一兩个鍾.

bauhiniakan2000

回復 csy_0101 的帖子

你可以在他不讀時,自己係度讀,引佢埋來同你一齊讀,我兒子叫佢食飯佢話唔食,我唔理佢自己食,佢會自動走埋來話要食飯.

rd21gn54

回復 bauhiniakan2000 的帖子

佢地呢D行為，其實係同外界接觸的一個窗口，要好好利用。
但係又怕用得太多，會鼓勵佢重覆固汁行為。
你個仔仔識咁多中文字都好好學，好叻叻。

rd21gn54

回復 Capricorn2521 的帖子

我都係咁諗，因為反正其他玩具都吾吸引佢。
只有泥膠未做，因為怕佢食入口。

csy_0101

原帖由 bauhiniakan2000 於 13-09-17 發表
回復 csy_0101 的帖子

你可以在他不讀時,自己係度讀,引佢埋來同你一齊讀,我兒子叫佢食飯佢話唔食,我唔理佢 ...

我未試過呢個方法，聽落好似可行，等我同佢試下先，謝謝

rd21gn54

回復 bauhiniakan2000 的帖子

請問你小朋友幾大？點教咁細個既認識中文字？仲要識咁多？

bauhiniakan2000

囝囝已經三歲半,讀K1,讀N班時佢返來唱兒歌我就捉住佢用手指D字,學校課本就捉住佢隻手指D字同佢講課本D字,英文要佢學寸字,他很喜歡行 POPCPRN商場,他最初認到D洗手間,及店鋪地圖,我就教佢讀埋D字,佢鍾意睇 YOUTUBE MTR站名D歌仔,我轚停同佢讀,最初認得歌仔定裏的站名,我同佢搭這些站以的都教他讀,去到每個屋苑的名牌都教他讀,連衔名都同佢讀,識讀學校名,去過的訓練中心,贴在升降機通告都教佢讀,2個前識84個地铁站,識讀至企的常用物品,潔手液,洗潔精,杯麵,煎 PAN ,飲品名,牌子,說話也是一樣的,以前我在家拿着我品捉住手指話佢聽,當然要好多次,跟着就指遠D野講,像你儲埋D錢,要用時就會搵出來用.

fongbau

我個仔勁中意睇髪型屋果D轉轉燈箱，睇到邊條街有個咩色燈箱都知~
其次就係迷巴士鐵路，成日上youtube睇.........唔知邊D無聊人定又係A仔，影唒大部分巴士路線放上網，我個仔可以睇足一日non stop

cksy_bb

原帖由 rd21gn54 於 13-09-16 發表
仔仔兩歲，爸爸媽媽屋企人都未識叫， 近來就狂迷上ABC字母。
一早起來便指住台仔D “ABC” 字母貼紙叫大人 ...

這些是A仔特質，是重複性動作及狹窄玩耍技巧，而且是不容易接受新事物，加上固執行為能給予一定安全感。將上述幾個特性作為你的思考起點，便不難從大部份行為中解構A仔「為什麼」這樣做和「不想做的原因」，了解左因素，你便有方法著手去從他所喜歡的東西，點點滴滴地擴闊他的遊戲模式，當孩子享受到變化了的方式可給他快樂，便可再進級至不止重複性行為可給他安全感，原來，另一種處理方法都可以解決「遊戲中的疑難」，即車不止可排隊，而且可以穿過隧道後再排隊，但要滿足他特性，所以最後都讓他穿完隧道，要再排隊，以免讓孩子感到「不滿足」而抗拒你，下次再去穿隧道，上山頂，下山，經火車站，乘客下車，再回去排隊，慢慢地，排隊已不及過程重要，淡化固執行為，再將情景帶到其他生活方面，但不用阻止他的沉迷行為或玩具，只要加些特色，他會慢慢MIT 甩。非常固執的，要一年時間！朋友們怎麼，不會影響你對孩子的愛，孩子都不會因朋友而不愛你，你不用因為朋友行為而對孩子有所介意，因為，A仔的固執行為，令他一旦相信一個人，便不會改變，這個人，就是媽媽你。題外話，有時他們不想做的，是硬頸到你用槍指他都不妥協，但請相信他們總有原因，只是個原因不在你身上，當他們不想做某些事時，可能因為感覺不安，將不安的情境放大和投射到腦海中，變化成很恐怖的情境，令腦部不勝負荷，所以不想做。例如你想跟孩子觀看直升機，當你看見直升機降落，你眼睛看見的距離是不會構成撞擊，但，在他們腦部投射到的是直升機墜落在他頭頂，你說你會怕嗎？好好想想，今天累便明天想吧，教A仔很須要靈感的。努力加油

bauhiniakan2000

回復 cksy_bb 的帖子

完全同意,好像兒子不肯飲水,嚴重便秘,用甘油泵他都很害怕及抗拒,我便秘用了一次就知道原因,因為用了更急,怎出力也痾不出來,原來用這個方法令他很痛苦,我就不用此方法,日日比他肯飲的维他奶佢飲,及不停同佢講多飲水痾臭臭就唔辛苦,他會在要去大便前飲 500-700mL 水.

zhfl729

无哦 我仔无沉迷

chowqv

有。thomas火車，搭咩交通公具，都要背路線圖。

英文，睇卡通要英文，聽指令，講英文就快d應我。

Vichang

回復 rd21gn54 的帖子

乜我個仔同你嗰個一樣 ga?

同樣鍾意 A to Z, 1 to 30 (看日歷).....  佢 2 years 4 months..   

另外, 佢睇書其實係看頁數 (page numbers)... 其他人仲以為佢咁坐定定睇書喎!!

最近開始試下 A for Apple ...跟住我指住蘋果...... 佢開始知知哋 Appple 係乜....

rd21gn54

回復 cksy_bb 的帖子

你說得太好了，可能我要給他一些不同玩法，如把ABC串成APPLE. expand 多些