請問上午兩文三語班

wendysuperbaby

要Native 口音，單靠學校未必幫到你。

小曳人

回覆 kyramom 的帖子

我相信大仔係比較極端嘅例子
生性好奇，聰敏過人(老師評語)，記性好

N班時，自己去讀架上面同學仔嘅名牌，或者四周貼咗嘅字咭，經常自由行，班主任係當時年資最長嘅老師，佢答我：有佢响度問問題，其他小朋友都學多咗嘢
我滿心歡喜，K1無轉校
到K1，班主任話：佢係聰明，但唔守規矩，用咗一個學期時間令patpat痴住張櫈！試過唔聽話，捉佢見N班班主任！
到K2，班主任：佢唔會主動舉手答問題，有時聽幾分鐘識咗就問始遊雲，要主動叫佢答問題，佢係識架！
(我最鍾意呢位老師，佢知道小朋友長處弱點，仲會識得拉返佢上堂！)
到K3，遇到個評語較差嘅班主任，家長日無乜嘢講到....問佢，都話會上堂遊雲

結論：鼓勵學習，引領到小朋友學習動機，似乎係好老師嘅責任，相信同學校無關，K1班主任要教紀律，難為佢喇，佢一講紀律，曳人被整治，好多問題已經唔敢去問，當然，上到小學都唔係隨便可以問問題...睇你想點喇！

有一樣想提一提，今年換咗好多老師(特別係N班老師)，未知係好事定壞事，但大仔K1-K3嘅班主任聽聞仲留任~