擔心到半夜醒左

jaijailovebb

呀女18個月返健康院，姑娘覺得有問題，之後安排1個半月後見醫生做45分鐘評估
原先我唔識驚，諗諗下，呀女又真係有d似自閉的問題
請問大家知健康院第一次見醫生會做咩架？
見你地講排s,e,i位，點先可以開始排？
如女有問題，我想盡快排
個心，覺得好煩
謝謝大家

kc61282

唔好用煩去對呢件事, 用最好方法幫兒女吧

政府先安排你去評估, 跟住又係等見社工, 再比S E I位你選, 係等既時候, 帶小朋友上一D佢需要既課程, 如何未識講野, 就帶佢上言語, 財政許可就帶佢去私人做評估, 有result後, 真係閉既, 就比佢返住私人, 越早面對, 對小朋友得益最大.

jaijailovebb

原帖由 kc61282 於 13-09-14 發表
唔好用煩去對呢件事, 用最好方法幫兒女吧

政府先安排你去評估, 跟住又係等見社工, 再比S E I位你選, 係等 ...

多謝你，應該係覺得個人好亂唔知點算？
10月尾要去健康院見醫生，姑娘話到時做45分鐘評估，唔知係米到時就會評估到我女有冇自閉？

szenana

係丫，如果評估到有自閉，或者懷疑是自閉，就会轉介去兒童智力中心

kc61282

自己兒女，佢閉唔閉你都一樣全力照顧佢，放鬆D啦

jaijailovebb

明白，先謝謝樓上jm
請問如再轉介去政府智力評估幾耐？
如我私人揾，評估後再排政府隊得嗎？
私人評估近屯門有介紹嗎？

因若果有問題我想快d同佢做訓練同排I,e,s位，爭取時間

謝謝

chowqv

jaijailovebb 發表於 13-9-14 15:21
明白，先謝謝樓上jm
請問如再轉介去政府智力評估幾耐？
如我私人揾，評估後再排政府隊得嗎？

不如你了解下咩係I,E,S位先啦。

18個月，政府既位都未入得。

同埋要排政府既位，係要評估係政府認可既先承認。

szenana

回復 jaijailovebb 的帖子

你可以边排政府，边做私人訓練，我仔好好彩四月去健康院評估，六月就可以去兒童智能中心見姑娘填問卷，跟住又要約時間見姑娘，見左姑娘同社工，佢会話比你知小朋友適合咩位，不过排精神科就好耐，因為滿哂要排到出年三月，如果私人訓練，良景協康，天x兒童發展中心，同埋心橋兒童發展計劃，呢三間幾好，係呢度jm介绍，我仔呢個月十八號去良景協康訓練，到時話比你知好唔好

jaijailovebb

唔該哂，各位

bauhiniakan2000

回復 jaijailovebb 的帖子

會给小朋友玩玩具,及玩具技巧,測認知,語言,問家長小朋友的能力,喜歡什麽,情绪,行為.我2011年11月初見健康院醫生,不到五分鍾,她就話唔使做了,兒子完全不合作及乜都唔識,重唔識行,寫轉介信比我去醫院睇兒科及去 cac,2011年12月初見cac姑娘,情況仍一樣,重未識行,2012年3月初剛兩歲確診 autstic disorder,認知,語言,大小肌肉能力衹有 9-12個月, 2012年 5月 初排到醫院做 PT,8月排到中排到醫院做 OT,可能我囝當時比較嚴重,所以排得好快,因我在私人訓練時認識的家長和机構都覺得兒子排什麽都比人快,可能真是太差了,但經過我辭了工,全力照顧這 18個月的努力,能力大大提升,語言表達3歲3個月,認知達同齡,大肌肉差3個月,小手肌超越同齢,評估結果不代表一切,你的努力最重要,加油.

jaijailovebb

朋友覺得我女未必係我諗到甘差，可能只係學嘢慢，對人就選擇性玩，睇睇下佢又真係比較鐘意男性，會同男性握手，女就熟先會攬下
認知我教左好耐都唔指眼耳口鼻，平日都唔多指嘢，但呢3日見我切菜，會講切切切，但我係冇教過佢講，可能平日聽過
仲要等多一個半月先評估，真係擔心

cat1028

你上網睇下自閉小朋友的特徵，你孩子中多少，你心中有数，語言，社交，眼神，，，，

cat1028

社交指朋輩間的互動

jaijailovebb

原帖由 cat1028 於 13-09-19 發表
你上網睇下自閉小朋友的特徵，你孩子中多少，你心中有数，語言，社交，眼神，，，， ...

有睇呀，所以攪到我15，16，有d好中，諗諗下又唔係
不過就真係唔太識互動