請問聖嘉肋小學好唔好

lin051051

冇錯，聖心 ，聖士提反，瑪利曼，瑪利諾……等…同聖嘉勒…級數都唔同。

Jane1983

係吾同級數，但果d自行要高分、大抽獎要超好運，和人人可以考的私校，係吾同的。

lin051051

所以重點就係度了，小學又唔特別好…如果係我情願去參加大抽獎。11區女子有好多可以選，女校或男女校都得。

又可以省下錢。將4000 用來學其他課外活動。
不过，每人諗法唔同…

tko-parent

佢話曬係英小，又有中學直升（聖嘉勒女書院）, 又係英中，又係傳統名校。都吾錯啦。

中西區，灣仔區有好多選擇，但其他區或入吾到個批最好的選佢都吾錯，而且係私小，人人都可以報。

whl3868

硬要係好學校中揾最好....無奈
真係每個人想法唔同
但相法唔同...亦改變唔到係一間好學校

sansancheng

我唔係11網, 係南區, 因為網上好少人講呢間學校, 我聽講呢間學校校風唔錯, 同埋係英小, 英文程度應該唔錯! 有冇讀緊嘅人可以入來講下呀!

TB

其實睇下你想選一間咩學校比你囡囡，而呢間學校又啱唔啱佢讀。聖嘉勒嘅校風好，個個女仔出黎嘅品德都唔會好差。我朋友個女喺聖士堤反，大家同級。佢話我女D中文同英文都深過佢個女。當然，如果你首耍成績勁嘅學校，聖心一定勁過St Clare.

washburn

我就係11網,女女只有15分,即同有宗教信仰名校冇緣.又唔想將女女命運交托俾幸運之神,我覺得St Clare可買個安心.入到11網其他津貼學校,以女仔計,都係要band1先有機會入到St Clare. 我親戚教基恩,入英華, St Stephen, St Clare,加埋都少於20,即要全級頭20,咁你肯唔肯定你女女一定係top tier....我哋D家長比較過St Clare小學嘅課程同測驗卷,有家長小朋友家姐讀SPC,都話SC程度差唔多.....如果一定要講派位,中學成績,麻煩大家去高中討論區嗰邊睇下,上年有有心人做晒文憑試成績列表比較,我唔想hard sell,你心目中以為成績好過其實未必係事實.... St Clare小學年年都有公佈派位,同區某學校近兩年已冇再公佈,內裡一定有原因....我認識的聖嘉勒畢業生全部都係專業人仕,純樸有禮,而且咁多年都好喜歡其母校,令我對St Clare一直有好感. 3千元學費可以用作補習,但可以做到日日科科都英語教學,每星期有2日學法文嗎,就算可以都難保女兒一定可以在津小做到全級20內,所以如果小學學費可以買到直屬中學學額較大嘅保障,我個人ok. 尤其英中減派,SC中學預留大部分學位給小學,只有約4X給派位(報紙資訊)....
其實喺BK,好難找到SC家長發聲,因為呢度又太多同區另一競爭學校fans....我都已經減少發言,但太脫離事實,尤其校風,成績....不得不出嚟以正視聽

katebb

小女都讀緊St Clare's k3 都覺得學校好好。

本人也住中西區11網，聖彼得舊生，但都俾個女直升. 因學校好，同埋佢地俾學生好多機會出來全校面前講野，領經，訓練； 接觸英文機會也高。

TB

原帖由 washburn 於 13-10-03 發表
我就係11網,女女只有15分,即同有宗教信仰名校冇緣.又唔想將女女命運交托俾幸運之神,我覺得St Clare可買個安 ...

絕對同意。我女喺度讀緊，佢好愛學校，好愛老師，好仲意返學。連放暑假都話掛住老師同同學，好想返學。如果小朋友返學唔開心，佢根本唔會讀得好。不論中學或小學，D女仔都好樸素，好有禮貌。

katebb

Result of Secondary School Places Allocation 2011~2013
http://scps.school.hk/system/tool/announcements/content.php?charset=iso-8859-1&netroom_id=1&tool_id=105&channel=campus&parent_id=1409

Result of Secondary School Allocation 2011/2012
http://scps.school.hk/system/tool/announcements/content.php?charset=iso-8859-1&netroom_id=1&tool_id=105&channel=campus&parent_id=1044


如果用HKDSE result 睇, St. Clare's 好好, 你可以比較下.

http://www.edu-kingdom.com/home.php?mod=space&uid=35057&do=blog&id=1881

sansancheng

我好開心, 見到有D讀緊聖嘉肋嘅朋友出來講, 我認為間小學可以教到小朋友有禮貌, 英文成績又唔錯, 小朋友又喜歡返學, 我都對呢間學校有信心了, 多謝各位。 請問此校多雜費要交嗎?

TB

已忘記几多錢，但都只是學期最後一日交下年度雜費，唔會返返下又叫你再交。

wendy618

我女兒也在ST CLARES就讀，本人以中立立場來說，中西區最出名一定是聖心和st stephen。st clares 跟住之後。雖則不能和那兩間相比，但一定不是比人講到地底泥個隻。

換了校長後，grade 一路向上升。本人覺得女兒讀得開心，有禮，校風好。除了中文是中文外，所有科目是全英。功課量頗多，測驗都緊密，（有位媽咪話ST CLARES D嘢重深過ST STEPHEN，同學仔媽咪的朋友在st stephen讀也是這樣講，這也有點兒suprise)。是有法文堂，不用考試或TEST，所以OK！

基本上每間學校都有好與不好，始於在於家長想選揀什麼類型學校適合小孩和家長，再講學費也是一個concern的問題，不過，st clares,今年冇加過學費，也不是＄4000一個月，應是＄31XX。

重之，去報學校，可去校學校網頁了解，open day.信自已直覺

sansancheng

請問讀ST.CLARE的媽媽, 我知好多學校嘅老師教小朋友在學術方面都係一般, 佢地可能旨意D學生會出去補習! 唔知呢間學校會唔會有咁嘅情況呢?

TB

其實學校都有派補充紙比小朋友做。我囡囡只有英文搵人教，其他科我都係自己跟。我覺得學校老師教已ok,不用每科都揾補習。

sansancheng

丅hanks!

TB

但要有心理準備，評估（小測）會好密。但我覺得係好事，keep住温習，知道自己小朋友有咩唔得，快D教返。大測、評估同默書都會計分。好處係唔洗一戰定生死。

sansancheng

St.Clare 全程用英語Interview嗎, 我女唔敢係人面前講英文, 睇來入嘅機會可能好低, 但我好中意呢間學校, 我地都會試下!

TB

你囡囡in K1 定 P1?