有沒有人知道為何校巴服遲咗咁多？

angelasuen

開學三日後，校巴日日都要遲二十分鐘，小朋友個個都話校巴好遲過學校接佢哋，之前一落來校巴已經等緊佢哋，宜家佢哋要等好耐校巴才到。我同好多家長打電話投訴態度又好惡。真唔知要點搞？

lutang

邊區呀？

lutang

你指返學定放學？

angelasuen

大圍明城，今早已經好多家長在下面投訴了。希望有改善，每天所有校巴走咗我哋嘅校巴仲未到，舊年四點零五分到，今年突然間又四點半過才能到，搞到過興趣班都遲到。

lutang

會唔會啱啱開學難預時間呀?索性同校車姨姨講定咗時間遲d先落嚟接啦!再唔係睇吓同學校反映得唔得?

angelasuen

但開學前兩日都沒問題，宜家聽講接其他學校趕不贏，日日要小朋友等，家長等。搞到我個興趣班要全部重新排過，又唔知可不可以？不是想怎樣改時就可以怎樣改的。最壞就是要自己接送，但個位置又不近火車或地鐵，真的有得辛苦了。無端端搭多半個鐘係個校巴上。馬鞍山都早過我地落車。

angelasuen

其實也不關學校事，間公司店大欺客。所以我都係打電話過佢公司，校巴姨姨只是跟車所以不會找她了。她說她都要等部車，車就係遲過來接，只係我這條線有問題，不過多家長投訴今日總算在十七分到。我至少可以把書包扔下再去上課，否則一下校巴就要招的士。不過今日又好多家長未到，可能之前等得不耐煩，已經不願早下去，結果姨姨又要一個個打電話，我這裏已經十幾個人搭校巴了。

angelasuen

這裏其他學校搭冠中，整個大圍一個下車點，全部要走到屋邨下面接，仲慘我哋，行十五分鐘被太陽曬，被蚊咬，都沒辦法。我哋不算最差，只想不要遲得太離譜。