請問有冇卓思幼稚園入到仁立？

fixedstar99

如題，thanks！
小女今年會報讀K1, 本身住65校網，考慮緊比佢讀邊間幼稚園先有助日後升上仁立，many thanks！

fixedstar99

冇人答？自己push下!

wywychch

有呀，我個仔叩門入到，今年讀小一

Himby

近幾年都有卓思小朋友入仁立，但數目唔多，5隻手指數得晒。
入仁立首先係計分，then大抽獎派位，讀邊間幼稚園影響唔係咁大。

fixedstar99

回復 wywychch 的帖子

請問你幾多分去叩門既？本身係咪有哥哥姐姐讀緊？

samima

世襲生係唔叩門就入到呀！！而我知道我朋友幾年前抽唔到而中咗佢附近小學想叩門佢見都唔見！

Mrs_Mo

請問小兒係讀邊間幼稚園?

MSBOY

wywychch 發表於 13-9-19 00:09
有呀，我個仔叩門入到，今年讀小一

Hi, 請問叩門難叩嗎? 會問些什麼問題?會見家長嗎?是否見晒所有叩門生?
學校有冇功課班?

video_ming

回覆 fixedstar99 的帖子

我囡囡是卓思畢業.現在五年級,當年是扣門.

video_ming

回覆 fixedstar99 的帖子

我識的卓思小朋友在仁立讀，都讀得好好。他們都是扣門入的。我個人覺得讀卓思上仁立應該沒有問題。

fixedstar99

回覆 video_ming 的帖子

Video_ming, 好多謝你的分享！
請問你個小朋友當年係卓思係咪好outstanding?
我有聽過話卓思校長似乎不支持她的學生報讀仁立，唔知係咪真噶？


小女下年先升K1, 目前有卓思同康傑offer，正為揀邊個幼稚園而煩惱，仁立一直系我心目中既好小學，唔知你覺得卓思同康傑，邊個對叩門仁立有利D呢？除佐上幼稚園，你覺得我需要額外對個小朋友train D咩野先可以另到佢有機會叩門仁立呢？Thank you very much！

video_ming

當年是卓思校長覺得囡囡適合讀仁立。我個人不會選擇康傑。因我覺得不是一間好學校。

video_ming

每個小朋友都有他們的特質，向著他們的喜好走。他們學什麼就學什麼。不用太刻意學什麼。一定一定要培養閱讀。

fixedstar99

回覆 video_ming 的帖子

我個意思係叩門仁立，仁立會唔會睇小朋友會否在幼稚園以外另外上各類興趣班？是否有某些特長？
如果只系上幼稚園但冇上課外興趣班，能否成功叩門仁立？

請問卓思校長當年點解會認為你個小朋友適合仁立呢？係咪有某些好outstanding的地方？Thank you！

Bigtaoc123

原帖由 fixedstar99 於 13-09-11 發表
如題，thanks！
小女今年會報讀K1, 本身住65校網，考慮緊比佢讀邊間幼稚園先有助日後升上仁立，many thanks ...

讀邊間幼稚園對讀仁立無關係。仁立係津小, 計分同大抽獎。如果好彩,大抽獎就抽到。

Bigtaoc123

原帖由 fixedstar99 於 14-01-13 發表
回覆 video_ming 的帖子

我個意思係叩門仁立，仁立會唔會睇小朋友會否在幼稚園以外另外上各類興趣班？是否 ...

讀名幼對叩門仁立可能有幫助。我覺得學校都會睇小朋友上咩興趣班,貴精不貴多,最好有學術,藝術同運動等。全面發展,但唔係咩course都讀。其實,如果去到叩門,小朋友既表現勝過所有野。因為你上咩興趣班,學咩,有咩証書,根本作用唔太大。老師一試就知個小朋友既程度去到邊。叩門位仲難過考直私學校。