自行放第一或二位，中學知唔知道？

fion6406

原帖由 ohnono 於 13-09-25 發表
本帖最後由 ohnono 於 13-9-25 21:24 編輯

如果是我，既然喇沙只是我第二志願，無論如何也會要個仔也考好第一志願學校的面試。一來EK唔少人講過「暗示」並不可靠，二來就算喇沙的暗示堅過石堅，阿仔已被第二志願穩收的話，輕鬆應考第一志願的面試，並無損失。急急拒絕第一志願學校的面試，只有一個可能，就是後悔……。考完喇沙才後悔，其實第一志願並非最心儀，其實最心儀的喇沙原來係會收我仔的，……那樣，就即是選校填表失策了。

憫父

回復 smallworld 的帖子

如果第一心儀唔收，但第二心儀收，就唔會再有統一派位，想博入返第一心儀就只有靠叩門。

奥脫福

fion6406 發表於 13-9-25 21:36

如果是我，既然喇沙只是我第二志願，無論如何也會要個仔也考好第一志願學校的面試。一來EK唔少人講過「暗示 ...

別人的選擇都無謂評論，在我個人的想法係：第一志願必係在考慮過現實
情況後最心儀的一間，而第二志願則次之。若第二志願話收我，我定必會
去見埋第一志願；相反若第一志願話收我，當然我都仲會去見埋第二志願
，不過就會以一種不計較得失的超然身份去享受這個面試啦！

ohnono

fion6406 發表於 13-9-25 21:36
如果是我，既然喇沙只是我第二志願，無論如何也會要個仔也考好第一志願學校的面試。一來EK唔少人講過「暗示 ...

一來EK唔少人講過「暗示」並不可靠
-------------------------------

其實EK裡都有好多家長唔清楚喇沙的所謂明示暗示。跟本我地就叫暗示，實則係好明的明示，我睇唔到有必要後悔的必要。而且家長已跟第一志願的學校作好交代。作為一個家長，已對第一志願的學校無悔無憾。



二來就算喇沙的暗示堅過石堅，阿仔已被第二志願穩收的話，輕鬆應考第一志願的面試，並無損失。
-------------------------------

而既然喇沙已經明示，我都會選擇唔去第一志願的學校面試了。早一點收拾心情，早一點享受成果。

而且別人選校的次序有個別特殊原因，。沒有對錯亦沒有好與不好。一個簡單的例子，例如有直屬中學的，小學一定會叫合適的同學以直屬中學為第一志願，難道喇沙有暗示之後還去第一志願的直屬中學面試嗎？雖然係輕鬆應考，亦係心儀、心屬，但如果直屬中學收了，喇沙就算收都冇用，等如你自己放棄。也有其他特別原因，亦絕不是放棄第一志願的學校就是錯。

ohnono

當我地諗深一層，如果真係可以做到選校簡單化呢，我真係要恭喜你地，因為已經成功左第一步。

好可惜，係EK咁耐，每每就發現有世事豈能盡如人意的事。小朋友喜歡本區學校，因為朋友多。家長卻喜歡外區傳統學校，很困難才一人一步得以相就，你選的排第一，我選的只能排第二。我又見過有家長千方百計弄來了神父的推薦信，最後又發覺有其他學校更好，但最後亦只好將神父的推薦學校排第一，因為就算是一廂情願都覺得機會因神父的推薦而高了，自己喜歡的排第二(所以我唔反對亦唔會鼓勵像有家長話的，不論何種關係，包括舊生，神父等等，一封簡單的推薦信仍是無妨)。最後一種情況最普遍，係長達整整一個月的交表期內，月頭交了一間之後，餘下的一間就十五十六，搏定唔搏，最後還是改了又改。

其實大家都經歷過這種心情，大家都知等待係無奈亦係痛苦。莫說是自行選校，就算到統一派位甲乙部的大抽獎，都不知幾多家長經歷改了又改的階段。如果大家有留意，一到十二月和一月EK洗版的速度係開始進入高峰，一路至五月初交回選校表之後才稍為平靜。雙手不停在鍵盤上的徘徊，亦正好反映出家長心內既徘徊！懊悔未完又來個TSA、畢業試；忐忑未完又要應付那密密麻麻既補課。只恨日子過得太慢，未到最後，誰會估到最終的結果。

smallworld

回復 憫父 的帖子

謝謝你的回复。所以我想如果第一心儀沒收，第二心儀收了，都可以很開心地去上學，就填兩間，否則，就只報一間