初中生自動自覺學習有方法嗎?

shadeslayer

原帖由 bigfoothk 於 13-09-08 發表
好懶,冇心機,學校banding 低,將來一定入不到U,有經歷家長,請指點迷津??令佢開竅 ...

嘩，太大的問題。如果有自動自覺方程式，香港就100% 大學生。顧主亦不用擔心請到懶惰不主動，得過且過的員工。

你認為主要係咩問題？

同學影響？
學校教授無方？
懶，係追唔上？定係天份不在讀書？

shadeslayer

Yanamami  唔知道讀好書喺為自己，向自己負責任。  發表於 4 小時前

xxxx

I did not know that until after the HKCEE.

TelleTelleMom

Deleted

orangebb

TelleTelleMom 發表於 13-9-9 00:06
自律同主動係要小學時訓練。我女幼稚園亦唔係名校兼活動教學，初小時追得好辛苦，咁我同佢一齊追，由尾幾慢 ...

講起"初中生自動自覺學習"呢個課題, 真係非常難答..........

不過, 好同意 TelleTelleMom的見解, 最重要係"保持友好關係", 要同小朋友有計傾, 有共同話題, 其他事先容易傾, 唔可以野野單刀直入, 要佢點點點呀.......

我自己小朋友唔係嗰種好有鬥心嘅人, 但觀察所見, 佢係遇強越強, 所以我會一直希望多D叻人係佢身邊, 朋輩影響係非常重要, 所以我都幾留意有咩朋友係佢身邊, 初初升上中一, 我會等下佢放學, 第1個月, 當時放半日, 同佢食飯, 見到有同學仲叫埋一齊, 而家都放心, 因為佢好朋友之中有一半係幾叻架, 有數學全級頭3, 中文全級頭5, 英文全級頭十之內, 我仲講笑話, 咁得喇, 你唔識邊科, 就捉住一個問得喇!  

jk67jk

初初升上中一, 我會等下佢放學, 第1個月, 當時放半日, 同佢食飯, 見到有同學仲叫埋一齊,

非常喜歡你的做法！
我老公，怕個仔識D同學爛玩，所以間時去接佢放學，但係呢.......
目的係儘快接走佢, 等佢唔好群其他同學一齊行喎！ 我覺得好有問題！ (小學時都係咁)
避一時、避唔到一世，可以日日接佢咩？ 認識佢D 朋友，知道佢地係點嘅為人，先為上策！

jk67jk

樓主,

唔好噤灰........
其實,咁想入U, 為乜？如果只係為咗一個 degree, 途徑還有很多。
唔係人人都可以S6後直入大學嘛; 全港幾多中學生, 大學又有幾多學位呢？ Band 1 學生都唔一定全部入到香港的大學。
我老公都係日哦夜哦哩個問題, 又嗔個仔唔勤力唔夠人地D仔叻....

唔係人人有讀書緣, 細路未開竅父母急都冇用; 令佢開竅的轉機亦未必係父母能夠掌握的。 與其擔心D控制唔到嘅事, 不如陪住佢行, 留心佢的興趣、幫佢發展佢有能力的技能，預防佢誤入歧途。  如果佢人生有正確目標，而佢個目標與學歷掛鈎的話，一個有心人，離開咗中學，都會搵方法為自己增值的。

orangebb

jk67jk 發表於 13-9-9 10:05
非常喜歡你的做法！
我老公，怕個仔識D同學爛玩，所以間時去接佢放學，但係呢.......
目的係儘快接走佢, ...

呢個方法我用咗好多年架, 又初小都係咁, 叫佢請小朋友返屋企玩, 升到中學, 就等佢放學約佢食下野, 試過好多次, 佢同唔同同學仔一齊行, 我就對佢D同學話不如食少少野先返屋企吖, 有次食完個同學仔係都要比返錢我, 當時佢地2個都唔係太熟架, 我話唔洗, 你下次請返佢(指住阿女)食燒賣喇, 結果而家2個小朋友做咗好好朋友呀!

真係架, 與其避, 不如主動出擊, 睇下佢D朋友仔係咩人, 當然, 過程要自然, 佢地講咩又扮聽唔到, 唔好插咀, 唔係佢地會覺得你係監視佢架......

Anniemun

Bigfoohk發表於 13-9-8 0:1
冇天份，有天份温2次可，自己孩子要5/6次，時間上己用很多，别人去玩，佢要温習，幼兒園不是名校，家長要工 ...

你好像太在意人地有乜有物咁，放眼事實，將勤補掘，首要是勤力、勤力加勤力。

orangebb

bigfoothk 發表於 13-9-9 12:55
中學生不想家長做跟得夫人，如果佢同學好有問题，只有學孟母三遷，。。。。。 ...

請問你係咪指我做跟得夫人呀? 我唔係喎, 只係等過幾次個女食野, 成個中一試過3次, 撞下佢D同學係咩人咋, 而家佢講起邊個邊個我都全部識得, 大家好多共同話題咋 !   

另外, 我女學校好多同學家長都仲有等下自己小朋友, 形式當然唔係小學個種, 係一齊有講有笑去到車站就分道揚鑣個隻, 或係車站等埋返屋企, 我個女日日一齊放學同路個同學就係咁, 我覺得對增進感情方面幾好呀!

shadeslayer

bigfoothk  佢好懶,冇心機.,點令佢開竅勤力、勤力加勤力??請指點迷津  發表於 7 小時前

xxxxx

Most people here are parents and they normally have 1 or 2 children.  Hardly have experience in dealing with difficult cases.  Talk to social workers and perhaps psychiatrists.  

Anniemun

Anniemun 發表於 13-9-9 135
你好像太在意人地乜有物咁，放眼事實，將勤補掘，首要是勤力、勤力加勤力。 ...

去參加制服團隊或做義工磨練一下，還有幫忙做家務吧！一句懶就事事提不起勁是不應該的，給他一點責任是幫他成長，事事為他打點好冇好處。

shadeslayer

原帖由 bigfoothk 於 13-09-09 發表
psychoanalyst instead  of psychiatrists??*talk to social workers * is good points,如果懶和冇心機,去 ...

邊有家長有必勝方法？你一言我一語有用咩？專業人士可能有用，他們看得 case 多。$500 同個仔前途，我唔識代你決定。

mc

回復 bigfoothk 的帖子

首先，你是兒子的明燈，你都先入為主覺得入一間BANDING 低的中學是〝無前途〞，你個仔又怎會覺得要努力呢？孩子是要受磨練的，入郅一間好的學校不等於就可以一定入到大學，大家都要通過努力才可以達到自己的夢想，所以你應讓和你個仔好好地為未來做好計劃，不要先往高處想，現在都是中一，還有機會去追，先找出自己為何會成績不如人的原因，再找方法去解決，有人天資聰敏，花很少時間就可以遠完，但不等於要花更多時間去讀就不能成功，關鍵是要找到一個適合自己的方法去讀，只要願意努力，就算是BANDING 差的學校都可以上到大學的，做家長的就是不要先灰心，要給孩子正面的態度去解決。


以前聽過一個講座，就是說，很多家長都覺得孩子要贏在起跑點，輸了的孩子就沒有將來，結果是往往這種先入為主的態度令到孩子更沒有信心。所以家長應該是為孩子做一個榜樣，今天跌下來不緊要，入生就是一場馬拉松，只要找到自己的長處，找到方法去做，仍然可以有機會超越昨天的自己。