開學幾天發現老師對孩子黑面冇耐性

cchappyforever

晞晞爸b 發表於 13-9-7 16:02
Sasaheywing, you are not alone, I fully understand your feelings.

我仔仔正面臨同樣問題，去年PN時好 ...

唏唏爸B, 明白你感受。我覺得要教導或引導咁細個小孩子，唔係剩係用罰嘅方法。或者試下同老師傾下？當然，我會建議你都繼續問不同學校插班。我認為小朋友冇開心嘅環境下，就算點谷點教快一年，佢根本冇辦法吸收到。加油，希望你最後解決到煩惱。

novelle

晞晞爸b 發表於 13-9-7 16:02
Sasaheywing, you are not alone, I fully understand your feelings.

我仔仔正面臨同樣問題，去年PN時好 ...

好明白你感受。我囝返PN只三星期，近兩日有點頑皮，已經要罰企，但佢都未明白為什麼要罰。
對兩歲幾的小朋友說，「罰」應該不是唯一解決方法！

Jane1983

返學日日罰企，吾可以接受。同老師好好頃吓，揾定學校走人。

kyleebc

我相信樓主你是第一身感受，老師黑面使你氣憤。
我讚成你再觀察這位老師，佢是否慣性黑面or間歇性？老師是否與孩子積極建立師生關係？老師和家長熟絡了嗎？多一點溝通多D諒解，雙方都調較一下看看。

晞晞爸b

stylishma 發表於 13-9-8 00:08
晞唏爸B：不如試下同老師講，小朋友喺學校唔開心，話成日俾老師罰企，叫老師可唔可以用其他方法教小朋友， ...

謝謝你！我會過多一、兩個星期先再去＂煩＂班主任，到時先再問佢我仔仔呢段時間是否有改進，因為我同我太太都覺得我地唔想太怪獸，ie唔想成日或幾日就打去揾班主任，雖然很多家長日日放學接小朋友時會問班主任當日小朋友嘅表現，我同我太太要返工，我地只得工人姐姐去湊小朋友放學，所以唯有特登打電話去找班主任問先會知仔仔嘅上課情況。我地唔想太過harsh,唔想煩住班主任，呢段時間唯有自己日日晌屋企千叮萬囑叫仔仔返學要乖，坐定定唔好四圍走。

如果過多一兩個星期都冇改善，到時會用你提議嘅方法，再次謝謝你！

lovebb2

原帖由 Jane1983 於 13-09-09 發表
返學日日罰企，吾可以接受。同老師好好頃吓，揾定學校走人。

yes, agree.

晞晞爸b

cchappyforever 發表於 13-9-8 02:13
唏唏爸B, 明白你感受。我覺得要教導或引導咁細個小孩子，唔係剩係用罰嘅方法。或者試下同老師傾下？當然， ...

謝謝！很同意你說的：冇開心環境下，谷快一年吸收唔到。
其實我呢兩個禮拜不斷反思：究竟我想俾一個咩童年我仔仔？是否真的谷、教深一年，入果d名校就一定係贏在起跑缐上？是否唔讀呢d學校就唔駛做人？入咗九龍塘名校就保證一世成功?

我好驚小朋友冇咗童真，尤其見到果d4、5歲小朋友學大人講野，我會覺得好做作好唐突..點解要搞到d小朋友咁？

2、3歲的小朋友，這年紀不應該是開開心心、無憂無慮的上下學？罰企不應該是常用的手段，尤其這年紀的小朋友，2、3歲更應該是用愛心及耐心去教導，在他們人生最初開始學習及接觸其他人（家人以外），不應該用負面、情緒化的責罵來對待小朋友，讓他們在這年紀就產生排斥學習，甚至是留下不可磨滅的童年陰影。

還記得我仔仔曾經1歲時參加某九龍塘名幼之playgroup,當時果位西人鬼婆上第一堂已好惡對住小朋友們，佢甚至話叫家長唔好理，因為佢話用果種惡d嘅語氣對住bb先可以教bb們規矩。當時我地幾個家長聽到佢呢番説話之後你望我我望你，大家都好厄然，自此我仔仔逄親見到西人及group interview一唱歌就大喊，這童年陰影要1年半之後先克服。

愈講愈遠，我覺得如果我有得再揀，我會搵間happy school, 俾仔仔由遊戲中學習，培養他的好奇心（在谷學校老師眼中好奇=坐唔定），増加他的自信，教導他有禮貌，向善、德育培養，這些比那一味求分數教深一年嘅學校重要多了。

晞晞爸b

novelle 發表於 13-9-9 16:56
好明白你感受。我囝返PN只三星期，近兩日有點頑皮，已經要罰企，但佢都未明白為什麼要罰。
對兩歲幾的小朋 ...

同意！
上星期仔仔鬼婆班主任打來投訴，並事先預告因我仔仔坐唔定，佢將會用更加strict 嘅方法對我仔，包括罰企。
我可以點？唔通話唔好?
但最令我驚訝係佢講咗一句：＂在你仔仔嘅認知裡面, SCHOOL = PLAY.  但我地呢度 SCHOOL 不等於 PLAY."

一個2歲幾嘅小朋友/bb,人生學習剛起步，什麼叫做school 不等於play?? 乜唔係由遊戲中去學習?
難道返學校籍遊戲去學習係錯? 乜bb唔係經過玩玩具去鍛練小肌肉大肌肉？唔係靠唱歌遊戲玩耍去培養觀察力？合群?
究竟係鬼婆班主任為咗谷為咗趕進度而精神錯亂?定係我精神錯亂?

如果班主任為咗教學進度而要犧牲小朋友嘅玩嘅權利、剝奪小朋友好奇的求知慾，動則以罰企來處罰，這學校待一日都嫌多！

nicolemsl

我覺得唔同年紀，唔同性格就應用不同的方法教，最緊要受，好明顯仔仔係唔受。況且2歲幾的小朋友，又可否完全服從明白大人的指令？老師要從孩子角度出發，了解行為背後原因，再加以認同，然後帶返正確道理，如：“我好明白你起身想睇吓窗外有咩，但依家我地一齊唱緊歌喎，我地一陣有時間再睇過啦”，相信俾硬罰的更能教導佢返番課堂。另外，學校對老師的培訓都緊要，尤其是net,你地教育背景不同，文化生活不同，質素參差。

sallytototo

應同!有時老師係忙到唔記得对家長笑架!最緊要係老師对每個小朋友都盡责!

sasaheywing

原帖由 晞晞爸b 於 13-09-09 發表
同意！
上星期仔仔鬼婆班主任打來投訴，並事先預告因我仔仔坐唔定，佢將會用更加strict 嘅方法對我仔，包括 ...

完全同意，這年紀要遊戲中學習，it's not a mess , it's curious ! 分享我囡經驗，我囡在屯門讀pn 係區內名幼，但沒有九龍塘名幼的名氣，但那是間好學校，老師不用名牌也記得每一個學生，觀察他們興趣，喜好，鍾意食乜嘢，同邊個friend , 陪上堂見到一位net 用生動方法教小朋友是有互動的，全部好專心，有一兩個冇聽書，四圍走即刻有班主任，助教，坐䣓離陪住講解。上至校長下至姨姨人人笑容滿面對住小朋友。

有次我囡食茶點時在課室拉櫈，班主任罰她冇得食，放學主動匯報俾我知，我囡之後唔敢，乖左，佢頒best behavior 俾我囡，我囡好開心！自 此以後，好乖，仲好鍾意老師，佢地賞罰分明。

課程一樣教深一年，應該比九龍塘名幼仲深，因為pn 英文竟然教唱popcorn popping on the  apricot tree , 我囡識唱成首。教法好吸收。

唔怕我地家長怪獸，每隔一排會打黍講小朋友情況，每個月仲影上堂情況相比家長！好有心機！每個月請一位小朋友家長一齊上一日堂了解！

利益申報，純粹用家，宜家出左九龍塘讀k1 ,好唔舍得，呀囡仲嗌住掛住老師同學！

可能我感受過咩叫愛心教學，所以第一日陪反k1好失望！

所以，唔係小朋友或家長有問題是教育方法問題，如果個個又乖又聽話又叻，咁洗鬼你教，有教無類才是教育宗旨！

出黍做野老細黑面要忍，所以三歳要開始訓練忍嗎？咩道理？

spmok1999

經常黑色臉的老師仍然可以留低在學校相信是有一定份量的, 就算比你投訴都未必有用, 我相信有些學校都會有類似的情況...
我覺得可以有兩條路行, 一係轉校, 二係忍受.
如果你小朋友唔係屬於較樂觀的類型我建議你還是幫小朋友轉校好了, 度日如年的感覺真的很辛苦, 有邊個想日日捱苦o丫?

MrBeast

晞晞爸b 發表於 13-9-9 23:09
同意！
上星期仔仔鬼婆班主任打來投訴，並事先預告因我仔仔坐唔定，佢將會用更加strict 嘅方法對我仔，包括 ...

分享個人故事
我小孩不願上西人net pg ，所以有次決定自己帶看看什麼事，上堂前好聲好氣問下上課的情況，點知位net好defensive, 話小孩咁唔得，影響其他學生，不如唔好上，etc etc, 我只說了一句：now i understand why.  之後上理那月餘下的堂就冇再比$.

我不是建議大家做helicopter, 但如work out 唔到，而學校或老師又turn out 唔係你杯tea, 咁就應當機立判轉校，免得小孩留下陰影，又唔係同佢做人世，因了解而分開冇問題。

Lovely_Babybaby

老師無愛心真係會好影響小朋友學習.
上年新生家長日,校長特別強調,小朋友開心學習,
先會吸收,事半功倍.

我揀學校時,都留意睇學校既老師有無愛心/耐性,
校長話佢地會用多D鼓勵,代替罰去教小朋友,
陪返學時,有小朋友唔坐好,老師就會停,話要個個坐好先繼續,
群眾壓力,小朋友見個個靜晒爭自己就會乖返.
日日返學罰企,比我都唔想返啦.

記得有次去IN 間學校, 見老師好唔耐煩的表情,
我囝15個月時唔識砌LEGO (未玩過),
佢即刻用好驚訝既口吻話: 吓,乜佢唔識砌LEGO 架,
我已經好唔鍾意呢間學校, 收我都唔會讀.
我自己在學期間,亦有遇過好老師同唔好老師,
遇到好老師,佢比心機教我亦會比心機讀.

用鼓勵代替罰好似係外國既教學文化, 唔知點解宜家D外籍老師反而咁鍾意罰.
我同D鬼傾計,佢地成日好SURPRISE 香港小朋友咁細個就讀書寫字,
佢地幾歲人仔都係係屋企玩或送去DAY CARE 玩,
4-5歲先正式返學寫字.

人夾人緣,我有朋友個囝都係中途轉校,
成個人開心晒,個家長的都放心比小朋大返學

heiphy

其實有冇得具體啲講咩情況下黑面呢？我相信如果老師開心無端端都唔會黑面，幼稚園對老師都有要求，應該唔會揀一些係又黑唔係又黑面兼無耐性既老師任教。有時各有各觀點角度，可能你會覺得你仔女乖唔頑皮，但又可能老師唔覺，嗰下有情緒笑唔出都唔出奇。其實我睇番以前自己讀小學，個最惡最嚴既老師教嗰科真係我最好成績的，當時唔鍾意佢，而家好慶幸曾經有佢。每個老師有自己一套，你只看了短時間，建議再看一排，真夾不到就轉校

heiphy

那代表你小朋友個性唔適合呢度呀，可能要揀活動教學啲既學校，每間學校有唔同宗旨方針，是旦一方唔願意配合都唔會有好成果

Mymelody33

見到咁多爸爸媽媽既分享, 我都好想分享一下

我仔仔比同年齡既小朋友發展係爭DD既, 好多野其他小朋友懂, 可能佢要過多3個月或再多先會懂, 佢返N班時, 只係比屋企附近既村校佢讀, 我覺得N班只係比佢地過下群體生活, 學懂同其他人溝通, 同埋一D基本自理能力, 我冇要求佢學D咩, 班主任唔會成日打黎, 只會有事先打黎, 每次打比我就係話阿仔有咩唔好, 一係話佢食野慢, 會話到佢喊既, 一係話佢未戒片, 要盡快同佢戒, 一係話佢坐唔定, 佢話佢地要坐25MINS講故事講書, 但佢唔得, 叫我返屋企訓練下佢, 我真係冇言, O嘴, 一個2歲多既小朋友, 你要佢坐定定25MINS聽書, 唔係冇, 但我相信唔太多......我自問大人都未必有心機坐25MINS唔郁, 阿仔仲要好驚老師, 下學期返黎有時仲會話唔開心, 比老師鬧, 問佢咩事比老師鬧, 佢話因為佢食得慢, 所以老師鬧佢, 我話過我一定要幫阿仔轉過一間學校讀K1

我最後選左兩間學校交留位費, 一間有學券, 一間係九龍塘私校, 有學券果間係HAPPY SCHOOL, 九龍塘果間係小班教學, 講過K1係開心教學, K2先開始慢慢谷D, 最後因為小班教學同開心教學, 我選左九龍塘間私校, 依家阿仔讀得都OK, 老師好好, 最初一個星期, 每日都打比我地家長講下小朋友點, 之後有特別事佢先會打黎, 亦會叫我地有咩問題隨時打比佢, 我估哩D就係小班教學既其中一個好處, 一班十幾人, 老師要打電話都係十幾個, 唔似有些廿幾三十人, 如果要老師每日打廿幾三十個電話, 都真係要幾多時間架, 但我都有少少後悔的, 可能競爭真係太大, 我覺得學校今年K1都已經開始谷, 唔係等到K2, 其實小朋友真係需要咁早就過哩D生活嗎......

mamath

晞晞爸b 發表於 13-9-9 23:09
同意！
上星期仔仔鬼婆班主任打來投訴，並事先預告因我仔仔坐唔定，佢將會用更加strict 嘅方法對我仔，包括 ...

聽到這樣的學校, 心中有些突兀... 如果轉其他心儀k1不成功, 我會情願轉happy school也不要影響仔仔對返學的情緒. 因為一旦對學習失去動機和興趣, 就怎也追不回來了.

Lovely_Babybaby

mamath 發表於 13-9-10 15:11
聽到這樣的學校, 心中有些突兀... 如果轉其他心儀k1不成功, 我會情願轉happy school也不要影響仔仔對返學的 ...

對,如果小朋友日日返學都唔開心,
日日喊,驚左返學, 家長都好頭痛又心痛!
不過宜家都係剛開學,可以睇定D先,唔駛咁急要轉.