灰爆,好無助

ReikoLau

阿仔5月份6歲開始被政府精神科醫生評估為ADHD 而且見左唔夠 廿分鐘已經話佢要食藥了,每日食半粒 利他能但因為要上小一啦,尋日返去覆診要求加藥, 而家一日食3次,每次半粒, 每日8,12,4 點食藥,
我尋日問醫生,我仔算唔算嚴重,佢話屬於典型,唔係輕微,又不至於好嚴重,我話但係我身邊所有朋友都睇唔出我仔有問題,
個個反而話我過份緊張,話我係怪獸家長,醫生話,只有專業教育工作者先會容易睇得出,
早兩日返4個鐘小一適應班,班主任對佢4個鐘就已睇得出我仔有問題啦,好可惜係....我老公完全唔接受個仔係有問題,
佢要阿仔每日放4點後都要參加學校補習班到6點做晒功課先返屋企,我話咁樣佢會好辛苦,佢話邊個返學唔辛苦架? 唔通辛苦就唔駛返學呀?咁不如連書都唔好讀啦........唉.........
我真係覺得好無助,個仔已經教得好辛苦,仲要得唔到身邊親友支持不特只,而且反被話我過份緊張,有問題o個個係我,
我好擔心阿仔加藥後副作用會犀利左呀............

chingyee8875

請問食緊咩份量?現在係唔係試藥階段呀?食了有冇改善呀?
ADHD既小朋友真係好難教,家長們要先識控制自己情緒.
我老公都成日話我就晒個仔,寵壞個仔.......但好多時明知個仔都唔想咁...
我們一齊加油.

ReikoLau

回復 chingyee8875 的帖子

佢算係試藥階段,而家食緊Ritalin 10mg 每次只食半粒食左3個月啦,食左後老師話有改善的,少左o係班房行黎行去,唔需要老師不停叫住佢個名,體重都有輕微重左,
我反而唔會遷就我仔,對佢更加嚴厲,不停提佢每做一樣野時要先諗清楚先去做,本

chingyee8875

回復 ReikoLau 的帖子

聽妳咁講妳個仔重番都已經好好啦.不過一日食3次都幾煩喎.
我老公為了D小事嬲左個仔,冇彩佢兩日啦.我勁叫個仔道歉佢依然唔理個仔.
反而個仔知爸爸嬲佢,佢冇咁活躍.
可能真係有嚴厲對待先得.

Charlotte_mom

我仔都係咁，都要理解返老師上堂，一人睇幾十個學生。如果小朋友食左藥反應良好，老師又覺得ok，家長又覺得安好樂，其實係好事。醫生都講得岩，吾係話一般人就吾識睇醫生就巴閉d,而係小朋友係要有一d環境下至會露餡，例如要等既時間、要乖乖坐定百無聊賴之時、要自發去做一d任務又無close supervision之時，所以老師往往比家長清楚，在家中1：1係吾同架。除左食藥令佢定d，家長都應該有信心小朋學習力吾會弱，只不過易遊魂，家長可以自幫小朋友備課，或知道邊方面弱就自己跟貼d補底，仲有自理方面set programme，幫佢建立習慣，每次123就次次都123，吾好今次123下次312又下次又213，佢地已經心散就盡量等作地考慮小d野。譬如執袋（去吾同活動），我有疊卡紙，寫晒每樣項目要執咩，佢自己識去睇住跟黎執，我就吾駛顛婆鬧仔咁叫破喉嚨不停提住。呢d慢慢唸下計大家會好過d。專注力有得訓練的，搵d課程上丫，小童群益會都有，吾貴架！要相信自己小朋友，一定得！加油

baubaulee

原帖由 Charlotte_mom 於 13-09-01 發表
我仔都係咁，都要理解返老師上堂，一人睇幾十個學生。如果小朋友食左藥反應良好，老師又覺得ok，家長又覺得 ...

請問你小朋友是睇私家醫生嗎?
可介紹嗎?

ReikoLau

我睇屯門醫院兒童青少年精神科醫生架！

rainbow*~

原帖由 ReikoLau 於 13-09-26 發表
我睇屯門醫院兒童青少年精神科醫生架！

我仔都在屯門醫院睇

szenana

我仔都在屯門醫院睇

szenana

我仔都在屯門醫院睇

wan_sosin

我仔5歲幾!要排到6歲幾,小一開學先見到精神科醫生!我仔又係唔覺得嗰隻,連醫生都要好細心先會發現問題!因為佢專注力無問題,當佢對一d嘢有興趣,就會睇唔出!但正如上面有媽媽分享,係要到某D環境先見到!但另外我仔醫生評佢反叛,又係嗰句,D朋友話D細路個個都反叛架啦!其實反叛呢個問題,係醫生根據學校嘅資料,加上我講嘅一D情況而斷定的!老師見慣小朋友,唔係佢比一般小朋友更唔合作,唔會咁著眼去講!
我D朋友同我講我太緊張時,我會同返佢講,如果你發覺身體有少少唔妥,都會去睇醫生,睇下有無病,唔會等到病到唔起得身先睇架!我又唔通等到個小朋友,樣樣都跟唔到,個個都話佢有事先睇?仲有如果平常人都咁易判斷到,咁唔洗專業醫生啦!
我覺得講咗好過屈係心道,否則連自己都要睇醫生!係真朋友會接受,唔係嗰D,唔洗理啦!