幸福不是必然的

中天英

本帖最後由 中天英 於 13-8-27 21:52 編輯


以下有報導一個優小畢業生，中一轉讀官津名校，後來又轉番入優中嘅經過；除此以外，亦有其他直資學校嘅報導，值得一看。


http://realforum.zkiz.com/thread.php?tid=57041

..........張先生與妻育有的三名子女，現全部就讀於直資學校，直資有學費減免計劃，張氏子女經減免後學費雖然都超過五千元，張先生也笑言值得：「無辦法，我想佢哋讀得開開心心，小朋友最重要係愉快學習。」


填鴨教學叫苦連天

他憶述：「二女朗瑤當時獲派位就讀津小一年級，但每日起碼有六樣功課，仲要成日小測同背默，晚晚做功課都做好耐，試過做到瞌眼瞓都做唔晒，第二朝要凌晨四點起身繼續做先敢返學，仲要一星期背九句《三字經》，但問佢點解，佢又解唔到。我見讀優才（楊殷有娣）書院直資小學的大仔朗謙成日悠悠閒，個女就讀到死死吓，我唔想佢太辛苦，好公式化咁塞嘢入腦，唔識活學活用，就連朗謙都笑個妹買麵包都唔識找錢，我覺得唔對路，所以幫佢轉去同哥哥一齊讀。」朗瑤轉校後開心指數即時提升，現已升讀中二的她憶述：「以前津校多功課，見到哥哥做完功課同阿妹去玩，但我就要繼續做，無得玩無得睇電視，都有啲唔忿氣；但轉校後功課少好多，多啲時間休息，加上學校一星期有兩日在課堂時間有才華班，我玩過舞台劇、體育舞蹈、陶藝、書法等，等我知道自己的興趣，好開心。

大班教學無暇兼顧

張先生解決完朗瑤的問題後，以為可以鬆一口氣，不料於數年後，要再為大仔籌謀轉校。「朗謙讀小學時一直好主動溫習，求知慾好強，鍾意拆鬧鐘風扇研究，對數科方面，好有興趣，但因搬家到沙田，為免返學太遠，所以中一時選讀獲派第一志願的有名津校，未有報優才中學部。開學初期，我見佢好開心好積極，但慢慢發現他經常悶悶不樂兼無功課做，我問佢點解，佢答我：『功課喺學校做晒，老師上堂教的，我以前都學過晒，無書要溫。』但我追問佢係咪讀書或同學相處唔開心，佢又無答我。」原來朗謙的小學快人一步教快半個學期，所以升上中學後每日只是溫故知新，雖然老師安排他自學中二數學，但始終津校大班教學，老師無暇兼顧所有學生，小息、放學更要替同學補課，遑論抽空協助朗謙追尋新知識，甚至報名參加全港性的數學及科學比賽。朗謙坦言：「我好鍾意數學和科學堂，但上堂無新嘢學真係好悶，雖然我好想轉去優才，嗰度有我嘅朋友，課程進度亦適合我，但優才始終是直資，要交學費，加上我當時功課又無問題，轉校咁大件事，我唔敢出聲。」臨近考試，眼見兒子失去動力，張先生遂向兒子提出，「你考得好，我能力做到的，都給你。」最後朗謙考獲全級第一名，派成績表後，他即時向父親表示：「我想轉去優才！」為信守承諾，父親即時答應並帶朗謙到優才面試，終順利通過，不足一週後即到新校上堂。張先生形容朗謙轉到優才後，態度即時變得積極，重拾動力之餘，校方亦有較多資源助兒子發揮數科天賦。有鑑於兩名子女都要由「津轉直」，張先生笑言：「所以之前幫細女揀小學時，都淨係諗直資！」朗謙、朗瑤讀過津校知驚，育有一子一女的Fennex，就在兩年前，為長子朗朗報考小一時，已經下定決心殺入直資學校。Fennex在轉做半職媽媽之前，是一名親子版記者，因利乘便，經常有機會接觸不同類型的學校。「雖然我細個都係讀津校，但讀嘅係鄉村學校，返學零壓力，好開心。但而家啲津校，大部分都追趕成績，一年級教二年級課程，完全唔睇小朋友嘅能力、開心指數，因為學校要保住升中派位成績，所以就要催谷學生，我唔想個仔跌入呢個漩渦之中。」

不選名氣直資

不過，當Fennex認真搜集資料時，卻發現原來直資學校也有很多類型，有些名氣較大的直資學校，同樣是未入學，就已經先睇小朋友的「成績」！「當年我去一間幾出名嘅直資小學聽講座，校長叫家長記得喺報名表上寫清楚小朋友攞過嘅獎項。當下我好反感，心諗︰『乜小朋友一定有一攞獎嘅咩？』我俾個仔學嘢，從來只係因應佢嘅興趣，無諗過為比賽、為獎項。「另外，，我亦一定唔揀要收portfolio嘅直資學校，因為以前做記者，有唔少校長私下同我講，佢哋根本無時間睇咁多portfolio，換句話說，家長嘔心瀝血所做嘅portfolio其實係零意義，我覺得好荒謬。」

寧願多玩多睡

千挑萬選下，家住青衣的Fennex，最終安排了兒子跨區入讀位於沙田、每月學費二千一百元的培僑書院。Fennex笑言，選擇這間學校，除了因為它是學費相對「廉宜」的一條龍學校，更重要的是，學校的辦學理念，符合她兩大期望︰就是讓孩子有充足的睡眠和足夠的玩樂時間。「我聽過太多小朋友因為每日要做好多功課，搞到唔夠瞓嘅例子。但我就深信，小朋友瞓多啲、玩多啲，先可以健康成長。我鍾意培僑，係因為功課唔多，每日平均只有兩至三份，如果朗朗肯專心做，半個鐘頭內肯定可以完成。其餘時間，我就任佢玩，每晚玩到九點就上床瞓覺。「即使下星期就係佢全年唯一一個考試，我哋都冇乜壓力，一來只係考中、英、數、成長科四科，二來學校亦好着重學生平日表現，唔會一試定生死。」一年快將過去，望着眼前精靈活潑的朗朗，Fennex更加肯定自己當日的選擇十分正確。「朗朗由半日制幼稚園生變做全日制小學生，基本上只係花咗一、兩星期去適應，好快就已經好鍾意返學、好享受和同學仔相處。另外，比起幼稚園時，朗朗嘅自信心多咗好多，我諗係因為佢覺得功課唔難，自己可以完全掌握得到。」問Fennex可會擔心朗朗讀書太過輕鬆，會輸在起跑線？她聳聳肩謂︰「我唔相信只有『谷』先學到嘢，相反，我相信小朋友喺開心愉快嘅環境下，更加容易打好基礎，最重要係小朋友能夠學會學習，咁將來讀上去就唔會有太大問題。」

替公務員「逃生」

推動直資的大旗手，是當年的教統局局長羅范椒芬。她一手推行教改，強迫學校推行母語教學，又屢改學制，大大增加學校的行政工作量，老師士氣低落，被狠批為教育界浩劫。不過，她同時推動的直資制度，卻被視為一條「生路」，可謂十分吊詭。當時有一個說法，是不少高級公務員暗地裡都反對教改，希望有另一條出路令子女可以「逃生」，故當局參考了澳洲的做法，引入直資制度。但因為政治考慮，當局一直並不着力推行直資，擔心失去對學校的控制權，推行如國民教育的政策，所以制度雖好，但若全部學校轉直資，相信極有難度。        
[url=]引用回覆[/url] [url=]GJ! x 0[/url]

中天英

睇完張朗謙嘅故事，察覺到平日兩個仔所享受嘅愉快學習環境，原來響其他學校未必有；一直以為理所當然嘅事，原來唔係人人可以得倒。

中天英

香 港 物 理 奧 林 匹 克   四 優 才 書 院 生 奪 獎

http://www.singtao.com.hk/yesterday/edu/0624go05.html



好嘅種子，亦需要良好嘅土壤，適當嘅灌溉，先至可以茁壯成長。

中天英

恒隆數學獎


http://www.hanglung.com/Libraries/Document_-_Media_Centre/pr_20121210_2tc.sflb.ashx

張朗謙亦入圍。


注：-
恒隆數學獎係香港中學數學最prestigious嘅獎，每兩年一屆，參賽者自選題目，以論文型式提交研究報告，需具創新性，由國際知名數學家評審；最後入圍果十幾個專題報告，都具大學，甚至研究院水平;而入圍嘅隊伍，要面對評審團，對研究報告，作出答辯。

janicetsang

非常好看！謝!

yy0601

中英天前輩，多謝分享。想借分享給友人，請問第一篇文章是出自何處呢？謝謝。

中天英

回復 yy0601 的帖子

一個叫 realforum嘅討論區，網址之前已經打左出離。

中天英

睇完張朗謙嘅求學經歷，希望打算幫仔女轉入傳統名校嘅家長，三思而後行。

中天英

中天英 發表於 13-8-29 19:46
回復 yy0601 的帖子

一個叫 realforum嘅討論區，網址之前已經打左出離。

今日先知道，呢個報導出自幾個月前嘅壹週刊。(1214期 2013／6／13）

中天英

今晚G6家長交流會，梁副校長請左張朗謙同佢daddy, 親身向班家長講佢由優小畢業，出左去傳統名校，再轉番入優中嘅經過／因由。

張同學重公開立志做科學家，貢獻社會咁話，其志可嘉。