讀緊Ｎ班的小朋友家長

maymail

請問小朋友讀緊Ｎ班的媽媽們，ＢＢ放學時是否表示唔想繼續返學或者表現得唔開心呢？如果系，會唔會打電話返學校了解下情況呢？

ylcyvonne

maymail 發表於 13-8-26 16:54
請問小朋友讀緊Ｎ班的媽媽們，ＢＢ放學時是否表示唔想繼續返學或者表現得唔開心呢？如果系，會唔會打電話返 ...

囡囡今年8月開始返N班，起初都冇問題架，點知過咗大約十日、八日，惡夢終於發生，囡囡好驚返學，一着校服就喊，好辛苦至出倒屋企門口，去到學校門口又唔肯入，一味講「唔着校服、唔返學」，仲經常喺學校喊到嘔。試過問囡囡點解唔想返學校，但佢始終太細唔識講，又試過問班主任喺學校有冇不愉快事件發生，佢回答冇，只係話我個囡囡情緒容易大起大跌。但我認為小朋友抗拒返學總有原因，囡囡由一歲半開始已經返中心啲乜乜物物班，就算後期冇家長陪同得佢一個人上堂都冇問題，最多導師投訴囡囡坐唔定囉！今次真係頭痛，日日咁博鬥，好難“在愉快中學習”喎！

HC-Mum

小朋友唔想番學一定有原因，最普遍係分離問題。家長好難知道係學校有不愉快經歷或只是過渡期。我會睇佢放學表演（係咪次次喊住出），有無主動提學校的人和事（如有，又開心講或唱應該ok), 又會問下佢x老師有無同你唱歌／食餅／做運動..睇下佢咩反應。
細路仔好飄忽，所以佢久唔久會轉答案，但若長期唔想提／提起就negatove response...我傾向信小朋友向學校係有d野令佢唔開心！

c216

我囡都係頭幾日冇喊，之後就.....

每日都喊住換校服、出門口、入校門，但老師話佢入到學校好快就收聲，仲好投入，而每日放學都好開心，會吱吱喳喳同我話學校嘅嘢，仲喺屋企唱學校教嘅歌仔！

好彩我囡放學嘅表現好開心，如果連放學都喊，我一定會同老師傾傾！

maymail

我囡頭幾日冇喊，周一開始返學時，一入到學校就顯得好緊張，唔出聲。放學時都顯得好像唔開心。問學校的野，都唔回答。今天返學又系顯得好緊張

evaroyshan

回復 maymail 的帖子

我個女又係話唔想返學, 我問點解, 佢話驚老師, 我就打電話比老師, 問有無罰過佢, 佢就話如果佢喊要佢行出班門口, 唔好影響其他人, 可能係咁個女驚老師, 不過同老師傾完, 老師會特別留意我 個女的情況, 會對佢有善的. 可打電話比老師傾下係有幫助.

AdrianChowB

我女都係！可太細個，剛兩歲返學！
頭頭Ok,之後吾肯換校服，一見校車黎就喊！打比老師，老師話佢係學校有時喊，但ok!今日開始試全日！
妹妹，加油呀

Lovely_Babybaby

上年阿囝初初陪返學係好開心,朝朝一起身就話返學,
到佢自己返3個鐘,就開始成日飲啜, 搭埋校車仲慘,
朝朝早就同佢搏鬥著校服, 日日要提升自己EQ,
好彩屋企貼左我同老公既學生相,
日日佢唔著校服就同佢講爸媽細個返學都要著,
氹氹下時得時唔得,有時都要夾硬黎

新生適應期學校每日都打電話黎講返小朋友情況,
老師話佢返到學校都會間中飲啜,話要搵媽媽.
頭1-2個月情緒都係唔穩定,時好時壞,
頭1個月返黎屋企見佢好攰,落晒型,之前開心活潑樣無晒,
但係做父母一定唔好覺得唔捨得,心痛, 唔堅持比佢返學,
校長一早已同我地講,今年唔返,出年一樣要返,唔通呢世唔比佢返學?
我自己就係屋企多D同佢講返學既開心野, 話老師好錫佢,
每次上校車都會同佢講放學姐姐接佢,媽媽就今晚放工見,
等佢知唔係掉左佢,慢慢佢適應左就會好投入,好開心.

上年9月開學, 到12月聖誕假期放幾日假, 佢已經日日嚷住要返學添喇
宜家放暑假,又成日話好想返學,幾時先有得返學.
大家都要加油,記得唔好係小朋友面對講唔捨得,心痛之類既說話,
送佢返學時都要正面,好開心咁同佢SAY GOODBYE, 今晚見

lamimama

原帖由 ylcyvonne 於 13-08-26 發表
本帖最後由 ylcyvonne 於 13-8-26 20:38 編輯

請問你小朋友幾大？

歐文

我個仔返左12日，每日與我分離時都喊，但老師說佢這5天以來，喊到入課室已經沒有喊，事實上放學時亦沒有喊，只是看來比較疲倦。其實我見到一d其他小朋友，放學時都有喊。我自己就唔擔心，覺得小朋友咁細個不習慣分離是正常事，要比多小小時間佢地。另外，亦聽過有d小朋友最初唔喊，返了一、兩星期才喊，是因為老師開始有嚴格的要求，例如不再讓小朋友走出位，他們不習慣要守規守，開始對學校和老師有負面感覺。我覺得如果係咁亦無需擔心，因為小朋友總要成長，總要學習過要守規守的群體生活，只是可能要多d時間。

ylcyvonne

回復 lamimama 的帖子

兩歲半

meimeiyan

我個女現在試學中,番2個鈡,
出門口沒有嘢去到學校留下喊住口叫不要走
上樓梯時個樣苦瓜乾咁,但沒有喊,同埋同她解釋要番學,
入到學校,又比老師嬸嬸抱,沒有喊  = =

irene_the_pooh

老師話小朋友如果返到學校後、大約喊15分鐘其實係正常不過，因為唔捨得阿媽嘛！如果喊足幾個鐘就要留意下！

不過佢地話絕大部份既小朋友返到去冇耐就會好投入架喇！

maymail

多謝各位媽咪的分享，終於……第三日囡囡返學唔再做“”喊包“”，好開心地同我地say byebye。返到屋企會扮老師同我地講故事（雖然唔知講緊麻）……但都有進步，好開心

Deutsche

原來咁多都會喊，有冇d咩準備工作可以做？因為佢依家習慣任何時候都有屋企人陪，點可以令佢試下習慣自己一人返學？