St Johanna校車安排，好激氣!

fishlover818

本人囝囝將就讀St Johannes K1 全日班，下星期開學。 一直都打電話到一間名叫＂莊艷x旅運公司＂詢問關於開學安排，但那個女人只說開學之會有人通知。 點知今個星期五才有人打來告知校車同車費的安排，最激氣就是臨時才知第一，二天是沒有校車接送因為小朋友只返一小時。  
嘩，咩道理呀！你公司錢就識收（八月返得嗰兩星期，已經要收一個月嘅75%），現在仲要話頭兩日唔接送。用得校車嘅，一係住得比較遠，一係父母都無時間接送，旅運公司係咪要迫人請假接送呢? 我覺得你收得人成大半個月錢，就算小朋友返十分鐘學，你都要接送喇!  本人覺得香港嘅幼稚園同校車公司真的只有搵錢，有幾多真係有心教學!?

想請問大家，其他幼稚園校車安排會不會這樣?

JoyceNgYY

其實好多學校係8月份都冇校車，基於以下一種或多種原因: 1. 想小朋友先適應了學校生活先再適應撘校車 2. 因不是正常上課安排，校車時間難以配合，例如原本係一轉車送上午班放學兼下午班番學，但適應週就唔得 3. 唔知點收費，一來不足一個月，二來未必個個學生都係同一時間開學(高班通常遲少少)，校巴唔夠乘客share 個cost。不過，我都覺得應該早些同家長講清楚，等家長早些可以安排接送。樓主唔好激氣啦，小朋友第一次番學應該係開心同期待的，唔好為呢d野影響心情。

fishlover818

回復 JoyceNgYY 的帖子

真的，如果早些通知，我起碼預早同老細請假，不至於要明天早上才臨時臨急做嘢。因本人第一次幫囝囝申請校車服務，所以不知其它學校是否這樣? 但我朋友囝囝的學校就一開始送足全程。

JoyceNgYY

原帖由 fishlover818 於 13-08-19 發表
回復 JoyceNgYY 的帖子

真的，如果早些通知，我起碼預早同老細請假，不至於要明天早上才臨時臨急做嘢。因 ...

完全明白你感受，因我小朋友都是剛開學但要到九月先有校車，我知道冇校車的煩惱，只是我比較好彩我一早已知所以有所安排。不過，姑勿論校車第一二天是否有校車服務，我覺得如果可以陪小朋友番學就陪吧！我小朋友未適應到學校新環境，差唔多喊足一個鐘，如果要佢同一時間適應埋校車，真係會擔心死我呀！

fishlover818

回復 JoyceNgYY 的帖子

多謝你關心，我都好想頭一，兩天送我仔仔返學呢

TeriAnla

我地好好彩，上星期一開始正式番學上兩小時適應週就已經有校車。不過就算同囝囝同一間學校的小朋友都未必有車，因為條條線都有唔同，有啲線都係安排唔到。

開學月係比較混亂呢。大家忍耐一下，向好方面睇，俾個機會自己親自接送，見證小朋友開學。

mable0901

我都見好多學校頭一星期係冇校車 可能學校做得未夠完善 唔好激親自己

fishlover818

多謝各位意見及體諒! 對，向前看

jantan28

我囝囝學校開學第一日無校車, 八月返得半個月都收足一個月校車錢！