4歲了，仲做緊言語治療，都唔知幾時追得上？唉

Linghongabc

我仔仔都差不多4歲啦，同樣係發音及言語遲左一年。係協康上左半年言語治療，開始講一些句子，但8月份開始改返全日制幼稚園，因為唔想佢成日對住個工人姐姐，講埋d唔咸唔淡的廣東話。現在要停協康言語治療，時間要改，未排得到新時間。於是我到處搵新的中心做，要從適應新治療師。今天去公園玩，周圍4歲的小朋友都唔同佢玩，因為佢未能與同齡小朋友溝通，點解？再大d,其他小朋友會笑我仔仔，咁點解？我怕我仔會變得好自卑今天，我真的很氣餒

Linghongabc

打錯，係治療了差不多一年啦

py84ko

別灰心, 我仔同你仔一樣四歲, 上個月搵私人言語治療師做了評估, 也是同樣係發音及言語遲左一年, 現在暑假密集式training, 進步當中, 雖然冇你小朋友train咁耐, 只係一個月, 其實屋企人也要為他多加練習.

checkylam

做治療只是最多1小時, 最好都是你找一些他有興趣的玩具, 題目, 同佢多講, 多玩, 去到邊, 都形容吓周圍的事物, 有時問吓佢, 叫佢答, 一路玩又可以獎小許零食, 等佢有興趣繼續玩一下去,

bluefox140

加油，加油。我仔仔之前都系做咗一年半先差唔多追返正常發展唧小朋友。不過我就唔系協康度做唧。 最主要治療師好，返屋企跟住做家居訓練。堅持住！

Linghongabc

你哋的治療師會唔會係中心借玩具俾你們回家做？我想請你們係家居點做訓練？係用玩具定實物？我平日要返工，早出晚歸，好少在家經常訓練。各位媽咪，可否分亨下你們的訓練心得？謝謝

py84ko

Linghongabc 發表於 13-8-14 11:22
你哋的治療師會唔會係中心借玩具俾你們回家做？我想請你們係家居點做訓練？係用玩具定實物？我平日要返工， ...

我位言語治療師有用玩具幫我仔做training, 每次玩具也不同, 自己亦利用言語治療師給我仔的material, 例如圖畫, 幫阿仔練習,

cecilau

回復 Linghongabc 的帖子

治療師應該每次都有訓練要家長和小朋友練習的, 不要期望一星期一堂有好好的效果, 家長都好重要的, 你一定要抽時間同仔仔做訓練的. 否則會浪費金錢的. 我都明時間係有限, 每晚抽10分鐘先啦.

加油啦. 我仔仔由20個月上st 到而家7月8個月都仲上緊呀. 係有進步的,不過都仲有落後呀.

taylortse

我個仔今年五歲,上年先開始講野,加油。

anlywan

原帖由 Linghongabc 於 13-08-12 發表
我仔仔都差不多4歲啦，同樣係發音及言語遲左一年。係協康上左半年言語治療，開始講一些句子，但8月份開始改 ...

其實我少來呢個topic ! 我想鼓勵下大家！我同樣過來人！
大仔未够2歲單字都冇眼神超差！無交流、無回應、無表達！
之後立即去政府排期同一時間在私人開中心上所需堂！每日帶住他周圍上合適訓練！到3歲半排到政庥早期！一些私人仍繼續！大仔是全班！放學已5點！但每日放學仍會上各式各樣訓練！我們作為父母已辛苦、但眼見兒子疲倦我們更心痛！如是這到今天已5歲半9月K3,現為考直資小學而繼續努力！報了7間考了3間已知2間結果是waiting!
我想同大家分享！首先別怪自己！更別看少自己孩子能力！我大仔由百無、到今日雖不叻仔！但他能有清𥇦的表達、有求問精神、有不怕累精神、有乖巧性格等！上帝總會為孩子預備一些別人無的！但作為父母一定要清楚他們現所需給預合適訓練孩子去幫忙他！找一間合適孩子學校而非合適父母學校！加油

Hay_Ma

係呀! 要搵到一個技巧好,方法好的治療師訓練小朋友是非常重要, 否則花錢又花呀囝的時間, 試過幾個就知邊個教得好, 點樣先叫技巧好, 呀囝一兩堂都已經睇到進步。另外我地自己都要跟住治療師的方法, 努力同呀囝在家做訓練, 就一定見到進步好大。 大家努力, 別放棄, 只要願意付出努力去教, 一定見到成果。

hazelnuttty

回復 Linghongabc 的帖子

有時候我覺得有些訓練目標set得有點兒「脫離現實」，例如指令理解，你諗吓日常生活有幾可有人叫你「擺紅色杯喺黃色碟度」? 開始講句子係好現象，不如你試埋教佢講一啲句子令佢可以同人地小朋友一齊玩啦，有時佢哋想同人玩又唔知道點表達，所以我會教一啲句子，例如： 「不如我地一齊玩」、「猜贏玩先」、「我想同你交換」、「你可唔可以幫我呀?」等等，令佢有啲成功感先，唔洗下吓咁死板學「擺X喺Y度」嗰啲指令理解嘅 慢慢逐樣教，總會有進步啦!!

happycandy

其實對語言比較弱的小朋友，一句話好容易變成咒語。
所以我們會將句子慢慢加長⋯
1：擺
2：擺杯
3：擺杯係碟度
4：擺紅色杯係碟度
5：擺紅色杯係黃色碟度
6：擺紅色碗係黄色枱度

令佢明白句式！首先名詞，動詞，名十動詞，敘述句，問句，抽象詞，要佢完全明白詞彙，才由簡單句子，慢慢擴張。

好過以為樣樣都是咒語。應變唔到。

happycandy

快4歲了，你就快會看到好大的變化！

與其諗幾時追得上，反而讚歎今天的小小進步，明天繼續加油！

4至6歲是言語治癒有顯著見效的兩年，我知道你現在要有人打氣，俾心機，加油！

Linghongabc

多謝各位媽咪的分享，我受益良多。我照呢d方法多與小朋友在日常生活中講，佢好似吸收得不錯。講多咗好多句子，只係有小小句子結構問題，所以我好感恩呀！來緊，我會教佢運用＂我＂、＂你＂。加油呀各位媽咪

fatsum

留意治療師的技巧, 我仔記性強, 當治療師翻炒題目, 阿仔已可將答案背出來.

搵一個有技巧(有系統教法)的言語治療師, 加上家居訓練, 才有進步.  否則, 浪費了金錢和時間.