張祝珊英文中學交流區

chingbb

囡囡好媽媽 發表於 14-12-21 02:37
回覆 laiping 的帖子

老師姐，你地泥地前輩真係好值得後輩敬仰。前2年仲系阮校長年代，有次assembl ...

很多謝囡囡好媽媽和其他的回覆~坦白講, 張祝珊真是太"深入人心"了! 我囡囡現在小五, 要呈分, 揀學校, 所以睇下, 初初有朋友叫我諗張祝珊, 我說太"谷"我囡囡"頂唔順"; 而太"刻板"的學校生活我囡囡都唔得!
但睇完你們的回覆, 令我可以計劃下年一定要帶囡囡去"簡介會"!
謝謝!

Daddle

chingbb 發表於 14-12-24 14:36
很多謝囡囡好媽媽和其他的回覆~坦白講, 張祝珊真是太"深入人心"了! 我囡囡現在小五, 要呈分, 揀學校, 所以 ...

小心D先，那位家長所說張記多姿多彩的學校生活，細心睇真D，其實只是一些中學生的校內小玩意，完全不是現今各大百年老校實行/推行緊的全人發展，對學生的個人全面發展沒有多大的幫助，頂多只是解解悶罷了，所以張記只是換湯不換藥，「谷」的方廚其實並冇變過。我都是張記大梁時代畢業的。

gsrover

我跟太太都係梁校長後期年代的畢業生，而家有小朋友黎緊小學，將來都會比佢揀張記。

我諗同梁校長的年代比，會放鬆左小小，但係將成績放響第一位， 到現在的區校長都唔會作出大改變。特別係而家DSE，同埋全級百幾人上大學，個成績同入大學率都變得十分透明。以前5個BAND，加上中六自校生都係頂尖學生， 基本上100﹪入U的招牌手到拿來，相反較差的學生的成績唔會好覺眼。呢幾年啱啱開始DSE，入U﹪在60﹣7X﹪上上落落（全港只得SPCC100﹪，其他名校都係50﹣70﹪），學校都好注意呢方面。我諗黎緊會緊D成績（呢排有同現職老師交流過）。

我會咁睇，NO PAIN NO GAIN，放響讀書的時間同心機一定唔會少， 輕輕鬆鬆又有好成績，萬中無一。CCSC俾到你會係一個良好的讀書風氣，一班良師益友，公開試的好成績，而中間你有個人的發揮，例如音樂，美術，呢D你自己要好好計劃一下，學校都好NEUTRAL，唔係要你讀死書，但係你要發展讀書以外的事情，就要主動一D。

laiping

回覆 囡囡好媽媽 的帖子

你也講得好仔細！講真，我細仔來緊升中，如果佢成績標青的話，我都會考慮張記！但真的要睇佢做化！今日响香港讀書仍然是成績行先，讀書風氣好的學校絕對係我們的首選！

avislai

想請教:1. 明年中一會開多少班? 4/5班?
2. 聽說自行收生就算成績好, 操行也要A- 或以上才會收, 如果小兒成績好但操行只得B+, 是否完全沒有機會?

ET.UFO

原帖由 Daddle 於 14-12-24 發表
小心D先，那位家長所說張記多姿多彩的學校生活，細心睇真D，其實只是一些中學生的校內小玩意，完全不是現今 ...

是的，那些活動梁校長年代已經有了，無大改變

gsrover

ET.UFO 發表於 15-1-5 07:17
是的，那些活動梁校長年代已經有了，無大改變

咁又唔係，梁校長年代，學會同課外活動真係有等如冇，到左阮校長年代，真係落力左多D響課外活動，而家到區校長就要再觀察下先， 不過骨子裡咁多年就一定成績要緊，“萬般皆下品 唯有讀書高”都仲排緊響樓梯。

chanyukyan

我都想知 ( 2015-2016 年度) 中一會開多少班? 4/5班?

囡囡好媽媽

多謝各位留言。
梁校長年代系點，我真係唔知。而家女女從阮校長時代轉入歐校長時代，感覺紀律方面更加嚴厲，比如遲到要計black mark一次，并要降低操行分，好得人驚。其他變化就好少。
至於有前輩話個人的多元化發展，系張記新生是要強制性參與一人一才藝計劃，報讀有關才藝課程，從樂器到運動到藝術，任君選擇。上左f2就冇規限。校內的社團眾多，小女在f1-f2期間就參加了什麼中文辯論隊，演講隊，合唱團，中樂團，籃球隊、紅十字會，還有射箭，書法班，奧數班等等，都是校內舉辦的。每晚不到天黑見不到人影，好在學校基本沒有功課，也讓她有盡展所長的時間和空間。經過一年洗練，上了f3我為女女削減了這些多元化發展的項目，保留主要的運動和音樂各一項。
學校西樂、中樂、合唱、藝術等團體一應具有，不過並不是學校的強項。學校比較注重體育賽事，田徑隊十分厲害，訓練也跟到足。
至於有前輩提到的“谷”，一個連功課都少有的學校，谷字又如何體現呢？近年已有不少家長向學校反映，功課太少，學業太鬆散，學校都跟家長溝通，要比學生更多時間空間。而我亦因工作關係接觸好多他校中學生，都是趕功課日日趕到半夜12點冇得瞓，我就不免覺得好彩，至少女女有足夠時間睡眠，保證健康成長。
最令我滿意的是他們的測驗、考試制度。學校預留了大量的時間給學生自主學習。測驗歷時二個月，在授課期間進行，平均一星期測2課；考試也要大半個月，考之前有長假，期末是返半天，考試基本一日一課，有大量時間溫書，學生並不辛苦，而對知識的掌握也更加充分。但其他學校都是一個星期或二個星期搞定，一天考幾課，學生都是挨通宵去應付考試，相比來說，張記這個制度是最令我滿意的。

囡囡好媽媽

回覆 avislai 的帖子

明年應該是開5班，我自己計算的，具體還是上學校網址去看看學校公告比較穩陣。自行收生，如果你小朋友有全級前三名，就有希望。因我女入讀的那屆，自行收的幾乎都是全級頭三。多數都是統一派位睇彩數。

囡囡好媽媽

也不要把張記想象得太厲害，自從新高中制以後，張記的生源質素也在下降，學校是要被強制收錄問題學生的。以我所知，兩極分化的現象也頗嚴重，叻的學生叻到飛起，差的學生留級復讀比比皆是。
現時社會貧富差距增大，而張記是一間平民化學校，家境好的學生會被窮到窿的學生仇視、排擠也時有發生，加之現時問題學生頗多，聽我小女講，上屆dse剛畢業的就有一個癲佬，成日唔讀書系網上蝦低form小朋友，上堂就瞓覺，老師都拿佢冇辦法。聽講而家某年級的問題學生特別多，而跨年級拍拖也很多。

greenapple1093

十分感謝妳的分享，我細仔今年中一，絕對贊成你所說測驗及考試制度，同學有充足時間去準備考試。另外，活動及比賽多的是，以我所知，高中同學有機會參予年宵。請問你那年級學生問題特別多？

falafala

囡囡好媽媽 發表於 15-1-10 18:49
也不要把張記想象得太厲害，自從新高中制以後，張記的生源質素也在下降，學校是要被強制收錄問題學生的。以 ...

我對張紀也有一些認識，就我所知談一下吧。
1.特殊學生是自己考入去的，確是BAND 1學生。

2.學生的貧富差距確不少。但小女認識的富學生，都很低調，也如其他同學一樣叫外賣，吃快餐。如果有被排擠的情況，相信是個別學生的人際相處技巧有問題，而非因家境。

3.學校每年都會向學生發出問卷，調查他們的情緒與壓力狀況，方便老師跟進輔導。如某年級問題較多(如中三)，下學年(中四)會安排雙班主任，加強輔導工作。通常中三年紀較反叛，中四未適應高中課程，多在這兩級有雙班主任。

gsrover

囡囡好媽媽 發表於 15-1-10 18:49
”跨年級拍拖也很多“

哈哈，呢個好似唔係咩問題。咁多年都有。同FORM又好，忘年都好， 好多都開花結果，都唔係咩壞事。

chingbb

囡囡好媽媽 發表於 15-1-10 18:49
也不要把張記想象得太厲害，自從新高中制以後，張記的生源質素也在下降，學校是要被強制收錄問題學生的。以 ...

HI! 囡囡好媽媽 and all,
今年CCS 45周年校慶, 會不會有OPEN DAY?
上次的中一簡介會錯過了, 所以希望有儘快可以去參觀下, 不用等今年尾!!

falafala

chingbb 發表於 15-1-16 10:56
HI! 囡囡好媽媽 and all,
今年CCS 45周年校慶, 會不會有OPEN DAY?
上次的中一簡介會錯過了, 所以希望有儘快 ...

[size=14.3999996185303px]45周年校慶活動已於上學年圓滿結束。

avislai

回覆 囡囡好媽媽 的帖子

謝謝您的回覆. 因小兒成績只是全級頭十, 加上班主任說張記少參加科學比賽和很嚴很谷, 勸我選其他中學, 所以仍心大心細!

falafala

avislai 發表於 15-1-16 23:22
回覆 囡囡好媽媽 的帖子

謝謝您的回覆. 因小兒成績只是全級頭十, 加上班主任說張記少參加科學比賽和很嚴很 ...

張記有參加電腦、數學和生物科比賽，也得過獎。論嚴論谷，東區大把搏上位的學校犀利過張記。

avislai

中西區普通小學全級第九，奧數一等獎有沒有機會？

Lutherkam

avislai 發表於 15-1-18 14:29
中西區普通小學全級第九，奧數一等獎有沒有機會？

You may see the following link for reference:

http://www.edu-kingdom.com/home.php?mod=space&uid=890144&do=blog&id=52462