忍唔住要出post

wedding.2010

我囡接近2歲, 說話發展比較慢, 所以定時都會入黎睇下jm的分享及坊間資源。一向都見到有會員話自己用緊的上門ST(言語治療師) / 特殊幼兒工作員好好，可以PM佢拎ST資料~ 明白每個論壇都有呢D人，但問題係呢D ST係咪真係幫到我們的小朋友呢?

ST係一個專業，有註冊制度；而且上門ST收費唔平；而小朋友接受訓練的質素及黃金時間係非常重要；你們請個上門補習老師幫小學生溫功課都係一百、幾十蚊一小時，補得唔好咪最多考試成績唔好。但對於發展慢左的小朋友就好唔同，如果小朋友學左套唔岩的方法，甚至嚇怕左做訓練就大件事!!!

我唔係否定全部上門的治療師都係唔好，但為左唔好浪費左小朋友的進步空間、家長的$$$及心機，建議大家要好「精明」選擇真係適合小朋友的服務；以下呢D係我搵服務的心得

(1) 唔會搵上門，(如果JM真係要搵上門，請要求治療師出示相關大學畢業的證書，以防冒認)
(2) 找專門協助學前小朋友的非政府機構，如協X, 耀X, 香港基督教XXX....呢D起碼有機構做BACK UP~ 呢D私家隊都要排好耐，尤其等星期六服務，盡早填表排隊
(3) 可能排(2) 會有一段時間，可以試下港大、中大 ST服務
(4) 真係唔想等既，就選擇一D口裨好的私人中心
(5) 重視父母在家的訓練，始終治療都係一至兩星期一堂，要屋企配合

總之一句，我們幫小朋友係要有方法，真係要好小心咁搵「岩」既服務幫自己小朋友~~~

共勉之~~~~~

wedding.2010

Kaj 會員你好， 唔知你小朋友接受左上門st服務， 進展如何呢？  


睇番好幾過post ， 都唔覺你分享下自己小朋友的情況及進展; 反而"好積極"咁介紹自己用緊的st 有幾好， 請有需要的媽媽pm!! 你的"好意"我不需要了!!謝謝

py84ko

原帖由 wedding.2010 於 13-08-07 發表
Kaj 會員你好， 唔知你小朋友接受左上門st服務， 進展如何呢？  

我都係在這裡揾可上門言語治療師，當然唔係Kaj這會員介紹，第一次見面做評估時，這言語治療師也有提供相關學歷和工作証明比我睇，我好似interview 佢咁，我小朋友四歲，評估後有發音不清及表達遲緩一年，趁這暑假期間一輪密集式訓練(一星期兩次，每次45分鐘), 我小朋友明顯說話有進步，當然做媽,媽的我也要為他勤加練習，固此打算開學後keep住一星期一次training. 我唔可以講我仔進步神速，可以回復四歲小朋友水平，但見佢願意跟言語治療師合作，至少夾到唔抗拒，我已經好欣慰。聲明我唔係打手！只是分享我自己經驗！

tracybut

唔會找上門，因為言語治療師都需要有一定的工具協助，在屋企好難有。

py84ko

原帖由 tracybut 於 13-08-17 發表
唔會找上門，因為言語治療師都需要有一定的工具協助，在屋企好難有。



  ...

我用緊嘅治療師每次都帶唔同嘅道具，玩具，圖畫來為我囝囝做訓練，治療師亦教我日常生活點樣訓練囝囝。

bearclub

原帖由 wedding.2010 於 13-08-07 發表
我囡接近2歲, 說話發展比較慢, 所以定時都會入黎睇下jm的分享及坊間資源。一向都見到有會員話自己用緊的上 ...

同意你所講！呢度好多人搵食！大家真係要好小心！同埋希望啲人俾少少良心！唔好利用我地的無助！