你們的老公點睇評估結果？

rd21gn54

我老公無去同個仔做評估，知道結果後淡淡地說， “D西醫評估吾準㗎，男仔吾鐘意你就吾望你，好正常。仔仔只係比較有性格，西醫見到似係就斸左証先。”
其實，我都認為仔仔平時既表現，比評估時好好多，佢會攞D玩具同大人玩， 會望多人幾眼。
我都但願係好似我老公講咁。但係醫生受過專業training, 有咁判斸，我吾敢掉以輕心。

我已為仔仔報了上密集，好貴，老公已有微言。
99叫我地吾好讀，話個孫吾係低B，讀呢D學校只會越讀越低B.

我希望上課後，仔仔有進步。好在有我阿媽支持我。 否則我真係孤軍作戰。
你們的老公點睇評估結果？

Ononma

我囝囝一路都有人懷疑佢自閉，因為細個成日轉東西，不停推玩具車、又吾望人，人地同佢傾計，毫無反應。每次有人講，包括我，爸爸都話人地至有問題，話男仔好多都係咁，囝囝吾望人吾答人係因為吾吸引、無興趣。

大大吓囝囝又主動左撩人傾計，但大多單向，人地同佢講野，超過7 成無反應，要hold 住佢塊面，教佢望人，佢就會有反應及有交流。

總知爸爸話正常，而且大大吓 + 自己好努力訓練到有改善，我唯有繼續維持自己教，當然話比工人、親友、學校聽，等多D人幫手訓練吓。

總知兩公婆意見不一就好難攪，吾係人人接受人地話自己小朋友有缺陷。

cat1028

想問係邊度評估?又落後多少（語言，認知）？醫生要你排e/s/I?
我囝上年評估當天比平日差，要排I, 因阿囝唔講，唔識同人玩，建議盡快入學。
依家返全日幼稚園，有一天下午返言語治療，上學一年，講嘢唔正，但已開口，唱下歌仔，認得同學仔。

我老公當然唔多接受，但2歲仲未講嘢，我堅持排評估，結果不太理想，他不想阿囝讀s位（他説：阿囝無禁差唧），醫生排I,我想排e位醫生都不建議。

rd21gn54

回復 Ononma 的帖子

我個仔同你一樣，鐘意轉野， 吾理人。
我個仔今年兩歲，你仔仔幾大？現在進步了多少？
我地都要努力阿！

rd21gn54

回復 cat1028 的帖子

言語落後了一年幾。醫生只見議排S位。

我希望我個仔都有一日可以排i 位。

rd21gn54

男人不願放下自尊心，face現實，回家只顧上網，
只有媽媽為此煩，有問題同佢講sign氣。做了的東西重還要比人話多餘。真是有苦自已知。

alexcmlam

請問西醫係指....

1. 健康院嘅西醫; 或
2. 兒科專科醫生; 或
3. 兒童精神科醫生

因為對小朋友(同埋家人)下一步嘅訓練同埋治療會有好大好唔同嘅路要走. 所以, 如果只係一個普通科西醫, 而唔係專科醫生, 會唔會搵多個second opinion呢? 而專科醫生方面, 都要考慮一吓搵一個有兒童遲緩發展方面有經驗嘅比較好一啲.

rd21gn54

回復 alexcmlam 的帖子

仔仔由政府兒科專科醫生評估，尤德夫人兒科診所。
已排期看兒科精神科，要等到2015年。

Ononma

回覆 rd21gn54,

我小朋友就來4 歲，自從2 歲反左學之後，一路都有進步，我地兩公婆都好努力，我就教工人姐姐要主動撩囝囝多D 講野，帶佢睇書又問吓佢問題，我自己就教佢用說話表達，爸爸就帶佢週圍去睇火車、睇地圖、總之佢鍾意觀察甚麼就帶佢去。

K1 時又密設同老師溝通，放學又帶佢同同學玩吓交流吓，又帶佢跟埋家姐一切玩，識埋佢D 朋友，又不斷提佢要望人。

3 歲這年真係有進步，他會喜歡跟人傾計，現在要努力教佢如果人地同佢講野，佢要望人和回答。

總知努力努力。

babecat1

原帖由 rd21gn54 於 13-08-05 發表
我老公無去同個仔做評估，知道結果後淡淡地說， “D西醫評估吾準㗎，男仔吾鐘意你就吾望你，好正常。仔仔只 ...

我是爸爸，我想講我的經驗比妳聽，還記得阿仔（二歲八個月）第一次做評估時候，醫生講阿仔語言能力得一歲，當時和我的太太也半信半疑，因是第一胎，对小朋友的成長全冇經驗，不知小孩子到達那一年歲會有那些能力，但最終都相信評估報告，在醫生及社工建議情況下，我和太太選擇了S位，一等等了近兩年，這段期間也在外面找一些私人訓練，直至阿仔四歲半時正式入讀特殊幼兒中心（讀了一年），看見阿仔進步神速（當然自己也要全力配合學校做訓練），在今年2013年4月學校的三位治療師，班主任和社工一致給阿仔評語是適合入讀主流幼稚園，來緊九月阿仔從回主流幼稚園。我想係度和大家分享，千萬不要錯過能幫助自己小朋友的機會，我亦非常慶幸當日相信他們專業，抱住寧可信其有的心態，亦不怕面對入讀特殊幼兒中心的壓力（其實好多時是過唔到自己個關），才有今天的成績，記住小朋友第一個六歲是黃金期，千萬不要錯過，亦不用怕標籤，因在特殊出主流是很容易的，但反之就難很多，希望能幫到大家，如有問題可PM我。

alexcmlam

回復 rd21gn54 的帖子

既然有醫生評估咗, 可以試試放一些有關兒童發展遲緩嘅書(可以上協康會網頁瀏覽吓一些資源)放係屋企, 家人(包括爸爸)會不經意攞嚟睇一睇, 希望家人一路睇一路觀察吓小朋友嘅表現會唔會好似書裏面所講嘅情況, 慢慢令佢哋改觀. 你努力呀, 知道你會辛苦! 加油!

rd21gn54

回復 babecat1 的帖子

"記住小朋友第一個六歲是黃金期，千萬不要錯過，亦不用怕標籤，因在特殊出主流是很容易的，但反之就難很多，希望能幫到大家，"

Thanks for your encouragement. And congratulations for the improvements!

rd21gn54

回復 alexcmlam 的帖子

I will drag him to the seminars. Books are good suggestions too. Thanks.

芒果米池

原帖由 rd21gn54 於 13-08-05 發表
男人不願放下自尊心，face現實，回家只顧上網，
只有媽媽為此煩，有問題同佢講sign氣。做了的東西重還要比 ...

睇左你呢的po，真係非常身同感受。基本上pg導師、普通科兒科醫生、健康院都一致，懷疑我仔係有自閉傾向，點解啲男人仲要唔肯正視？！




就連我古版嘅呀媽都講得通！點解身邊最親密嘅人，都會有分期，成件事好似得我一個走咁，好辛苦。

rd21gn54

回復 芒果米池 的帖子

好在可以向呢度呻下！

芒果米池

原帖由 rd21gn54 於 13-08-06 發表
回復 芒果米池 的帖子

好在可以向呢度呻下！

你有同朋友傾嗎？

rd21gn54

回復 芒果米池 的帖子

沒有， 如果只是我的問題，我會同人傾。
但我不知道仔仔長大後想不想人知道佢有事。
現在我的朋友也有仔女，他們的仔女即是他將來的朋友，
這是他的私隠。
而且朋友沒有經驗，都吾知點回應我。
所以我只可以同家人講。

chowqv

原帖由 rd21gn54 於 13-08-07 發表
回復 芒果米池 的帖子

沒有， 如果只是我的問題，我會同人傾。

唔使開mic講，不過唔使收埋唔講。將來返學，點都要俾學校知（如果小朋友可以讀主流）。

a328

www.do2learn.com

the website is suggest by my psychiatrist friend in USA, good for parenting skill.

ADD OIL

rd21gn54

回復 a328 的帖子

Thanks a lot