請教填表甲,乙部問題?

cheukmanlai

甲部所填的是獨立的一條隊,乙部又是另外一條隊嗎?

例:一個BAND2學生在甲部沒有填A中學

    在乙部把A中學填第6(結果派了第十志願)即代表A中學已沒有學位,對嗎?

    但一個BAND3學生把A中學甲,乙部都填第一志願(結束成功派入A中學),該學生肯定自行沒去過的.

這樣的結果是該名BAND3的學生一定是在甲部被派入的,對嗎?

dis398

cheukmanlai 發表於 13-7-31 19:07
甲部所填的是獨立的一條隊,乙部又是另外一條隊嗎?

例:一個BAND2學生在甲部沒有填A中學

甲部所填的是獨立的一條隊(甲部獨立學位),乙部又是另外一條隊(乙部獨立學位)嗎?  Yes
例:一個BAND2學生在甲部沒有填A中學


在乙部把A中學填第6(結果派了第十志願)即代表A中學已沒有學位,對嗎?
可能甲部還有位.


但一個BAND3學生把A中學甲,乙部都填第一志願(結束成功派入A中學),該學生肯定自行沒去過的.
這樣的結果是該名BAND3的學生一定是在甲部被派入的,對嗎? Yes

khmama

原帖由 cheukmanlai 於 13-07-31 發表
甲部所填的是獨立的一條隊,乙部又是另外一條隊嗎?

例:一個BAND2學生在甲部沒有填A中學

亦有可能個band2生其實係band3生.

cheukmanlai

原帖由 khmama 於 13-07-31 發表
亦有可能個band2生其實係band3生.

感其實小學告知學生的banding 係咪一定準確，定還是學校會保守一點，將邊緣人告知低一個band 呢？

ohnono

cheukmanlai 發表於 13-7-31 19:07
甲部所填的是獨立的一條隊,乙部又是另外一條隊嗎?

例:一個BAND2學生在甲部沒有填A中學

如果跟據樓主你既描述，band 2同學派到第十志願才可派到的話，一係估錯band，以致第一至第九的志願都派不上。另一個可能係這名band 2同學沒有考慮選校策略，總言之將區內和他區的band 2學校全部依自己的喜愛程度依次盡填，當第一志願派不了，第二志願又可能已經係人家第一志願，第三、四以後的志願又係人家較前的志願時，你好難會爭取得派位，於是越派越後。
如果這個band 2同學是屬於band 2造尾的同學，估錯band的機會都幾大。而又如果這名band 3同學是屬於band 3頭時，亦有可能因為估錯band而其實是band 2生，憑乙一獲派A學校。有時甲部能成功都幾難的。

ohnono

cheukmanlai 發表於 13-8-1 00:03
感其實小學告知學生的banding 係咪一定準確，定還是學校會保守一點，將邊緣人告知低一個band 呢？



  ...

最慘係學校都唔知係錯定對。若錯的，錯係那一個同學度，因為呈分名次經調整後，三次呈分後最終校內考50的，可能變成排47，而考45的可能變成排49。於是考50的就會排得考45的前。如果學校實得47個band 1同學的話，考45的同學已變為band 2而考50的則仍然是band 1同學。

有幾方面可以令學校出錯的：
間接原因
1. 學校唔知同學每一次經調整分調整後的真實名次和獲得的分數，而教局就係會跟據這三個分平均後去排名次的。學校只能用標準分來計算，每一次都有偏差。二次呈分之後的偏差更大，三次之後已經亂晒龍。

2. 個別組別學額多個學生的地區特別容易估錯。因為老師都係跟據以往的派位結果來推算。校內不同年份，但相同名次的同學，學校就會以此作準則。如果因為band 1學額過多，上年校內名次考50的band 2(其實學校係唔知個別同學的真實banding的)同學仍可派入band 1學校的時候，老師有可能就會以此作參考，將今年校內名次考50的同學同被列為band 1同學。


直接原因
3. 學校保守和進取都係估錯band的原因。保守的，會將邊緣人的範圍擴大，但家長好難發現，因為同學已有心理準備派下一個組別的學校。若真的派下一個組別就當自己是下一個組別好了。相反進取的就是將上一個組別的同學數目擴大，或者將應有的邊緣範圍都列作上一個組別。不過通常進取的學校一般都有信心同學可以在叩門時，減少了banding的考慮而可以叩回上一個組別的學校。

cheukmanlai

回復 ohnono 的帖子

其實係阿仔E次既派位結果,令我有E個疑問的,
學校在統一派位前開左次家長會,清楚告知自己仔女係咩BAND,
我仔全級三次呈分試名次在47至60間(六年級人數133),告知係BAND2,
而阿仔全班只有兩名同學被告知BAND1,其他15個BAND2,15個BAND3,
我都幾肯定我仔一定係BAND2,應該吾會錯,都無可能係band1,如果係都派左去大雄了(乙1第一志願),
因阿仔有一同學比佢叻d,都係全級4十幾,但都被告知band2,但選大雄第三都派到(明顯學校保守估band),
我仔的選擇乙1:大雄  2:匯基(深水埗) 3:張明添  4;莫慶堯 5;協同 6 ;劉皇發 7;信義 8;九龍塘學校
是否填表出問題了?

cheukmanlai

cheukmanlai 發表於 13-8-1 01:55
回復 ohnono 的帖子

其實係阿仔E次既派位結果,令我有E個疑問的,

後來阿仔叩到入劉皇發同莫慶堯,我選左劉皇發,
阿仔撞到兩同學,都是被告知BAND3的,派位入的,
其中一人全級考一百一十幾(都幾肯定BAND3)
該同學就是統一甲,乙部都填劉皇發第一,所以我幾肯定佢係甲一派入的.

ohnono

cheukmanlai 發表於 13-8-1 01:55
回復 ohnono 的帖子

其實係阿仔E次既派位結果,令我有E個疑問的,

每個可能性都有。
先睇同學仔派第三志願大雄，而你填大雄第一卻派唔到。
如果同學仔本是band 1但因為學校太保守，將之說成是band 2，那麼他揀的第一間學校都是band 2的話，咁佢派第一志願的機會就好大，絕唔需要等到第三志願。除非佢當自己係邊緣人，揀左band 1學校放第一，熱門的band 2A學校放第二，咁先有機會派到第三志願的大雄。但跟據你的資料他是被告知是band 2，咁band 1同學抽band 2學校，應該第一志願已派到了，無需要等第三志願了。

由此推斷，這位同學應該唔會係band 1當作band 2，而其實佢真係band 2。

當跟據以上的推斷後，得出同學仔是band 2的機會較大時，咁樣他可以第三志願派大雄，照推算，如果你小朋友是band 2的話，第一志願沒可能派唔到去大雄。

講返校內名次跟banding的關係，最大原因令老師估錯banding的係學校只能用校內分數來排列。所以我地唔應該用校內名次來跟同學比較。一次呈分都可能有好大分別，何況兩次，還有第三次。特別是三次的名次差落大的同學更加要小心！

dis398

先睇同學仔派第三志願大雄，而你填大雄第一卻派唔到。

單是計乙部同學仔派第三志願大雄,就可以知道同學仔banding是高過你仔仔.

cheukmanlai

ohnono 發表於 13-8-1 12:53
每個可能性都有。
先睇同學仔派第三志願大雄，而你填大雄第一卻派唔到。
如果同學仔本是band 1但因為學校太 ...

佢那位同學我都認識的,佢被告知BAND2後,第一,二志願都是SSP BAND1,第三才是大雄,我都幾肯定佢被估錯BAND的,
因其他邊緣人都被告知 BAND2後都選大雄第一(吾知點解老師極力推介,完全無提過唐乃勤,匯基)我想選唐中也不讓我選,話係BAND3唔好選,因為我覺得大雄太多人選,我開頭填匯基第一,又打電話叫我改大雄第一(話唔填第一派唔到),只怪當時自己意志唔夠堅決.

ohnono

dis398 發表於 13-8-1 15:04
先睇同學仔派第三志願大雄，而你填大雄第一卻派唔到。

單是計乙部同學仔派第三志願大雄,就可以知道同學仔b ...

就係因為咁，所以樓主會認為派入大雄的同學是band 1，自己小朋友是band 2。而派入大雄的同學是老師保守，所以將band 1當band 2。

正如我上面講，如果這位派入大雄的同學是真band 1而被誤導成band 2，那麼他最壞都只是會被派到第一間選擇的band 2學校。除非佢第一、二志願都唔係選band 2學校，否則應該唔會派第三志願的大雄。

DJMAMA

講到banding，到現在我都不大清楚囝囝是band幾？！

ohnono

cheukmanlai 發表於 13-8-1 15:12
佢那位同學我都認識的,佢被告知BAND2後,第一,二志願都是SSP BAND1,第三才是大雄,我都幾肯定佢被估錯BAND的, ...

之前我都講過這樣的問題，我絕對相信有小學老師和聯同某些中學設辦法將學校的好學生，甚至將高banding的學生集體推介到低一個組別的學校。希望從此將這中學藉著收到高組別的學生而推高成績。
教局既黑箱作業方式發展到今日已經腐化、變質。咁重要既決定，絕不可以輕率，誤導更加天理不容。學校唔老實、資訊又唔流通，私相受受的情況已經蠶食緊這個千瘡百孔的教育制度，唯有迫教局公開同學的banding才可以解決這問題。

fion6406

原帖由 cheukmanlai 於 13-08-01 發表
後來阿仔叩到入劉皇發同莫慶堯,我選左劉皇發,
阿仔撞到兩同學,都是被告知BAND3的,派位入的,
其中一人全級考 ...

都有可能考一百一十幾的同學仍是band 2  , 和你仔一樣，但隨機編號排得前，所以乙一中劉皇發。劉皇發甲部得9個位，給全港抽，要全港band 1+2唔夠九個人揀至會輪到band 3，機會好細，這個可能性較低。

fion6406

原帖由 fion6406 於 13-08-01 發表
都有可能考一百一十幾的同學仍是band 2  , 和你仔一樣，但隨機編號排得前，所以乙一中劉皇發。劉皇發甲部得 ...

還有可能考一百一十幾的同學是深水埗band3, 但是全港band2, 咁甲一中劉皇發就合理一些

cheukmanlai

fion6406 發表於 13-8-1 16:05
都有可能考一百一十幾的同學仍是band 2  , 和你仔一樣，但隨機編號排得前，所以乙一中劉皇發。劉皇發甲部得 ...

所以我先覺得奇怪,因阿仔間小學吾係勁小學,考80-90開始已經係BAND3了,
因為阿仔間小學仲有一情況,就係叩門困難,所以老師估BAND會特別保守,
因為一到叩門就好難叩門成功,阿仔講有同學全級第五名,自行選左大雄(吾知點解),
之後又後悔,統一已把大雄填到好後,結果都係派到大雄(應該係自行收了),走去叩門,
叩晒所有SSP BAND1都唔收,其他好似我阿仔咁唔好彩的,都叩門不成功,加埋我仔,
阿仔所有FB認識既同學(100人左右)得3人成功叩回自己BAND的中學,叩門的時候,
有天回校找校長寫信,校長叫我莫慶堯都不要存寄望,大雄更是諗都唔駛諗,叫我去諸聖機會大D.

點解對自己學校咁無信心呢?

cheukmanlai

ohnono 發表於 13-8-1 15:55
之前我都講過這樣的問題，我絕對相信有小學老師和聯同某些中學設辦法將學校的好學生，甚至將高banding的學 ...

其實我覺得當年既學能測驗仲公平D,全港考同一份卷,又唔駛計之前D師兄師姐PRE S1排BANDING,
仲要估估下,一但估錯BAND,真係害死人的.

cheukmanlai

fion6406 發表於 13-8-1 16:09
還有可能考一百一十幾的同學是深水埗band3, 但是全港band2, 咁甲一中劉皇發就合理一些



  ...

即如BAND3生甲一中劉皇發的機會很微吧,對嗎?

ohnono

cheukmanlai 發表於 13-8-1 16:43
所以我先覺得奇怪,因阿仔間小學吾係勁小學,考80-90開始已經係BAND3了,
因為阿仔間小學仲有一情況,就係叩門 ...

比你顛倒重來，你會揀一間怎樣的小學？程度高有利升中？