我仍然支持轉直資

YongXin

我仍然支持聖保祿中學轉直資。

這裏不是生果報，不是一言堂。

我自己是Paulinian，我不盲目，我不貪着數。不要扣我帽子。

甚麽是自己女兒6年的幸福，甚麽是修會百多年來帯來的幸福。

Beloved school of mine,
My pains and joys are thine,
My childhood's early dreams
Are closely linked with thee.
The hope that heaven brings
Thou dost unfold to me,

有唱嗎？懂唱嗎？唱時有甚麽感覺？

Rattie

我唔反對轉直資，因為眼見有直屬關係嘅名津校轉直資後學術地位不斷提升。
我自己都係個正常家長，可以唔使俾錢我都希望慳得就慳，不過如果間學校係更好更合適而又負擔得起嘅我都願意去俾。
有家長說，唔係俾唔起，係條氣唔順，相信亦係好多家長嘅心聲，如果你一早講咗嘅冇問題。
轉直資學校可以有更大自由度去揀學生去選擇課程，唔使理會教局嘅朝令夕改。
我有信心 spss 轉直資後可以更上層樓，加上一等一嘅校風，認為佢係值得嘅大有人在。

homemama

我都係支持直資，大家別只是向錢看，看看新派直資...如中華基金，優才，顏寶鈴等直資學校...就是可以自由度去揀學生去選擇課程，唔使理會教局嘅朝令夕改....所以成績漸漸向上，我相信辦學團體轉直資後會做得更好....但亦無可否認今次申請程序太急速及低估了家長們的反對，如果提早資詢及增加多點透明度更好...希望不要放棄

chantm1812

回復 Rattie 的帖子

很同意你的觀點啊
「可以唔使俾錢我都希望慳得就慳，不過如果間學校係更好更合適而又負擔得起嘅我都願意去俾..........」
「我有信心 spss 轉直資後可以更上層樓.........一等一嘅校風............」
...........此乃是辦學團體沙爾德聖保祿女修會、校長、老師多年努力的成果及根基！

小頑皮

校監幾有戰鬥格明年再來參戰   

ramuza

Support

YongXin

從來都不是戰爭, 是四個月飄洋過海從法國來香港服務的堅毅延續至今, 早過香港正苦開工.

社會反智, 將均等機會同均等資源混淆. 前者係文明資本主義, 後者係無產主義.

decision

修女會服務香港多年，
由不是人人有書讀的年代，
到現在人人有書讀，
全球性義務服務的修女會不欠港人甚麼,
或許第三世界更需要教育的服務，
我是感恩的 :沙爾德聖保祿女修會

snkwok

回復 Rattie 的帖子

對于直資,我不反對.我女14-15年升中,如成功轉直資,我会是第一批白老鼠.
但學校安排实在太差,不吐不快
我是在bk這里看到轉直資傳聞,到開學校方只提過擬轉直資,沒其他任何資訊!直至上學期完結,派張通告問家辰有什么意見,我記名填了問卷,問了問題,提了意見,沒人回覆過!
2月咨詢會,我只感覺到校長說校舍設施如何不足,沒听见轉直資后有什么給學生,是比現在多的.
考完第一次呈分試,阿女成 績如何?會是band幾?有哪里要改善?全部不知道!
派完成績表,放暑假了,又在bk這里见到,原有中小学校長都退休或辭職了,又 換校長

snkwok

我所知關于學校的事,全都是bk媽咪報料的

YongXin

小時候返學，我和父母都對學校信任，感恩，甚至敬畏。

隨着港人喜歡投訴/反對/要知情權/主導/資詢/一人一票的心態，往往覺得辦學團體的一舉一動，都有過問的權利。難怪我們仍然未成立法團校董會，抗衡校本條例。堅持辦學自主權已變成一項罪名？

是我老了，真不合時宜！

pooh仔

我相信以前任何人對學校老師都會尊重，信任， 唔喺只得你一個。
在今次轉制諮詢上你難道覺得學校有做足本份， 做得妥當.
為何當年協恩， 而家嘅ssgc 人哋可以早一，兩年同家長諮詢， 點解我哋學校要喺交表前唔夠一星期先正式比方案文件開諮詢會有qa 時間。
轉制咁大件事喎， 難道唔可以問得明白啲，學校解釋得好啲唔喺可以釋除家長疑慮。

你可能投贊成票，唔緊要，但你又知唔知我哋唔贊成嘅人通通喺3月中收到校方游說電話。就喺明知唔達標都試圖改變家長意向，在這事上令家長有壓迫感，唔想再多言。

你要知道文件已呈上，為何學校要一意孤行唔靜心聽民意。轉得咁求其， 將來都未必是好事。

學校管理層真啲唔可以用2，30年前處事方式。學校唔派考試分數比學生知， 你都唔覺唔妥當? 亦都贊成老師改完卷學生連自己錯乜都唔知， 又何來進步!

盲目愛學校，亦令學校不甚改善，前進，智理明言: 不進則退!

pooh仔

不是表明贊成就叫愛學校， 唔贊成嘅人喺與學校對敵， 只喺大家愛嘅方式一樣。

whyyou

pooh仔 發表於 13-7-25 15:08
不是表明贊成就叫愛學校， 唔贊成嘅人喺與學校對敵， 只喺大家愛嘅方式一樣。



  ...

同意你嘅睇法, 其實我開始都支持學校轉直資, 但係學校嘅推行手法真的不敢恭維, 甚至令人反感, 準備不足兼霸王硬上弓嘅手法同氣焰, 感覺就如當年政府推23條咁將好事變壞事, 其實如果學校做足準備兼充分諮詢, 最多遲一兩年轉, 個結果肯定唔會係而家咁

pooh仔

原帖由 whyyou 於 13-07-25 發表
同意你嘅睇法, 其實我開始都支持學校轉直資, 但係學校嘅推行手法真的不敢恭維, 甚至令人反感, 準備不足兼霸 ...

完全大家一樣感覺。
我起初都接受轉直資，但…………

Rattie

snkwok 發表於 13-7-25 13:38
回復 Rattie 的帖子

對于直資,我不反對.我女14-15年升中,如成功轉直資,我会是第一批白老鼠.

因為大部分學生都可以直升，學校覺得家長資訊唔需要太詳盡，這些這些，在有直屬中學嘅小學非常普遍。
即如有小學會幫學生訓練面試，有小學成績表好見得人但 2A2B 已經係 b2尾。
取與捨。

Rattie

我好膚淺，看見 spcc，dgs，spcs 轉直資後通通拾級而上，覺得轉直資係條可行之路。

記得 spcc 轉直資前有位男仕晌電視度講點解佢哋要轉。
（大意如下）
佢話，好多時我哋想家長幫吓忙督促佢哋啲仔女讀書，啲家長同我哋講，啲仔女開心就得架喇，成績求其得喇。。。
嗱，我哋就係唔想收到呢啲學生。。。

開宗明義，要大家目標一致，做個成績出來。

中學小學係兩間獨立個體，中學要求小學學生提高水平？談何容易。
點解 MSS，MCS，LS 又得？佢哋有幾多小學部學生入唔到你哋又知唔知？有 MCS 家長訴苦 b1 生都要望門輕嘆，我同事仔讀 LS 話只係 top 1/3 至保證到個位。

horwing

Rattie 發表於 13-7-25 19:17
我好膚淺，看見 spcc，dgs，spcs 轉直資後通通拾級而上，覺得轉直資係條可行之路。

記得 spcc 轉直資前有 ...

資料有錯. MSC同LS最新一年都有起碼2/3的學生可以升番直屬中學.

而且spcc，dgs，spcs等學校係轉直資前已經係一等一名校, 轉直資後有再"拾級而上"嗎? 我認為說不上.