用戶登入
用戶名稱:
密      碼:
搜索
教育王國 討論區 初中教育 懷疑呀仔情緒出現問題,精神科醫生介紹 ...
查看: 5600|回覆: 33
go

懷疑呀仔情緒出現問題,精神科醫生介紹

Rank: 3Rank: 3


204
發表於 13-7-3 12:56 |顯示全部帖子
我個仔升左中一後,好似變到另一個人咁,當左我好似仇人咁,激到我有口難言。佢性情上亦有很大的變化,我近日仲發覺我個仔神情越黎越古怪, 驚佢情緒出現問題,想帶佢睇醫生, 係咪要睇精神科,定係心理醫生傾左先? 我心情好矛盾,請指教!  

Rank: 5Rank: 5


3588
發表於 13-7-3 13:19 |顯示全部帖子
咁嚴重?!!  既然你話佢當你好仇人, 你茂茂然帶佢去看醫生, 佢未必肯, 即使肯也未必合作.

有沒有同佢傾下, 了解是否學校/朋輩/其他發生了甚麼事?  有可能是壓力大引致抑鬱喎!  留意下佢的行為/身邊的東西, 會否受人影響試咗毒品呀?

如果同佢傾完+你觀察完都找不出蛛絲馬跡, 都要想辦法盡快tum佢去看醫生.

Rank: 5Rank: 5


2391
發表於 13-7-3 13:50 |顯示全部帖子

回覆:liontiger 的帖子

學校方面怎樣?有無其他朋友長輩幫忙了解發生甚麼事或向社工求助



Rank: 13Rank: 13Rank: 13Rank: 13


76018
發表於 13-7-3 14:24 |顯示全部帖子
本帖最後由 Yanamami 於 13-7-3 14:26 編輯

請問他小學時跟你的關係好嗎?家裏沒有一個跟他談得來的人?在校跟同學相處如何?老師有甚麼評語?

Rank: 8Rank: 8


15364
發表於 13-7-3 16:54 |顯示全部帖子
如經濟許可, 去睇私家精神科, 依果年代, 好似睇感冒咁, 去睇精神科都好平常.
早些睇吓咩事, 有時是情緒波動而至.  及早看看, 有些青少年看一兩次食左藥便OK的.

Rank: 9Rank: 9Rank: 9


23962
發表於 13-7-3 21:49 |顯示全部帖子
我觉得吾係!冇理由小学冇问题,中学失常!升上中学的小朋友正值反叛期,我家大少也如此,经常黑脸!听聞等到17歲,有轉机!
不过,你話神情古怪,就要小心D!有否识左損友?有否。。。。。。

Rank: 4


543
發表於 13-7-4 18:20 |顯示全部帖子
其實升中對於小朋友來說, 是一個大轉變, 他要適應一個新環境, 新老師新同學, 要應付更多更深的科目, 真係吾容易, 而且, 青春期的變化, 加上壓力的話, 可能會令情緒出現問題, 處理不好的話, 後果可以好嚴重, 真的不容忽視.

建議可向學校/同學了解小朋友在校時的情況, 學校或有社工/輔導幫忙.  情緒/精神方面的問題, 最好請教專家.


9300
發表於 13-7-4 19:56 |顯示全部帖子
提示: 作者被禁止或刪除 內容自動屏蔽
簽名被屏蔽

Rank: 7Rank: 7Rank: 7


12645
發表於 13-7-4 20:28 |顯示全部帖子
正值反叛期

Rank: 3Rank: 3


204
發表於 13-7-5 16:50 |顯示全部帖子
多謝各位的意見,回所有的家長。呀仔唔肯同我講學校d 野,就連同學的事都唔肯同我講,佢叫我唔好問。佢好容易發脾氣,所以我唔識佢d 同學的。佢唔肯將心事講出黎,想同佢傾下,佢一句就拒絕,無晒辦法。佢同daddy都有兩句,但都唔係好肯講學校野。最近佢好無記性,我都層經懷疑過佢係唔係試過毒品,所以有神情古怪,所以諗住帶佢去看醫生。
我唔敢問學校班主任,驚呀仔知道左我同學校班主任講關於佢d 野,佢會對我有更大的誤會,發更大的脾氣。我知我咁諗可能係錯,不過我真係好驚最後的後果。
我都知佢要適應f1生活,而對於佢黎講係有壓力,因為見佢都讀得好辛苦,我先覺得佢情緒出現問題。佢的能度咪越黎越差囉,六年級的時候無咁差的。佢又對

Rank: 3Rank: 3


204
發表於 13-7-5 16:51 |顯示全部帖子
續! 佢又對游水反感,話我迫佢操水。唉! 我都要去看精神科了。

點評

黃巴士  穩定情緒最緊要.  可能自我壓力太大. 他有失眠/記憶力差/在喊過不停嗎??  發表於 13-7-6 13:52
Meikin  不操水那就尤得佢罷.  我單聽到個操字都感到怕怕, 何樂之有之?  發表於 13-7-6 02:04

Rank: 3Rank: 3


204
發表於 13-7-5 16:56 |顯示全部帖子
請問有無精神科醫生或心理醫生介紹?

Rank: 4


668
發表於 13-7-5 19:08 |顯示全部帖子
liontiger 發表於 13-7-5 16:50
多謝各位的意見,回所有的家長。呀仔唔肯同我講學校d 野,就連同學的事都唔肯同我講,佢叫我唔好問。佢好容 ...

之前有無家長會,老師有無反應他在校情況,有部份情況跟我仔相似但現在都解決了,都是向老師求助再轉介學校社工,連教處心理學家也有安排,事件發生在升中初期,其實老師都有發現他情緒問題,剛開學已打電話給我,他每天投訴同學打佢,攪他,其實他學校是一間校風不錯的B1校我都唔相信會這樣,家校合作不到三個月已正常,社工老師都幫了很多,已經融入學校生活成績因沒有受情緒影響而有進步,仲話曳的同學全部變乖。
但單看你仔不願操水你的反應也很大,你們關係都有問題,要大家心平氣和解決,有事發生要盡快想辦法解決,不要比情況再惡化

Rank: 5Rank: 5


1200
發表於 13-7-5 22:17 |顯示全部帖子

Rank: 5Rank: 5


3588
發表於 13-7-6 01:54 |顯示全部帖子
佢唔肯講學校d野都沒有辦法, 你越問佢, 佢越覺得你spying on him, 我阿仔都係越問越唔講; 所以有時佢想講就講, 我只做聽眾, 盡量不發問.

建議你同班主任談談, (可以請班主任保密, 唔好話俾你囝知) 嘗試從班主任或其他同學口中了解你囝在學的情況是否也有異, 是否在學校或朋輩間發生了不愉快的事等.

Rank: 5Rank: 5


3588
發表於 13-7-6 02:02 |顯示全部帖子
本帖最後由 Meikin 於 13-7-6 02:02 編輯

剛才觀看Ceci333 post上來那條壓力不倒翁的link, 其中最近期(7月3日)的一輯提到, 我們應該發展多元化人生價值, 那即使其中一方面失敗了, 也有其他方面支撐住.  所以若孩子一直把其人生的價值與讀書成績畫上等號, 那升中後, 其成績與小學的落差對佢來說是很大的打擊.


9300
發表於 13-7-6 06:18 |顯示全部帖子
提示: 作者被禁止或刪除 內容自動屏蔽
簽名被屏蔽

Rank: 5Rank: 5


1939
發表於 13-7-7 00:07 |顯示全部帖子

回覆:懷疑呀仔情緒出現問題,精神科醫生介紹

未必精神問題,可能只是學業有壓力,同人相處又唔如意,又或是甚至誤交損友~如果佢學校都OK,不如先見下老師評估下先啦,綜合老師意見至少你會感覺到情況是否已到達危急關頭,再跟老公商量對策。



Rank: 8Rank: 8


15364
發表於 13-7-7 11:02 |顯示全部帖子
個人覺得由專業人士斷定較好,好過自己胡亂猜測'

Rank: 4


703
發表於 13-7-9 14:57 |顯示全部帖子
本帖最後由 elhihihi 於 13-7-9 15:00 編輯

大家放遠眼光評論這件事,小朋友有此種態度上的轉變是人生過程中必然會經歷,分別只是在初中時期對父/母、抑或將來對朋友、配偶發生?

小朋友已經進入另一個成長階段,要放手、放心、對他/她要有信心,否則雙方只會越來越不信任對方。
除非肯定小朋友學壞了(是真的學壞,例如跟了社團!),否則不應該盲目猜想他有行為偏差,更不應該唔同你講學校生活就捉佢睇精神科。點可以同囝囝減少溝通就懷疑佢精神/心理/情緒有問題?
同埋點解妳認定囝囝情緒/精神有問題?是否有病徵例如重覆的動作、自言自語或嚴重至有幻聽嗎?

舉個例,如果警察查妳身份証,問到些妳唔想答的問題(心諗關阿sir鬼事),妳唔答唔通阿sir要捉妳睇精神科?
妳唔信任個政府,妳有能力的話,妳可以搞革命,拖垮佢,但係妳個囝,妳真係要咁做,要摧毀同阿囝的關係?

明白妳緊張小朋友,但必須要尊重佢,佢並非妳的寵物,寵物都有情緒,何況係人,如果妳再施加壓力,妳同阿囝距離只會越來越遠。其實中學生已經開始有佢地的朋友、有佢地的溝通模式,只要從旁觀察,唔跌死就任他自己行,始終人生路應該係佢自己修築出來,唔好因為自己(家長)的祈望、強迫子/女去接受自己的安排。

抱歉講句,如果妳咁緊張,又唔識處理,妳應該尋求社工/心理醫生協助,解開妳心中結,否則胡思亂想下,可能會發展出抑鬱/情緒病、甚或會傷害妳囝囝(無論心理或肉體上的傷害),到時個結果係永遠都唔能夠返轉頭!