小朋友8 月可入讀主流幼稚園??

csy_0101

細女現2歲5個月，5月初評估為有自閉傾向，語言及聆聽發展緩慢，當時心理學家話女女情況不太嚴重，只要盡早訓練，應可追回進度!! 6 月開始做職業治療 (1星期1次) 及1對1密集(1星期2次), 將會於7月中開始1星期5日的小組訓練; 但8 月初就要讀主流幼稚園學前班; 雖然細女眼神交流多了，但仍只講少量單字，怕細女開學後跟不上學習進度，而受歧視而被迫退學?? 請問其他家長可否分享一下你們經驗??
我在排E 位，在邁步做訓練; 家中由每月有盈餘變為入不敷支，負擔很重!! 請問其他家長有沒有建議給我??  我在在職媽媽來的

cc1228

我去年跟你一樣~我是把正常幼稚園停掉

上特殊密集班

因為讀N班時,校長跑來問我

''為何在校都不說話?在家有開口過嗎?'

他們都會發覺怪怪的

上課自己做自己的事情~不理任何人

不高興就跑出教室

讀了一期N班,沒有辦法跟其他孩子一樣學到東西

也是不開口

後來我覺得就算是讀K1了,也是浪費時間跟金錢

所以我cut掉主流國際幼稚園

不如把握時間加緊訓練

小朋友現在進步很多

預計九月從回主流幼稚園

cat1028

我開學前選擇了同學校講評估結果，雖然校長話無咩可做，但仍可有學位俾我囝讀直至排到兼收位，現在讀n班

misshk12

我覺得讀唔讀主流N班，你可考慮以下因素：
(1) 小朋友現時進度？(坐唔坐得定？講野反而其次)
(2) 幼兒園適唔適合？(英普班可能更難令小朋友適應，本身有無兼收位老師？)
(3) 如果唔讀幼兒園，你會安排甚麼俾佢上？

回想過去一年，我小朋友讀主流幼兒園好有用，起碼自理同說話進步左，亦學到常規。而這幼兒園位於屋邨，本身有I位，廣東話教學。同時聽過有其他家長講過，某些KG會叫家長提早接走，或者成日向家長投訴之類。亦有家長講過唔返主流，返密集，得到好大進步。所以都好難一刀切話返定唔返。

ttrrmm

misshk12, 能否PM我这个幼稚园名称?

csy_0101

現在幼稚園報名都很激烈，如無讀過學前班，怕會較輸蝕; 如k1 再讀，其實都要今年8-10月開始報名，細女仍然唔講說話，真怕佢會無書讀，唉，好矛盾! 想佢讀，又驚佢讀唔到，唔俾佢讀，又驚佢k1無書讀
你可否分享下你去年報考k1 情況??

csy_0101

原帖由 misshk12 於 13-07-03 發表
我覺得讀唔讀主流N班，你可考慮以下因素：
(1) 小朋友現時進度？(坐唔坐得定？講野反而其次)
(2) 幼兒園適 ...

所以我依家好矛盾，我相信細女的能力，只係佢較其他小朋友在接收同表達能力較特別，現在要幫佢接通世界，但真是唔知佢會幾時開竅，有好多野我估唔到，計唔到!!!

AprilLove

我都係停咗N班，由6月开始读密集课程，期待一年後有大改善！！

apple~y

回復 csy_0101 的帖子

你細囡識唔識聽指領,識聽指領又唔使太擔心
"細女開學後跟不上學習進度，而受歧視而被迫退學"無得怕,
你比小朋友讀預0左,或者又跟到呢

仲有如果真係"家中由每月有盈餘變為入不敷支，負擔很重!! "
cut 0左職業治療 ,職業治療好貴,
自己去買書跟,本書叫"小孩確不笨",有關感統訓練
本書簡單易明,

"7月中開始1星期5日的小組訓練; 但8 月初就要讀主流幼稚園學前班; "
即將係小組訓練只係番2星期,小朋友都未適應小組訓練又轉番主流N班
你都唔好期望番2星期,小朋友會有好大進步,
醫呢個病真係你的精神同金錢要長期作戰

除0左訓練,睇你信唔信接唔接受到所謂另類治療,針灸,TEST食物敏感戒口
排重金屬
你自己搵資料詳細了解再決定試唔試
唔信唔使埋KEEP住訓練
加油

csy_0101

原帖由 apple~y 於 13-07-03 發表
本帖最後由 apple~y 於 13-7-3 15:15 編輯

回復 csy_0101 的帖子

apple...多謝你的意見!  上完8堂職業治療後，會睇下要唔要繼續上，學你話齋，感統可在家訓練; 密集方面，我諗住邊返主流學校，邊上密集，但我唔知密集訓練係咪真的有需要日日上，仲要3小時，都驚小朋友倦!! 但我又見中心好多小朋友係咁

Vichang

請問你是否在邁步接受評估？如果個心理學家話唔嚴重，就應該唔洗太擔心嘅。你排緊I 位未？。   


另外，我覺得識聽指令緊要過識得講嘢未。如果你囡囡識聽指令，我覺得返主流可以喎。

Why

最紧要系学校老师点评价你个小孩子？因为我个女都是两岁三个月，发展迟缓，唔识讲野，而且唔识听指令，但有幼儿园收左区，个老师都话可以试下，到时跟唔上再退学转做训练咯，因为都睇个人架，有D细路唔识讲野，但一返左学就慢慢学识，但有D就真系要不停做训练先得，最好系日日同个老师提，叫个老师多加留意区系学校的情况；如果遇着夹得来又有爱心的老师，可能区地会有方法令到个细路爱上返学同慢慢会识讲野！同埋有D细路系会去到三岁先慢慢开始学讲野。最近我发觉个女的情况唔妥，增加一家三口家庭乐的时间，只是几个星期发觉区已经开始信任我们，有时会学下我地讲野啦！所以我们做家长的一定要有耐性和爱心去滋润区，等区知道，我地系可以依赖的。

cc1228

回復 csy_0101 的帖子

我兒子表現不好(那時連媽媽都不會叫)~ 面試時,什麼都答不出來,還被某個學校老師訓了我10分鐘

''怎麼教的!!!!!''.............你應該.............

考六家~只有錄取一家

可能那家放幼兒音樂~我兒子有跟著老師一起做動作

我覺得很lucky ~~

csy_0101

原帖由 cc1228 於 13-07-04 發表
回復 csy_0101 的帖子

我兒子表現不好(那時連媽媽都不會叫)~ 面試時,什麼都答不出來,還被某個學校老師訓了 ...

請問你係咪指你小朋友in k1的情況?  我覺得in k1的要求比學前班高，一定要講野，我個細女一樣，依家連媽媽都未叫過，成日講我地唔明的bb 話，所以我至驚佢k1至搵學校，未必咁易搵到; 又唔知學校點睇，一面試就話佢聽個女有問題，驚佢地就算細女表現可以，也會選擇唔收佢，免麻煩; 即係阿女面試要靠實力

csy_0101

原帖由 Vichang 於 13-07-03 發表
請問你是否在邁步接受評估？如果個心理學家話唔嚴重，就應該唔洗太擔心嘅。你排緊I 位未？。   

我細女上訓練時，肯聽指示做，第一堂密集已可坐定1個鐘，但中途會易分心，要將佢focus 扯返黎; 始終佢未識講野，唔識表達自己，所以佢有時會無緣無故發忟憎，發脾氣，呢個真是最難控制

細女由邁步朱姑娘做評估的，當時朱姑娘話細女屬[廣泛性]個type 有自閉傾向，佢話其實好多主流學校，甚至乎幼稚園名校，如國際，根德園都有學生係有自閉傾向，而係佢地中心做緊訓練

apple~y

回復 csy_0101 的帖子

我細囡都係今年番n1,我覺得n1老師最基本要求多數識聽指領,手指指表達自己
又好似問邊個係媽媽,邊個係蘋果就算唔識講,都要識指出來
如果你小朋友理解唔太差,又唔使太擔心,

checkylam

做密集針對啲, 打好基礎, N 同K1 的課程差不多

silvermijar

我仔都係細仔,但我選擇佢係一路n同一路密集,得出來的result不錯,尤其是臨學期尾,老師勁讚我仔進步很多,會聽指令,會表達自己,識講d短句,所以我都覺得你要比佢返主流學校,目的不一定要學到野,而係比佢習慣群體生活和返學模式~

csy_0101

原帖由 silvermijar 於 13-07-12 發表
我仔都係細仔,但我選擇佢係一路n同一路密集,得出來的result不錯,尤其是臨學期尾,老師勁讚我仔進步很多,會聽 ...

我同我先生的最後決定都是邊讀幼稚園，邊讀密集，但對小朋友有機會被肋令退學會有心理準備，畢竟唔試過真是唔知!!

但小朋友的潛能真是無法估計，係呢個星期，工人返左鄉下，婆婆過左黎湊佢，加埋我又多左接觸佢，發覺佢有明顯的進步，眼神定左好多，會望其他小朋友，睇下佢地做乜，平時做開的常規，都會自己講得出黎，所以我都好開心!!!  大家要一齊努力!!!!!

silvermijar

CSY 0101, 你放心喇, 我仔返N都無比人趕走喇, 佢只係走黎走去, 坐唔定, 只要唔係D情緒太差, 學校係唔會趕佢走0既! 你比多D信心比阿女喇, 佢一定能適應到學校生活架~ ^^

你要努力加油呀, 我相信阿女好快會長大和改善架~