請問有無知48網排名

魚兒小寶貝

Ashleykenneth 發表於 13-6-25 00:31
環境都差好遠，但講深就肯定陳呂

環境係講學校大細? 我未去過所以唔知

魚兒小寶貝

我自己暫時諗住首位揀基顯第二陳呂，識兩個小朋友讀陳呂，一個有過度活躍操行成績都唔好，另一個操行ok及成績好。兩個媽媽都話陳呂唔錯，佢地既評價係：比基顯嚴d，深d，多功課d。前者話學校幾好，只係佢囝囝唔適合；後者話學校幾好，囝囝讀得幾開心，但恐妨唔適合細囡（較活躍，功課較求其）。
聽佢地咁講，陳呂好似比較嚴及谷（尤其小一已分班），但我唔識人讀基顯，唔知基顯個情況。。。

Vickymouse

陳呂個校長係博士，呢幾年好積極進取，由之前3線爬到上2線，但升英中派位未聞讚美之聲，有幾多派band 1位是要靠師兄師姐為師弟妹打拼返來的，或者呢刻有得揀其他學校的，未想去做開荒牛，據聞讀得好講d，小二又走去轉校，其實學校係唔錯，但家長會有不明朗的隱憂。反而基顯派位有讚美之聲，家長方向前景較明朗、校舍又大又新。

小兔~阿比

我都覺得陳呂校長好smart 我聽過幾個校長講野
佢講野風趣 唔會搞到你恰眼訓
另外佢係道教拉 多少有啲吃虧
不過我都要俾個like呢間學校 佢真係好努力

skmibb

一間學校的好與壞，除了學校本身的因素外，家長的配合都好重要。不過現在很多家長都愛名校，覺得質素有保證，這是無可口非。但另方面又試想想，好的家長所揀的學校，一定全力配合學校方針。而一些愛理不理的家長，當學校接收這一類的小朋友，小一連A-Z都未識晒，十以內順數倒數都未掌握，叫學校又得以短時間內改善這類小朋友及家長水平嗎？

Vickymouse

陳呂叩門多收，小一巳分精英班、非精英班，非精英 > 精英 , 因材施教。

Ashleykenneth

原帖由 小兔~阿比 於 13-06-25 發表
我都覺得陳呂校長好smart 我聽過幾個校長講野
佢講野風趣 唔會搞到你恰眼訓
另外佢係道教拉 多少有啲吃虧

陳呂學校係博士，仲有編小一教教書，佢好風趣，說話無冷場，佢同平兆校長都好好傾，但如果讀讀下轉校長唔知會變成点

Ashleykenneth

打錯:陳呂校長是博士

skmibb

原帖由 Ashleykenneth 於 13-06-25 發表
陳呂學校係博士，仲有編小一教教書，佢好風趣，說話無冷場，佢同平兆校長都好好傾，但如果讀讀下轉校長唔知 ...

其實你都幾滿意個校長,但又為何唔揀佢地呢?

小兔~阿比

地區問題  如果佢响藍田我揀佢

skmibb

咁又係,如果兩間差不多,我都揀間就近的。

Ashleykenneth

我唔揀佢因為讀左尖子班，父母要花好多時間陪佢一齊溫習，做好多課外練習，仲可能要放棄其他興趣班，係程度深嘅小學要考前名次，比一般學校要更努力向上，如果我可以全職教佢功課，讀書還可以，可是我要返工呢

小兔~阿比

其實呢樣都好睇個小朋友自唔自律，我果個都
有細佬兩個由朝玩到晚，我返到屋企都話未做晒功課
但我都識人地個小朋友係媽媽未返到去已經溫晒書做晒功課
睇下佢有無鬥心
但如果入到尖子班都唔洗驚跌返落黎既 人生有起有落都係體現嘛

魚兒小寶貝

兩間都有辣有唔辣，如果只用呢兩校對比，對我黎講，兩間都要行十五分鐘左右，我鍾意陳呂小一就分班，有科學堂，管得比較嚴；鍾意基顯活動教學，返學好行d，但我唔係好想佢返教會學校。
囝囝應該係讀到書既人，暫時＂學術＂方面幾好，唔曳但心野，性格純品但好玩，受管但唔受谷，我同老師都認為佢適宜讀比較活動教學既學校。。。所以我報幾間直資小學，人地唔收我地就靠抽獎，基顯排第一，如果抽唔中，抽中第二既陳呂都唔錯，再唔中就叩陳呂。

rayeu160

ha...8掛入左黎, 我又搭下咀先!! Ashleykenneth 我應該識你..HAHA
其實講咩野都係假..讀到既, 間間都係好學校...讀唔到既, 比名校你都死! 我覺得都係睇小朋友的..

skmibb

原帖由 rayeu160 於 13-06-27 發表
ha...8掛入左黎, 我又搭下咀先!! Ashleykenneth 我應該識你..HAHA
其實講咩野都係假..讀到既, 間間都係好學 ...

Ashleykenneth

哈哈，我兩間都唔想讀

skmibb

原帖由 Ashleykenneth 於 13-06-27 發表
哈哈，我兩間都唔想讀

你指基顯同陳品?

skmibb

陳呂

小兔~阿比

我唸係喇 因為唔想去油塘？