不吐不快……SC

cutecutewing

以下喺我以用家身份及用咗個幾鐘打出來的，我平時只會默默咁睇，好少會發帖，但有時真係好睇唔過啲唔係用家嘅人喺度話SC的不是，我地SC班家長是比較低調，家長與家長之間不會存着比較爭鬥，有好書或有意義嘅活動亦會主動share , 亦好少會在ek發言，我地只希望小朋友能在一個開心，快樂又學到知識嘅學校裡愉快地度過三年幼稚園生活 。

外間成日彈sc中文弱，但我唔讚同，k3功課要佢地做閱讀理解，用完整句子寫返答案出嚟，又要佢地自己查字典搵部首，每星期寫週記 。 數學就有英文文字題三位數加減法，或者做類似12+?=19此型式的題目。英文要自己造句或看圖作句。三科都有定期評估，要溫習，亦要做中英文讀書報告，鼓勵多看課外讀物。

我大女讀緊sc英普班k3，佢地語言能力強是因為佢地上堂只能用英文或普通話對答，同學仔與同學仔之間都是，無論課堂或學校旅行，佢地都係英普溝通。語言真係要浸出來的，我女k1時，她的普通話是零(其實我都係)，老師上學期都有同我講佢可能唔識聽和講普通話，所以比較靜，很少舉手答問題，但到了下學期家長日，老師已經讚佢進步很多，經常舉手發問及答問題，她在家時亦會跟我說普通話，現在她的普通話已經比我說得更好 。

經過呢半年考小一生涯，我可以分享少少經驗，極大部份私校和直資都唔會考做paper(好似教育局有指引是不能考做paper的),佢地主要是考小朋友對答，日常生活，應變問題，口問串字及口問加減數，SFA和有三間(唔記得咗邊間)更要小朋友用普通話及英語對答部份問題，所以sc大部份嘅小朋友都掌握得好好，除非小朋友是屬於超級怕羞型，唔出聲就比較難搞 。

我個女好鍾意返學，三年來未試過聽佢講一次話唔想返學，而好慶幸喺今年咁激烈嘅競爭裡，妹妹都能以9月份細囡身份考入sc k1(因為sc今年收表只收到9月份出世小朋友，10月份出世已經不接受報名) 。

“沒有所謂最好的學校，只有最合適的學校”

純粹個人意見，不喜勿插

dwkw333

原帖由 cutecutewing 於 13-06-22 發表
以下喺我以用家身份及用咗個幾鐘打出來的，我平時只會默默咁睇，好少會發帖，但有時真係好睇唔過啲唔係用家 ...

多謝分享。現實是如果有人考到好offer, 會覺佢ok; 但如果考唔到好offer, 就會覺得佢套嘢唔work。

同意沒有最好, 只有最適合。選幼稚園如是, 選小學亦如是。

Moonlight819

Thanks for your sharing and actually I want my son can have the pn offer later!

teambuilder

係啦，呢度其實好多花生友，一見到有人講學校既不是，就即時踩多兩腳，再加埋無限想像力，張件事無限放大，又叫人轉校，又話自己考都費事，又話比都唔讀云云。

仲有一類人就係喜歡批評人地d老師冇愛心，我覺得簡直多餘，乜有冇愛心咁易睇得出架咩？人地平日做善事你又知幾多？

另一類人就係人地學校唔收自己小朋友就話d老師亂咁評分加無眼光，騙報名費，唔收又叫人in，要人做show，唔發還報名費...等等

HappyFamily111

支持, 我近日都見到, 都替SC不值, 不過, 明眼人會明白

breadbb

Support...我都好幸運我家8月仔都入到去！我會好好enjoy

ngokwan

原帖由 HappyFamily111 於 13-06-22 發表
支持, 我近日都見到, 都替SC不值, 不過, 明眼人會明白

其實我想問近日有post 話SC ？我只是純粹問下。
我囡都是SC , 一句：十分滿意

DevilPig

我諗間間學校有利有幣，每間學校都有人講佢不是既，唔係只針對 SC, 有用家表達感想係好事，身邊朋友仔女讀 SC 都讀得好開心，分別有谷型 (例如每次睇 cam 都係溫書中), 亦有唔谷型， SC 咁多學生，無可能個個感受一樣既，但唔好見人踩 SC 就咬定係非用家，吃不到葡萄咁，我 lee 排爬文，都見有 SC 用家表達不滿，咁間學校咁大，梗有唔同意見既 SC 有名氣，咁多人爭，一定有佢好既原因，忽勞氣

oooasis

作為一個收集緊資料的家長，我覺得負面意見都好重要，無學校是完美的，實有缺點，點解缺點就唔講得？只要不是造謠生事，或者虛構捏造，我覺得無問題，求之不得呢。
有人將缺點講出來，比大家參考，多d資訊，是一件好事。（而且在bk講是需要勇氣的事，好容易被人圍攻的）

gracedolly

小一面試考筆試是違反教局規定的 ，樓主說得對 ^^

小洪寶

係咪最近有家長話sc commercial左呀？其實吾駛吾開心，我相信sc既神級地位吾會甘易被動搖，起碼我諗如果我仔入到就好了

hoyau

http://hk.news.yahoo.com/video/%E5%B0%8F-%E5%85%A5%E5%AD%B8%E9%9D%A2%E8%A9%A6%E5%90%AB%E7%AD%86%E8%A9%A6%E6%B6%89%E9%81%95%E6%8C%87%E5%BC%95-044108944.html

小一入學面試含筆試涉違指引


教育局的指引列明，直資及私立小學的小一面試不可包含計數、語文運用等內容，亦不能以考試的形式進行。但我們發現有學校涉嫌違反指引。教育局就表示，指引並無約束力，只會勸喻學校不要這樣做。

在排隊的每個人都是對手，想脫穎而出，小朋友除了要穿著醒目之餘，更可能要回答筆試的問題。其實學校這種做法可能已違反教育局指引。

指引訂明，面試時不可考課本知識，包括計數、常識、或者語文技能，形式亦不可是測驗或考試。相反，面試應圍繞兒童的日常生活，並要用母語發問，約見五分鐘已足夠。
不過，不少學校都無跟從規定，林林總總的面試班亦應運而生，他們綜合名牌小學的面試內容，教小朋友過關斬將。

除了口試，亦要做練習、中英文閱讀理解、重組句子、三組數字的加減。希望小朋友中英數常識、聽講讀寫樣樣皆精。

老師指這些班年年爆滿，小朋友幼稚園K2開始上課，一年訓練之後更有大型模擬面試，連家長也有課堂可上，實行一條龍服務。

但有專家指，五歲的小朋友剛開始發展推理能力，根本不適合處理這些問題。擔心近年的面試愈來愈深，造成惡性循環。

picture

Thanks for sharing .

I am in awe

samchan2179

原帖由 cutecutewing 於 13-06-22 發表
以下喺我以用家身份及用咗個幾鐘打出來的，我平時只會默默咁睇，好少會發帖，但有時真係好睇唔過啲唔係用家 ...

每個人想法不同，take it easy la

cutecutewing

我以為我出呢個post實俾人狂插，點知原來有咁多人認同和支持我

BravenBright

你講嘅嘢真係一針見血

bilibis

Totally agree, my gal is studying K3 in SC. Really satisfy its curriculum and what we most appreciate is the kids are trained up to be presentable. That's why I want my younger son to study in the same school as well.

kyramom

我真係好想阿仔入到SC....之前所看到的一切閒言閒語，對我來說是參考，但衡量過後，都不會動搖我對SC的盼望及信心

bearcat2003

我女SCK2剛開始教部首,仲要擴寫句子,小朋友都吸收得很好呀！