其實大家擔唔擔心小朋友無足夠休息？

kc_united

校車6：45上車，下車4：30。回家休息一會，然後開始做功課已經5點。功課又多又深。以往家長所講，都要做1-2小時。七點晚飯，洗澡，休息一會，功課都未溫，9點左右便要上床睡。究竟小朋友會否辛苦？如何好？

bb1225

我也有這樣的憂慮? 點算好?

Prettyabc

回復 bb1225 的帖子

我在大角咀都要6：40上車，我都擔心，所以想找褓母車

bb1225

回復 Prettyabc 的帖子

褓母車是否合法的? 有沒有包意外保險的? 我知道, 學校是沒有褓母車, 只有61座校車

Prettyabc

回復 bb1225 的帖子

我都唔清楚,其實最好就是座校車,起碼安全過褓母車.但校車又真是太早.

wowowmomo

唔好憂慮太多了,  小朋友的適應力很強的.  無錯開學時係會有少少辛苦, 不過他們好快會叫你早點同佢返學.....   講真上到任何一間小學, 小朋友的遊玩時間自然會少, 而德雅的功課量已經係好正常的了.   只要在開學時, 唔好俾佢地習慣hea住做功課, 平均1 小時左右一定完成的.   上到小學, 老師對小朋友的要求亦會高左, 唔會似幼稚園的照顧, 畢竟他們都要長大, 家長亦要慢慢學習放手了.   

july25

我個女都係6:40上校車, 佢6點起身, 夜晚9點-9點半瞓, 佢都好精神, 無問題喎!

Prettyabc

回復 july25 的帖子

我都希望是這樣。

bb1225

回復 july25 的帖子

真係要好好計劃一下開學時的時間表。如可以9：30前瞓到就最好。而家阿女每晚瞓都磨一輪先肯瞓。還有，我要返工，回家後，好似冇咩時間同阿女相處，佢就要上床瞓了！

july25

唔駛太胆心嘅, 小朋友適應力好強架, 只要習慣咗就無問題. 阿女上咗小學夜晚仲瞓得好咗. 我都要返工, 平日夜晚親子時間係比較少, 不過只要小朋友專心做功課, 2個鐘內應該可以做得完, 其他時間就可以俾佢自己活動, 你都可以同佢傾下計.

kc_united

原帖由 july25 於 13-06-21 發表
我個女都係6:40上校車, 佢6點起身, 夜晚9點-9點半瞓, 佢都好精神, 無問題喎!

請問下車時間？回家後，他們的timetable是如何？thx

bb1225

回復 july25 的帖子

你女兒現在幾年級？回家後，時間是如何安排？學校是否有功課堂？有老師教做功課嗎？所有學生都會參加功課堂嗎？學校給予的資訊不是太多，都不太清楚學校會怎樣安排，如功課堂，課外活動等。

july25

我個女依家小一   .如果放學之前嗰堂無活動就可以做功課. 逄星期五係課外活動堂, 一定要參加. 星期四有時要上成長課, 而星期一至三有自由參加嘅活動, 無參加就可以留喺課室做功課, 有老師睇住, 唔識可以問.

因為我要返工, 我個女放學直接去補習社做功課, 我6點幾接佢, 佢通常已經做晒, 默書都會溫埋. 返到屋企就沖涼食飯, 跟住都可以俾佢自由活動, 9點叫佢入房瞓.

july25

學校3點半放學, 我個女4點落校車.

bb1225

回復 july25 的帖子

謝謝你的回應。你女兒用了多少時間才能適應小一生活？小學與幼稚園好不同。真是有點擔心！還想問下，這個暑假要不要做些練習，讓她適應一下課程？

Prettyabc

回復 july25 的帖子

請問妳女女小一讀得開心嗎？英文是否很深，是否真的有留班。因已決定讀德雅，想知多啲。謝謝！

july25

bb1225 發表於 13-6-23 00:28
回復 july25 的帖子

謝謝你的回應。你女兒用了多少時間才能適應小一生活？小學與幼稚園好不同。真是有點擔 ...

唔駛客氣!  可能因為我女之前係讀全日制幼稚園, 上小一對佢唔係太大困難. 唯一要習慣做功課. 我建議可以喺暑假期間寫多D中文字, 因為老師對筆劃比較有要求, 寫少一點或者一個勾都會圈住, 要改正. 同埋可以買D練習俾佢習慣每日做功課.  英文佢地係用2年班嘅書, 不過唔駛担心, 頭一個月學校會用自制嘅worksheet同佢地打底, 只要專心上堂, 應該無問題架. 有時間就睇多D課外書啦.

Prettyabc

回復 july25 的帖子

是否真的有留班，我真有點擔心。

july25

Prettyabc 發表於 13-6-23 00:49
回復 july25 的帖子

請問妳女女小一讀得開心嗎？英文是否很深，是否真的有留班。因已決定讀德雅，想知多啲 ...

我個女讀得好開心, 日日返嚟都講佢同D同學仔玩D咩.

英文係用2年班嘅書, 不過學校有自制worksheet同佢地打底, 所以應該唔太大問題.  

校長係有講過中英數常其中一科唔合格要留班, 不過都會睇下個學生平時嘅表現. 不過我覺得佢地考試唔係好深, 有溫書就無問題.

Prettyabc

回復 july25 的帖子

多謝你的回覆。