每晚都失眠。

jikk160

這大半個月為左小女間學校，見了這麼多間，一間都沒有消息。日日都備受煎熬。排第一見的機會都不給我。排後那些就要看你是不是將他們學校排前面，唉，真的好難啊。不奢求熱門的校，想找間普通的學校都沒。

kookit

加油呀

QQee

不要太擔心。
跟教署指引,要七月二號後,學校才可自由填空缺。
耐心等多幾天。

karen55407

盡咗力都無辦法

ac917

做父母無論咩情形都要打不死，調整心態、勇於面對、永不放棄！

點算好

很難說的呢, 有些舊生, 1-1-1, 也沒有見面機會... 加油啊

Peg_Peg

原帖由 jikk160 於 13-06-21 發表
這大半個月為左小女間學校，見了這麼多間，一間都沒有消息。日日都備受煎熬。排第一見的機會都不給我。排後 ...

我同你一樣，我地有機會去晒面試又點，撞正亞囝肚疴又剛退燒，表現會有幾好，到宜家一個消息都無，見到小朋友那樣我心痛極了.
從派位後到現在，無日睡得好

sasa1034

樓主加油, 我都係咁既情況, 派到好尾, 要叩門的都見左9 成, 未有消息番~
相信自己的小朋友, 話唔定有幾個電話一齊來叫你揀呢~ KEEP SMILE

TLBaBa

我也跟你一樣, 只在苦等,  不過我們千萬不要把這些負面情緒影響到孩子, 要教導孩子們要學懂在不如意的時候, 自強不息, 發放正能量! 大家一齊加油~~

mookey

老土啲講句：天降大任於斯人，必先勞其筋骨……，我會正面啲看，這件事我地已經盡了力，結果係點我地又控制唔到，無計，派得好嘅，又不是讀得到，讀唔到，谷壞咗，對讀書失去興趣仲衰，派得唔好嘅，又唔駛灰心，可能你同你仔仔從此發奮圖強，喜歡讀書，將來仲會有好的成績，加油啦！你嘅努力，你仔仔知道的，會變成你仔仔讀書動力的。

cchoiying

jikk160 發表於 13-6-21 03:02
這大半個月為左小女間學校，見了這麼多間，一間都沒有消息。日日都備受煎熬。排第一見的機會都不給我。排後 ...

加油呀! 好明白你既心情.
我囡由上年呢個時候開始見直資/私校, 十間八間, 一間都唔收, 派位派得好差, 一家人努力咗足足一年, 結果令人失望, 1/6睇完結果呆咗一陣, 開始周圍去學校拍門問人仲收唔收後補位, 3/6半日樸8間學校交資料, 見咗4間, 有2間收, 2間仲等緊, 月底前會知結果...唔好灰心, 月底前仍有很多位放出來, 加油!

COE1205

樓主,唔好灰心, 我仔叩咗6間,結果只IN得2間,因為有D無得見,又有D撞期,連最有機會果間都係WAITING,已經打定輸數返去派位果間,重交埋果間學校果D回條同通告,點知尋日收到學校電話CALL WAITING,呢間重係我哋第一志願!加油!

MUMREDBB

原帖由 jikk160 於 13-06-21 發表
這大半個月為左小女間學校，見了這麼多間，一間都沒有消息。日日都備受煎熬。排第一見的機會都不給我。排後 ...

我地都一樣日日有得in就in,等消息就等！已經盡了很大的力氣了！

Haz-mama

唔好灰心!!  上年我都沮喪地呆等咗差不多1個月, 到7月初就收到通知; 有一間學校已過了收備取生日期, 我都照遞表, 到了7月中左右, 果間學校竟然call我去interview (最終我都冇去, 因為有學校收了), 所以, 天無絕人之路!!  努力, 加油!!!   

mookey

http://app4.rthk.hk/special/antistress/epi.php?eid=2

睇吓呢段片，睇吓幫唔幫到你？

mookey

你派咗去邊間學校？你想搵邊區學校？我有少少親身經歷，你寫私人訊息俾我，交流吓呀！

wongay123123

加油呀

edmone731

要相信每間學校也有品學兼優的學生。

siufa

這次叩門經歷真的很累, 身心也感無助, 始終都是要靠自己點諗。無人能完全明白, 結果也不能控制得到。申請了也未必有得in, 有些又撞期, 有些又未必in 得好, 循環地想了又想每一間的情境，自己答問題的表現，怎能睡得好，面對每一次帶來的打激，這兩星期真是非常難崖。

ferrari2007

完全體會到你嘅心情
雖然我未至於瞓唔著，但日日等電話都好煎熬！不過我已作最壞打算，所以都唔會比自己同小朋友太大壓力!
有就當bonus，隨遇而安，始終選擇權唔係喺自己手上。