K1認字

rainbowcov

我小朋友無係出面學認字，只是自己睇書，佢好鍾意睇，從中都學到好多字，依家拿起本書都識讀講東話同普通話了。

chanwendy

我細仔 k1, 我冇同佢認字, 字卡佢都係睇公仔先講到字, 我由得佢自己發展, 所以冇公仔下佢認得的字其實好少.  我覺得冇咩所謂, 去到 k2 真正寫字時, 寫得多就自然會記得架啦.  佢有時都會睇睇吓電視話見到某啲字, 因為係佢朋友仔個名的字.

loyung255

我仔都係k1 升k2 ，下學期己經寫字！佢依家學左認字一年，效果好好，最開心係佢會唸方法幫自己認字，呢個真係比認到字更加重要！

loyung255

佢係出面學圖像認字法, 學左差不多一年啦! 初時我都唔知點圖像化個字, 令佢記得, 直到有一次佢話比我知, 個老師點教佢我先知原來係咁樣圖像認字, 咁我有時又會教下佢, 我又唔識點樣圖像化喎, 結果我讀個音和講個意思出來, 佢就教我點樣圖像化, 令自己記得啦！

griffinma

我無出去學認字，學校上學期有派字咭，我同佢玩遊戲咁學，佢唔洗一個月學晒學校四十張字咭，但下學期無派，我改左同佢睇圖書時認字，由於仔仔好鍾意睇書，依家都識唔少字，但無統計過佢識幾多。中文字其實好難學，唯有慢慢來。

edpo

我就一路講故事書，一路用自製字卡教佢，閒時也會和他做下認字工作紙，都是自製的，我亞b剛三歲，從前他不喜歡看，我不會逼他，但到他一喜歡了，我就立即教他，果然學習速度很快

coffeekam

我個小朋友都學過圖像認字,k2開始學左差唔多一年，係識讀好多字，但係唔識解!仲發音不正都擔心佢學唔反個正音,後來轉左第二間學有教埋理解好好多。