靈糧堂課程，請前輩家長指教！

salsalee

想請教LLC K1課程如何？如...
1）學校每日上課流程
2）每星期有幾多功課
3）要睇幾多書
4）親子活動，如學校活動或school field trip
5）參加家長義工
6）教會活動
7）英普每星期得一堂，真係可以教啲乜？有冇教Phonics, 如有，用邊套?

謝謝分享！

bonnie_snake

邊間靈糧堂？

salsalee

香港靈糧堂

Allymcbun

我都想知

miss_carrie

我都想知, 請指教!

PigPig710

大女今年會係靈糧堂畢業, 細佬會跟住上K1, 好唔捨得, 老師, 校長同外藉老師都好好, K1無功課, 每日都係活動中學習新事物,我覺得佢地既反應比其他幼稚園既小朋友好, K1在學業上唔會有咩大突破, 但佢地一上K2學習上就會跟得好快, 由其中文認字, 英文始終靈糧唔係國際學校, 講得好既通常係家長自己安排出面有學同練習, 佢地會有好多分區遊戲, 老師會因應各種主題準備教材, 所有野都係用好多心機同時間做出黎, 出面好多學校都未必得! 阿女K3畢業啦, 雖然少功課, 我唔覺佢比其他學校既小朋友差, 反而我地家長都覺得佢地思考比出面其他小朋友好! 希望幫到你地~

Allymcbun

多謝您的意見

ddbjan

你個女去咗边間小學呀 知唔知考直資機會大嗎?叩門校長幫到手嗎? 校長幫唔幫家長寫信架?

salsalee

原帖由 PigPig710 於 13-06-18 發表
大女今年會係靈糧堂畢業, 細佬會跟住上K1, 好唔捨得, 老師, 校長同外藉老師都好好, K1無功課, 每日都係活動 ...

謝謝你的分享，睇得出學校很用心辦學。你大女去了那間小學？方便分享嗎？我相信好多家長都擔心升小問題，尤其佢本身冇小學back up，而課程亦偏淺，或用另一說法，比較活動教學，有些似行local IB style。小朋友能順利考上直資私小嗎？

yybee

上學校網業可睇到過去幾年派位情況

PigPig710

好幸運我女兒考上港大同學會小學, 我唔洗足一年大抽獎。在叩門時, 校長會可幫忙寫求位信, 但當然唔係你想要幾多封都得! 我們一班亦好幸運有4個入左st. joe, 2個入左華人, 亦在小朋友考到真道, 真光, 救恩等。學校在適當時間亦會安排小一家長分享會, 為準備要考小一既家長安排一些小學校長及已進入小一既家長回校講解及比意見, 基本上黎靈糧堂講講座既小學校長對靈糧堂既學生同校長都讚口不絕, 校長同老師為靈糧堂既付出係每一位家庭都可以感受到。祝福你們小朋友都能感受到靈糧對你們既愛!

salsalee

原帖由 PigPig710 於 13-06-21 發表
好幸運我女兒考上港大同學會小學, 我唔洗足一年大抽獎。在叩門時, 校長會可幫忙寫求位信, 但當然唔係你想要 ...

謝分享!

stephanie714

原帖由 panda1123 於 13-06-21 發表
回復 PigPig710 的帖子

你女女係大女定細女，我B將入K1，但校長再三提示細B應該重讀K1，我都十五十六，怕 ...

Agree!!

aggie_so

佢嘅課程又真係好好玩！

Rchanchan

老實講，我本來昨晚已想分享這一點。其實，整晚家長會，我同意90%的內容，只係這一點，我真是有保留。我先申報，我的小朋友是大b,所以我沒有這個煩惱。但同時，我是一個老師。在學校的知識課程，年頭和年尾其實無咩分別。但在體育就真係有分別，我不是說大細b, 而係大一年的，他平常課堂一定較同學好，但這樣就令他不想練習，因為覺得自己夠勁，但所有運動都是跟年份比賽。如果唔好彩，因成績而留班再大其他同學兩年，真係咩運動都無得玩。除非佢係超班馬。還有，心理方面，學校或多或少會問小朋友邊年出世，自己大身邊的一年，尤其女孩，加上早熟，真的會跟同學格格不入。所以，我有時係ek見有些家長已有幾好offer，但為了最好，而要小朋友重考一年，為什麼呢？如果係為一條龍，免你日後煩惱，我明白。但如果為了一條較好的起跑線，這樣做值得嗎？老師教小朋友，會叫佢跟做得好的同學學習，一個三歲的跟一個二歲的比較，三歲的當然較叻，但他自己可以學什麼？