我...可以點幫個仔...

HAPPY_YY

仔仔今年學期尾小一考慮 數學唔合格55 中文只有62...

我好唔開心...我離婚之後仔仔成續比之前差左...

我點幫佢好...小一重可以追到嗎...

我想佢重讀一年小一但又唔可以

我真係一個好失敗既媽媽

tjbb168

平日有無陪佢做功課, 數學邊方面比較差(應用題, 加減數), 至於中文就要多看書

HAPPY_YY

回復 tjbb168 的帖子

他是在補習社做功課同溫書的

中文我開始買漢字xx書比佢讀

數學2方便都差...


佢跟本無心向學咁 終日偷偷打機

HAPPY_YY

回復 HAPPY_YY 的帖子

手機係佢老豆買比佢, 佢終日偷偷玩手機

Charlotte_mom

數學要明，明完再做多d，做到通至叫無有怕。有人數感好。好易上手（例如我仔）。有人牛皮燈籠點極都吾明（例如我女）。真係要擺d時間睇下邊方面要加強。係吾明吾識，定文字出問題，定高階思維未得。最基本買d練習返去做，如果基本練習都攪吾掂，將課本教多次吧。吾明再做。數學好恐怖，個底一路疊上去，所以要清返個底先否則將來仲大件事。暑假加把勁啦

jojoplanet

HAPPY_YY 發表於 13-6-14 10:02
仔仔今年學期尾小一考慮 數學唔合格55 中文只有62...

我好唔開心...我離婚之後仔仔成續比之前差左...

我個仔數學都唔係好掂, 今次考試加咗比佢去操卷, 發覺減數/理解文字題/時鐘/錢幣慨念未係清楚晒....到考試前一晚減數同文字題好似己明晒....其餘有侍暑假再同佢温....

我發覺..佢地教完既野到做完功課, 要自己再比D EXERCISE佢地做MAKE SURE佢地係明晒...到考試先谷真係唔得.

winglongyan

我個仔,佢都係數學弱.我都唔知佢真係唔識彧識.同佢做練習時,一時ok.,一時就發夢.真係好想
今日考數學,我好好好驚佢唔合格,要補考.

好同意其他樓主所講,一定要打好個底.做多點針對練習及重整地做比佢地記憶深D.

Charlotte_mom

我個女一直數學都係徘徊合格邊緣, 真係想喊, 我發現佢講THEORY, 咩都識, 但用出黎就唔識, 好多補習班/學校老師都同我講, 真係要操熟, 熟到上腦至可以靈活運用, 否則只識做STRAIGHT FORWARD題目, 一炒埋一碟/轉少少彎就出事
例如之前考試有一題, 問正方型周界16, 如果邊長增加1/4, 新周界係幾多
我女當然無做啦, 返黎我問佢, 正方型周界16, 咁邊長呢, 佢即刻識答我4, 我問咁4增加1/4呢, 佢又即刻答我5, 我又問咁新周界呢, 佢答我20
即係佢咩都識, 但唔夠熟, 個腦轉唔到就KICK實左, 有時小朋友係咁, 識晒BASIC野, 但唔知幾時用D咩去搵答案, 呢D就係要靠平時做得多, 同多D拆題目去練返黎
而家上左中一, 學校操得多, 我個女數學都FIT左, 由以前補底位變成而家中游位置
樓主要同小朋友傾傾, 改變"做完功課就收書包"呢種心態, 日日做D, 今年做得唔夠叻, 出年可以輕鬆追上呀, 唔好怪小朋友, 數感唔夠好佢都唔想(對左我女咁多年我絕對明), 更唔好怪自己, 愎愎黎啦, 再唔係, 早D搵定出年本書, 暑期先備下課

HAPPY_YY

謝謝各位

kamakama

放心！小一一定有得追，數學做得多亦會有進步，
最緊要多啲鼓励佢，等佢有信心

SCKnight

打機唔係唔好，不過如果小朋友專注力唔夠同較易沈迷電話遊戲，咁就要同小朋友傾傾。

仔仔錫錫你

趁暑假拱固學識當然重要，但記得要抽多點時間陪小孩，有助提升小孩自我價值及自信，有自信就算做錯都比人型。

父母離婚，對小孩成績當然有影響。各下要搵食，小孩又沒有可信賴的成人教導，成績又會再打折扣。試下整個時間表比佢，良好的生活規律，有助提升學習態度及專注力，等佢知道媽媽不是只要他讀書做練習再讀書，玩是沒問題的，但要按表而做。我每天都set 4:30可看約1小時電視，未做完功課都要放下，我要他先看電視。攪攪下佢會爭取時間，在廣告時做幾題數，做做下直情唔睇專心做功課。

打機就……………… 我容許小孩每日打約30mins,考試亦可，可能成日有得玩，知道一定有得玩反而唔會心掛掛，最近考試佢話唔打想專心温習。記住水能載舟亦能覆舟，控制得好， 砒霜都变聖药。

hugub

我囡小一數學得67分, 小二開始比佢去數研,上學期考72分,下學期評估有86分,剛星期四考完試雖未派卷但昨天老師叫佢返屋企錫啖媽咪,我唸應該考得唔錯

Mrs_CoolChing

除左本身學習問題，仲有好多野可以導致佢無心向學，佢可能覺得家人既關系有所改變，你仲送去補習班，同班裡其他小朋友相比下，令佢覺得失去了家人既關心支持，所以我覺得你應該暫停補習班，多d由你自己幫佢親身跟進學習，如果你真係要番工無時間或者無從入手，我覺得請私人補習好d，起碼單對單，佢可以跟貼d，如果仔女同個私人補習老師建立了信任，個補習老師有時都可以情緒疏導你個仔tim(有時我個女既祕密都係由個miss講番我聽)mouth:" />，每個媽媽都會有咁既時期，我都有，唔使覺得失敗

MrBeast

試下以生活化和從他興趣入手，我覺得如自己時間和情緒ok(因教極都唔識係好易失控的），自己教會好d（因為父母是最清楚自己孩子的）。

但我覺得你家situation唔多唔少都有d影響，或者找社工傾下，如你能將孩子放在第一位，我想信一定會好轉的(note 我是說孩子不是成績）。

ocean308

你真係要收埋手機,電腦,電視亦好易沉迷.也易近視.
小兒小一做功課左行行,右企企.每天做到很夜
現在我一切電玩全部關掉.
他做功課快了和專心很多.

ocean308

明天是父親節
你可以代你仔寫一張卡
說不要手機了.送我一個足球,伴我踢己可以.
不要把壓力推向自己.
加油.

hadwinboy

你仔仔可能是情緒影響成績。父母離異他有機會有給人遺棄的感覺而放棄自己，或許用打機去逃避，因為他不懂表達及處理自己的唔開心情緒。嘗試多與他傾計，陪伴他，告知他爸媽仍是他的爸媽。成績不好只是一時三刻，心理陰霾影響長遠。要及時處理。

CALVEN

我覺得你接返大仔同你住,自己慢慢會教好d.