小一派位(純個人意見，不喜勿插)

柏禧BB

見到好多家長話個制度唔公平,有啲野想講,純粹個人意見，不喜勿插
世襲制:原意係兄弟姊妹能互相照顧，家長不用頻撲,當然獨生子女嘅家庭會覺得唔公平
宗教分:係招收相同信仰，個人自由,信不信由你
統一派位:大抽獎係因為教育局覺得所有小朋友都係平等，所有小朋友都有機會入讀心儀學校……抽獎抽獎當然有人中有人唔中
我小朋友係獨子，冇信仰，個人覺得小朋友開心最重要，入到名校又如何，跟得上就好,跟唔上又如何？見到有家長喺小朋友讀幼稚園就谷呢樣谷個樣，我就覺得冇晒童真，我個仔升k3暑假前冇學任何野,一到星期六日就去玩,冇壓力，又鍾意返學,升k3果個暑假因為返工冇時間同佢周圍玩,同佢去YMCA報班,每個班同佢講有咩玩,佢OK我先去報,結果佢去玩Lego,magic同畫畫，都係去玩多，冇證書,俾佢阿嫲話我嘥錢,我同佢講玩得開心就好
統一結果出之前我不停同阿爺阿嫲洗腦,同佢地講派去邊就去邊度讀啦,入到出名但讀得唔好阿B又唔開心，間間學校都差唔多
我冇準備任何野去叩門，見到好多家長好擔心，所以如果能夠解答到問題(例如點計分)我都會去分享下
最後想講,我雖然冇谷個仔,但私底下真係做好多功課睇下個仔啱讀乜野,唉！做人父母甚艱難！！

l_wingwing

樓主我絕對同意!

h2013

原帖由 柏禧BB 於 13-06-11 發表
見到好多家長話個制度唔公平,有啲野想講,純粹個人意見，不喜勿插
世襲制:原意係兄弟姊妹能互相照顧 ...

係呢個世俗，有幾多人可以做到和尚，不過我認同樓主的說法。

h2013

原帖由 longyiu 於 13-06-11 發表
甘你個仔派左邊間？

派邊已經不重要，文章重點你看不清嗎？

Cass_0114

柏禧BB 發表於 13-6-11 10:47
見到好多家長話個制度唔公平,有啲野想講,純粹個人意見，不喜勿插
世襲制:原意係兄弟姊妹能互相照顧 ...

認中樓主說法.

世襲制:原意係兄弟姊妹能互相照顧 ..., 但仍有很多家長去叩門, 為何當要選這校入讀, 真的不明白這些家長心態

bb女女

agree講法

spmok1999

我有d朋友派位前話統一派位派到到邊間就讀邊間, 咩叩門準備都冇做...
到o左有派位結果, 結果派得唔好咪又係等都等唔切去叩門...

taktakchichi

h2013 發表於 13-6-11 10:56
派邊已經不重要，文章重點你看不清嗎？

問樓主派邊, 派第幾志願, 係想瞭解樓主到底依家邊一種心態才可以說這番話.

waiman0614

同意一樣既諗法   我好D 自選已收 果間學校呀仔自己話要讀  自選時得十個人簡既學校

happy_lavender

大致上同意樓主的睇法，但有一種情況，我會考慮唔讀獲派的學校 - 就是有足夠表面證據和理由相信該校在6年內會被殺校！我在小學時曾轉校，足足有半年不開心！以自己的經驗，轉校對小朋友來說絕對並非好事。

yymouse313

互勉之

alyk

世襲制好多人覺得唔公平, 但我地應該用人道的心去接受, 雖然依家大部份的家庭都係1~2個小孩, 但還是有些家庭有3~4個小孩, 如果只靠派位; 可能分開唔同學校, 做父母真係得閒死唔得閒病.

眼見身邊朋輩, 經濟力一般的, 有些真係3~4個, 返而有能力的家庭只生一個.

smile108

回復 柏禧BB 的帖子


同意同意!

ah-ho

我同意兄妹之間既世襲制，不過就反對父母係舊生就有分加。

Mukchilee

ah-ho 發表於 13-6-11 11:40
我同意兄妹之間既世襲制，不過就反對父母係舊生就有分加。

十萬個同意, 父母當年嗰代D校長老師可能已經改朝換代左N次, 分分鐘連校舍都搬埋. 父母仲有咩關???

柏禧BB

我個仔好彩抽到乙一,但其實我本身唔係呢個網長大,間間學校都唔熟,靠上網睇資料加上長輩意見幫佢填,個網得8間小學,放榜前我真係不只一次同佢阿爺阿嫲講:就算派去鮮魚行都好,到時阿B都可以學到野，分分鐘仲會聽話d!本身冇準備任何野去叩門，註冊時見到叩門果啲準備好充足，成個file交去,如果係我叩門可能得申請表？！其實我真係信一樣野:所有小朋友都應該享受應有嘅童年生活

柏禧BB

其實派咗去乙一我反而開始緊張，怕個仔跟唔上

柏禧BB

我真係冇諗過會有殺校呢個情況升中選校時都要小心,多謝你的提醒

柏禧BB

我又真係冇準備，因為我真心覺得網內學校唔差,冇一種好強烈話派到某間一定唔讀嘅感覺，所以我成日都話好彩住喺呢個網,如果住其他網,我絕對唔排除會去叩門