請問大家俾d意見? 係米有發展問題?

snoopy333

我有對孖b現時21個月, 佢地兩個都係好慢熱既人, 想講佢地既問題出黎俾大家知睇下有冇人知咩事.

囡囡:
講話方面: 識講單字約十組

認知方面: 識認形狀, 顏色, 動物(十多種)

小肌肉: 識串珠仔

大肌肉: 一般公園既野都玩

社交: 見到陌生人叫佢揮手會做, 同熟人玩冇問題. 但一去到其他陌生方面就勁喊 (就算去到playroom (未去過) 都勁喊唔願意玩), 同佢上左2個月 playgroup, 佢在堂上不時唔聽老師指令, 例如只係俾個公仔佢玩下換衫, 一見就喊但在家就好喜歡個公仔. 一叫佢出去做野不時喊哂唔做. 在playgroup 內有d訓練大肌肉既野唔玩. 同d同學冇咩交流. 有時去新既playroom要warn up成個鐘先願玩但其他小朋友一去到就玩.

性格: 唔算經常扭計, 有耐性睇書, 有時幾痴身

自理: 識自己食飯, 未戎片


囝囝:
講話方面: 未識講

認知方面: 只識入形狀箱, 但叫佢指出黎就成日錯, 唔識認顏色, 動物. 但就認得家中家具 (如雪櫃, 地拖…等). 但叫佢做野就只係一時時明白.

小肌肉: 有時串到幾粒珠仔, 但好多時一串唔到就發脾氣唔玩

大肌肉: 在公園玩滑梯, 搖搖板, 平衡木. 唔玩打千秋, 一上個千秋就勁喊.

社交: 見到陌生人叫佢揮手一時時會做, 同熟人玩冇問題. 但一去到其他陌生方面就勁喊 (就算去到playroom (未去過) 都勁喊唔願意玩), 同佢上左3個月 playgroup, 佢在堂上不時唔聽老師指令, 例如只係俾個公仔佢玩下換衫, 一見就喊但在家就好喜歡個公仔. 但叫佢出去做野都算初時合作, 不過有時要逼先做. 在playgroup 內有d訓練大肌肉既野只玩佢玩開既, 新既唔玩.. 同d同學冇咩交流. 去新既playroom要warn up半個鐘先願玩.

性格: 經常扭計, 冇耐性睇書, 有時玩玩具都冇耐性, 一唔識玩就掉野同發脾氣. 可以話一唔順佢意就發脾氣.

自理: 識自己食飯, 除鞋, 未戎片


因為就黎要in k1面試, 佢地勁慢熱都好難有好學校收. 想知佢地係米有咩問題.

shuna

你仔仔問題大好多， 平時 有冇發聲? 用手勢表達?可考慮去參加協康會playgroup 比治療師了解下， 比d comments 是否有發展遲緩或自閉症

shuna

另外，請留意子女與其他人的眼神接觸是否弱，可唔可以表達或理解少少情感例如:唔開心，驚，痛

snoopy333

shuna 發表於 13-6-5 18:58
你仔仔問題大好多， 平時 有冇發聲? 用手勢表達?可考慮去參加協康會playgroup 比治療師了解下， 比d commen ...

囝囝平時只有d bb話 (如 打打). 佢好少用手勢表達想要d咩, 但我地大人食飯時佢會不斷點頭以示佢想食 (我之前教佢的要食就點頭).

我有俾孖b參加協康會playgroup, 老師話佢地欠缺自信, 其他野就冇講.去協康會幫囝囝做初步評估話佢要多d訓練, 到兩歲後再做評估.

眼神接觸方面就囡囡比較多, 囝囝比較自我少d睇人. 但又不至於好弱.

snoopy333

我睇呢度其他mama d post 後有d覺得似感統失調, 有冇人可以分亨下?

shuna

你參加協康邊個playgroup? 如果係職業治療師帶，佢應該可以直接話比你知佢地有冇感覺統合問題，就算係物理治療師帶都可以比都肯定的comments. 你可以再問清楚

hindip

原帖由 snoopy333 於 13-06-05 發表
我有對孖b現時21個月, 佢地兩個都係好慢熱既人, 想講佢地既問題出黎俾大家知睇下有冇人知咩事.

囡囡:

可能與感覺统合失調有關: 以下的廣 東話版動畫可以幫你了解一D ： https://www.youtube.com/watch? v=UDjKKsEvGC46&feature=youtub e_gdata_player


另外 6月15日 www.fuhong.org/hdc 有講座關於 自閉症，你亦可報名聽下知多 D。