7月16號的Pre S 1即分班試 在那裡 考 ?

TracyC

是否 全港  升上中一學生 都要考 ?

小妮子

分班試會在你派到的中學考.....唔知係唔係全港,定係直資唔使....

jk67jk

今年, 由各中學自決, 不是一定要考。

但傳聞都好多中學會考, 因為順便攞個成績分班。
程度高的中學, 就可能由學校自訂分班試試卷, 題目要深D先分到學生程度。

YC

應該今年考TSA, 無PRE S1, 因為舊年教育局決定一年PRE S1, 一年TSA俾六年級考, 舊年我仔考左PRE S1, 今年應該唔駛。

www

YC 發表於 13-6-5 11:00
應該今年考TSA, 無PRE S1, 因為舊年教育局決定一年PRE S1, 一年TSA俾六年級考, 舊年我仔考左PRE S1, 今年應 ...

雖然今年 Pre-S1 是optional, 但很多中學會考。

YC

SORRY 咁可能我誤會了, 因為我仔舊年無考TSA, 只考PRE S1。咁D小朋友咪好辛苦? 政府D野真係做D唔做D, 應該強制隔年考。

www

YC 發表於 13-6-5 11:08
SORRY 咁可能我誤會了, 因為我仔舊年無考TSA, 只考PRE S1。咁D小朋友咪好辛苦? 政府D野真係做D唔做D, 應該強制隔年考。 ...

舊年TSA是optional, 但亦有不少小學會考。

pooh仔

hehe, 上年小6生(即今年中一生)， 好好運免疫兩次TSA(P3 & P6)。

最好運的龍仔龍女

www

pooh仔 發表於 13-6-5 12:15
hehe, 上年小6生(即今年中一生)， 好好運免疫兩次TSA(P3 & P6)。
最好運的龍仔龍女

好好運？咪講笑啦。龍仔龍女升小升中都係特別困難。

舊年的TSA不是強制，但很多小學都有考。

www

Charlotte_mom 發表於 13-6-5 13:58
我女舊年升直資都要考, 唔知做咩鬼仲考多另一日, 只考中文(佢話政府考不過係抽樣/自願搵人考) ...

要抽籤抽中才可以考多一日。你女兒真幸運！

ohnono

YC 發表於 13-6-5 11:08
SORRY 咁可能我誤會了, 因為我仔舊年無考TSA, 只考PRE S1。咁D小朋友咪好辛苦? 政府D野真係做D唔做D, 應該 ...

PreS1因為有不同的原因，包括可用作分班、瞭解同學在全港一齊考的試題時，同學最後的成績會是怎樣...等等，所以中學都係傾向年年考。

但TSA話隔年考，但真實有幾多學校夠膽真係隔年考！學校緊張TSA多過PreS1的，TSA就係讓教局作一個評核，比學校知道自己學校每年的狀況，是進步還是退步，教學方式要改善的有沒有改善，最終同學的成績有沒有提升。如果是退步的，又要隔年才考的話，請準備一個好好的解釋，等著第二年看教局官員的嘴臉吧！

bakusensei

ohnono 發表於 13-6-5 14:38
PreS1因為有不同的原因，包括可用作分班、瞭解同學在全港一齊考的試題時，同學最後的成績會是怎樣...等等， ...

According to HKEAA's memo (http://www.bca.hkeaa.edu.hk/web/TSA/zh/pdf/EDBCM12065C.pdf),"根據二零零零年教育統籌委員會發表的《香港教育制度改革建議》文件， 全港性系統評估是為了協助學校及政府了解
學生在不同學習階段完結時中、英、數三科的基本能力水平，並根據所得資料， 回饋校本學與教規畫和改善教育政策。政府委託香港考試及評核局( 考評局) 施行有關評估。系統評估已於二零零四年、二零零五年及二零零六年分別在小三、小六及中三級推行，其後便按年施行( 除了小六級的全港性系統評估會於2 0 1 2 年及2 0 1 4 年暫停) 。

Yet, based on the report for the 2012 TSA (http://www.bca.hkeaa.edu.hk/web/TSA/zh/2012tsaReport/chi/Ch3_TSA2012C.pdf), "全港共有515所小學參加小三級、51 所小學自願參加小六級及455 所中學參加中三級的紙筆評估"

For your reference, please.

憫父

照計好多學校應該會重視 TSA，因為透過 TSA 結果可以與全港學生作比較，知己知彼，從而估計自己學生響 PRE-S1 或 DSE 的成績，有問題的話，可以預早做補救。

始終 PRE-S1 同 DSE 成績會影響學校生存空間。所以我覺得大部份學校應該好緊張 TSA，就算唔係強制都會考，以便透過 TSA 結果檢視自己學校 GE 教學策略是否有效。

PRE-S1 係隔年考，只會隔年影響小學派位，照計小學唔會年年都咁緊張 PRE-S1，中學應該會緊張 PRE-S1 多 D。

PRE-S1 對中學應該年年都咁重要，可以從中知道中一新生，響中、英、數三科，同全港學生作比較，從而知道所收既學生既情況，及早作應對，包括分強、中、弱班，分組教學等。

始終學生人數有下降趨勢，BAND 1 中學擔心收多左 BAND 2 生，BAND 2 中學擔心收多左 BAND 3 生，BAND 3 中學擔心收唔夠生要殺校，照計今日既學校會比早二、三十年前積極左。PRE-S1 對中學黎講係可以用黎早 D 知新生既質素，照計多數中學會傾向考 PRE-S1，及早作應對，為將來考 DSE 作準備。

對中學黎講，TSA 可以用黎做中期檢討，睇學校既教學成效，如何 TSA 成績每年都進步，表示學校既政策有成效，如果退步，就可以早 D 補鑊，唔駛到該批學生考 DSE 先知出事。

ohnono

bakusensei 發表於 13-6-5 14:48
According to HKEAA's memo (http://www.bca.hkeaa.edu.hk/web/TSA/zh/pdf/EDBCM12065C.pdf),"根據二零零 ...

由頭到尾我都話這個是教局的糖衣毒藥。只能瞞了不知就裡的人。

ohnono

憫父 發表於 13-6-5 15:49
照計好多學校應該會重視 TSA，因為透過 TSA 結果可以與全港學生作比較，知己知彼，從而估計自己學生響 PRE- ...

我只是覺得TSA是對中小學極之重要，而PreS1是對中學、學生和小學同樣重要。TSA就是教局整治學校中，堪稱手上的皇牌，老師最怕的就是這樣官僚的皇牌。有乜野唔合這班官員的心水，你就好受了！所以學校對於TSA的態度有甚於其他，老師緊張程度超乎想像。

憫父

回復 ohnono 的帖子

我也聽聞有些中學會響中三時，花許多時間操 TSA 題目，又會做模擬考試，摧谷成績。一來可以滿足班官員，二來可以滿足校董會及辦學團體，考得好的話，校長有 FACE，又唔駛畀校監照肺。

rhinegarden

回復 ohnono 的帖子

怪不得昨天阿仔學校模擬TSA, 有二個學生亂做好低分, 比校長單獨召見訓話。

憫父

rhinegarden 發表於 13-6-5 16:17
回復 ohnono 的帖子

怪不得昨天阿仔學校模擬TSA, 有二個學生亂做好低分, 比校長單獨召見訓話。

我聽聞有學校由上學期開始，每星期放學後，分三日補中、英、數三科，有模擬試，考 TSA 前一天響 HALL 向學生講考 TSA 攻略，就係為左要整靚 TSA 既結果。

做得模擬試就係為左操練，為左有好成績，竟然有二個個生亂做，對學校黎講簡直係大罪。TSA 似乎變左粉飾工程，多過係來黎評估教學成效，從而協助學校改進。