今日剛到派位信，派去粉嶺祥華幼兒中心(S位）！

mavishihi

今日剛到派位信，派去粉嶺祥華幼兒中心(S位）。請問有無過來人分享下？

wmlmama

回復 mavishihi 的帖子

小兒讀3年,今年畢業,中心老師一般,治療師物理馬姑娘好好,其餘普通,要靠自己努力教.

mavishihi

多謝回覆！因我仔9月會讀區內普通幼稚園K1（而家讀緊N1），而我又啱啱轉咗做全職媽媽，仲諗緊放唔放棄S位讀普通幼稚園再加其他私人訓練。可以俾多少少意見嗎？

wmlmama

我勸你唔好讀祥華,我兒都係靠星期一至五夜晚上門2小時ABA的訓練.

Vichang

原帖由 mavishihi 於 13-06-03 發表
今日剛到派位信，派去粉嶺祥華幼兒中心(S位）。請問有無過來人分享下？



  ...

請問你排左幾耐？幾時開始排架？

Vichang

原帖由 wmlmama 於 13-06-04 發表
我勸你唔好讀祥華,我兒都係靠星期一至五夜晚上門2小時ABA的訓練.

Oh 我仲諗住誇區排呢間添。

mavishihi

排左14個月！我係選北區为為第一志願！早知一早選上水協康！

mavishihi

原帖由 wmlmama 於 13-06-04 發表
我勸你唔好讀祥華,我兒都係靠星期一至五夜晚上門2小時ABA的訓練.

哩間真係咁差？可唔可以講吓中心嘅上堂流程同返学時間？師資咁差嘅話我唯有讀返普通幼稚園！

Vichang

原帖由 mavishihi 於 13-06-04 發表
排左14個月！我係選北區为為第一志願！早知一早選上水協康！

算快喎！我之前上過呢一間機構的言語小組，姚姑娘又幾好，唔知佢係咪喺度教呢！上水協康條隊都耐喎！

wmlmama

言語治療係羅姑娘,呢間中心對叻學生會有心教,差及弱等於放棄甘.中心又太多內地兒童,接近7成.香港人好少,感覺不太好,呢兩年走左好多有經驗的老師,係至命傷

wmlmama

我又唔敢講呢間中心好差,只係好普通而已,若孩子弱的話.真的要靠自己努力教,靠中心老師,治療師死硬.不過梁主任好好,何老師,曾老師,鄧老師,香老師都好好,8個老師有4個好好.都算係甘,仲有照顧孩子好細心,三餐請嬸嬸煮,食物好味道,阿仔好鍾意食.你可以諗清楚,想中心幫你教兒子自理係可以,但其他,如言語,認知,要靠你自己了,

sauyiu

樓主既然轉做全職媽媽, 應該S位仲好啦, 襯小朋友仲細就密集訓練, 如果佢有能力讀返普通幼稚園先轉返出黎啦, 要把握黃金學習期呀!

Vichang

原帖由 wmlmama 於 13-06-04 發表
我又唔敢講呢間中心好差,只係好普通而已,若孩子弱的話.真的要靠自己努力教,靠中心老師,治療師死硬.不過梁主 ...

請問有冇一位姓馮的老師？

tobytoby

姓馮的老師已離開全職, 不過有返星期六個D訓練班.

babycat9001

仔仔現在讀梗N1,排左S位已經一年但未有通知,我帶小先去幾間名校IN N1(全日),不過當然冇講係A仔啦!全部都肯收我個仔,現在尚未通知我有S位,都要讀住N1先...到有位通知我時,我都九乘唔比個仔讀S位...個仔唔係太差既,有邊個呀媽想比個仔讀特殊學校S位?

Vichang

原帖由 tobytoby 於 13-06-13 發表
姓馮的老師已離開全職, 不過有返星期六個D訓練班.

謝謝。已接觸過佢，較cool 但係感覺上是位有經驗同醒目的miss.

BKVIP

原帖由 babycat9001 於 13-06-16 發表
本帖最後由 babycat9001 於 13-6-16 18:53 編輯

仔仔現在讀梗N1,排左S位已經一年但未有通知,我帶小先去 ...

我諗我係你所講嘅另類家長，我兒當初唔太差，但我放佢入s ，2個月後班主任話可出主流，但我都俾仔讀左一年先出主流i位。 如今嘅佢無人睇得出佢係a，連中心社工姑娘都話唔講唔知佢a。

所以其實要睇家長點睇s位，佢俾到咩小朋友同有咩俾唔到。

Vichang

原帖由 BKVIP 於 13-06-18 發表
我諗我係你所講嘅另類家長，我兒當初唔太差，但我放佢入s ，2個月後班主任話可出主流，但我都俾仔讀左一年 ...

勇敢的媽媽。            我而家都係放棄了主流幼兒園，打算繼續協康私人s位先，不過我好朋友唔明，仲以為我太擔心仔仔到傻左。我個仔而家得兩歲，有咩唔妥早d 搞好d.

tobytoby

BKVIP 發表於 13-6-18 17:23
我諗我係你所講嘅另類家長，我兒當初唔太差，但我放佢入s ，2個月後班主任話可出主流，但我都俾仔讀左一年 ...

我同BKVIP一樣, 都係你所講另類家長, 可能你永遠都覺得小朋友可以唔駛讀呢類學校, 佢唔係好SERIOUS, 讀番主流都唔會有問題, 但是要明白小朋友黃金期是2-6YEARS OLD, 過左呢D時間, 想幫佢時便會事倍功X....

當然, PARENTS 自己心理關口都好緊要.

mimiandbaby

其實我明白家長對自己小朋友去讀一間從未接觸過既中心, 一定有好多憂慮. 但如果只係聽某幾位家長既一面之詞而去作決定或者已否定某間中心... 我覺得對間中心黎講太唔公平.

我事先聲明我唔係呢間中心既職員. 我只係一個做過S位既治療師, 而家已經係一個全職媽媽, 小女2歲. 我聽過呢間中心既名只因為我有朋友個仔入過去讀, 讀左一年之後中心見佢能力OK就建議轉返出去讀K3然後升小學. 不過我想講既唔係話呢間中心叻, 而係我好深信, 做得呢行既老師、治療師、社工, 定姐姐都好, 一定係有心做好件事, 對小朋友有愛心先會做特殊學前教育.

我以前做S位時, 對過唔少家長. 有D家長好明白自己小朋友既需要同能力. 但有D就相反, 一係事事不理, 返屋企連功課都懶做, 一係就高估左小朋友既能力, 認為佢乜都識. 其實要家長既期望同中心既目標一致先可以事半公倍. 如果家長既期望過高, 而小朋友既進展的確係慢, 好可能就覺得中心無盡力. 相反, 家長一直認為自己個仔係無用(尤其肢體傷殘既仔), 唔配合訓練, 咁中心做多多事都係徒然.

另外, 其實不論有冇特殊需要既小朋友, 家長在家既訓練係不可缺少既. 雖然中心有齊3個治療師, 老師既人手比例比出面既低. 但如果無左家長既訓練去持續鞏固學到既技巧同知識, 小朋友既黃金時期一樣又溜走... 所以, 家長都要盡一點責任, 千其不要只依賴中心的訓練就認為足夠. (我而家都不時提醒自己, 教好我個女最大責任既係我^^)

我自己曾經身在其中, 先會明白一間中心, 全部既同事係用左多時間, 心血同心機去教導班小朋友, 建立好既形象, 令家長放心放自己既小朋友係度讀書. 如果真係因為咁而否定某間中心. 我真係覺得好可惜好心疼. 只有自己親身接觸過, 感受過既先係對自己做既決定有交代

希望各位家長努力啦. 共勉之 ^^