Help 去美國定英國升較好????

Catherine1107

小女現就讀中四，她係香港想完成中五課程後便出國升學(即2014年)，由於2個國家都無親戚，所以都唔知點好，大家可否幫忙比D意見呀!謝謝!!!

Ding

原帖由 Catherine1107 於 13-06-01 發表
小女現就讀中四，她係香港想完成中五課程後便出國升學(即2014年)，由於2個國家都無親戚，所以都唔知點好， ...

我當初只考慮澳洲或英國，美國我唔會諗，因為感覺上美國學生太自由，又多槍擊事件，最後去英國傳統學校，以上只係個人意見

noel2010

英國安全性較高，治安，交通配套及教育模式應比美國較好。除非心儀一些美國頂級學府及某學科。英國畢業普遍亦較受香港僱主應同。

elbar

Catherine1107 發表於 13-6-1 11:45
小女現就讀中四，她係香港想完成中五課程後便出國升學(即2014年)，由於2個國家都無親戚，所以都唔知點好， ...

或試申請一些英國名中學如 St Paul's Girls , Westminster 等

Chole

專業課程 prefer 英國 (回港執業易d)，business 我prefer 美國多d (除咗Virgin 老闆，個人覺得英國人做生意麻麻地)。

Catherine1107

多謝大家的意見，因囡囡佢自己目標想考一些較top既大家，有人話去美國既話可以係香港完成中五便可入美國一些學院，然後可便可直接入大學，不用考公開試。而且美國較多top既大學，但都認同英國較安全及學生較乖，所以都唔知點揀

acdad

回復 Catherine1107 的帖子

而家要讀埋中六拎埋張中學畢業証書才可以入美國的社區學院，除非夠18歲。

missk28

回復 acdad 的帖子

昨天去教育展，Agent話有啲CC收中五17歳。

acdad

回復 missk28 的帖子

有無講边間cc? 据知好似華盛頓有間但都要先修一個High school completion program,換言之而家中五並唔可以當High school completion.

missk28

回復 acdad 的帖子

我先後check過3間Agent, 資料如下：
Agent 1 - 完成中五17歲可入CC (位於Seattle)Agent 2 - 16歲可入CC （另一間位於Seattle)

Agent 3 - 18歳才收。但如果𢦓績好16歲可以申請，但成績要好好嗰種（又是位於Seattle)

但三間Agent都冇提及High education program...是什麼來的？請問喺邊度讀？讀幾耐呢？

Thanks

alee810

回復 missk28 的帖子

我都有查過關於美國"High School Completion Program" , 只有華盛頓州 CC 才收未完成中學課程的學生 (香港中五學生可申請, 小女同班同學九月會出發, 所以資料應該正確), 你可次參考以下其中兩間CC的官方網站:
http://hs.highline.edu/apply.php
http://www.greenriver.edu/academics/pre-college-and-basic-skills/high-school-completion.htm

missk28

回復 alee810 的帖子

噢原來如此！當時兩間CC代表都冇提及呢點，多謝你們的資料。我哋仍未決定考唔考DSE好，考咗又未必有大學收，不如早一兩年過去讀CC。但唔考第時嘅CV有冇影響呢。大家可分享下嗎？

HIHinsurance

英國, 香港教育制度仲是英制的影子

alee810

回復 missk28 的帖子

本來我都係打算考完DSE先送阿女去加州讀CC, 但係越來越覺得香港教育制度好有問題, 因此決定今年送阿女去英國讀A-Level, 小女年頭考左IELTS, 成績OK, 所以唔想留港浪費時間, 中文科又令女兒十分困擾, 自信心受到極大打擊, 另外,通識科IES 亦佔用太多學習/休息時間, 所有假期用來補課, 香港中學生比上班族更辛苦, 壓力好大. 雖然話送阿女出國讀書, 但有逃避現實感覺

Ding

原帖由 alee810 於 13-06-06 發表
回復 missk28 的帖子

本來我都係打算考完DSE先送阿女去加州讀CC, 但係越來越覺得香港教育制度好有問題, 因 ...

都唔係逃避，本來我無打算送個仔去英國，但上年開學後發覺香港教育制度好大問題，師資也差了，老師們只關心成績，每日功課起碼都有7份，隔日默書，放學也要補課，連星期六都一樣要返！因為要谷成績考TSA！個小朋友跟本無空閒時間去玩。所以辛苦D決定送佢去英國！

missk28

回復 alee810 的帖子

alee810 & Ding
恭喜兩位做了決定。我衣加十五十六唔知點好！唔係逃避嘅，只係想搵條啱子女的路線而行。請問兩位子女係咪完成中五才去英國？一兩年後又要考A level, 壓力唔大嗎？

Ding

原帖由 missk28 於 13-06-07 發表
回復 alee810 的帖子

alee810 & Ding

我個仔去讀yr7

alee810

回復 missk28 的帖子

小女今年中五, 九月到英國讀A-Level, 壓力一定有, 不過相信比留港考DSE信心大啲, 希望阿女珍惜呢個機會啦

jasonmom

小兒在香港讀完中四就去UK  "A Levels",  因為以佢d 成绩難以在港上心仪大學..

missk28

多謝大家分享！如果比呀仔揀，佢都想早啲出去讀書唔洗再對住中文。但上US high school怕佢冇人管束易學壞。頭痛！