資優兒又令你好煩惱的請進-打打氣

melonfans

moonychan 發表於 13-5-28 13:55
覺得好似好無助. 仔仔明明不是頑童, 但在校被 LABEL 了.

好痛苦. 現小二. 小一情況更差, 現小二已經進步不 ...

你叫佢轉堂時, 咁得閒做埋功課先返屋企.  你話如果佢真係識哂, 返屋企讀哂書畀你聽, 就可以放學去玩!

我嗰時日日放學去游水, 去興趣班. 畫畫, 學琴, 打波...........所以 讀書時期最開心!

佢上堂無細藝, 係咁 la!  玩呢樣, 玩嗰樣! 我仔出去上英文, 個miss只用white board 教書, 小朋友無聊咪搞呢搞路.

佢轉咗第2個教, 就好多野玩, 學得又好又開心!

twchiang

雖然只算係一個消極嘅辦法，但係大家可以試一試用行為合約(Behavioral Contract)。首先要知道小朋友嘅興趣係咩，然後用黎做誘因，同佢訂立行為合約，譬如話全日冇老師投訴就可以得到呢樣有關佢興趣嘅獎勵。但係(1)一定要避免物質獎勵；(2)要根據小朋友性格同年齡決定係即時定延遲獎勵，大致上情況愈差愈要即時獎勵，不過最終目標係要一步步延遲；(3)獎勵要間唔中根據小朋友轉變嘅喜好轉吓。

呢個係個消極嘅方法，因為問題嘅徵結在於佢地響學校得唔到適切嘅教育，如果學校唔改，好難治本。但係，家長亦都要解釋同教育小朋友適應社會/學校，因為就算佢地唔讀書，將來做野咪一樣要對住好多傳統型嘅上司，轉數慢嘅同事，如果佢地唔學識點樣響啲咁嘅環境生存，就算唔讀書都唔見得好過。

希望各位加油!

701003

總會過去的

浩霆豬豬

我仔報告啱啱出，未知分數，心理學家要面對面先講，但話咗俾我聽係屬資優範疇，但佢而家好反叛，好著重公平對錯，只要覺得自己啱會不停質疑我，覺得自己無錯會話我閙錯佢，用眼掘住我同我對望好耐，仲會專登唔聽老師話，我好苦惱佢十二月先八歲，幾時會好啲？係咪有堂俾家長上，指引下我

twchiang

一啲大學嘅校外進修學院同埋一啲非牟利機構間唔中都有啲有關資優嘅家長/老師課程，建議可以試吓，睇吓有冇幫助

girlsmama

我的小女哄唔聽，駡不聽，就連打也不怕, 還叫說 nobody loves me
那樣怎麼教呀? 完全不接受改正錯誤。現在六歲未到已經咁，再大啲唔知點算。

twchiang

其實細路仔哄唔聽，駡不聽，就連打也不怕未必係資優兒童獨有嘅問題，不過資優兒童通常(1)有好強嘅原則同公平嘅觀念，簡單黎講，即係如果佢地個心唔服，好多時都會好硬頸；(2)認知方面發展較快，所以哄、駡、打，都唔會令佢地心服，所以要同佢地講道理比較好。

girlsmama

回復 twchiang 的帖子

我都知講道理比較好。可是往往未開始講，一句道理未說完就已經頭也不回跑掉。邊走邊說：「stop it , 你已經說了很多次了。I know it」
也許我不太會講道理吧
努力

moonychan

好耐冇上來, 我個細女開始考小一, 所以好忙.

我仔升上3年班, TOUCH WOOD 都冇乜問題了.

覺得佢成熟左 D, 唔會咁易比人影響到, 上堂係會傾下計, 但老師尋日打來, 話仔仔冇跩, 我都好開心.

浩霆豬豬

其實我仔最令煩惱係佢情緒上好敏感，人哋小小說話動作會令佢好大反應，好多事情擔心得太多，最近仲好痴身，會因為我無聽電話就喊

moonychan

浩霆豬豬 發表於 13-9-25 17:15
其實我仔最令煩惱係佢情緒上好敏感，人哋小小說話動作會令佢好大反應，好多事情擔心得太多，最近仲好痴身， ...

我仔都好敏感嫁, 好易好大反應, e.g 佢前日交功課, 見到隔離位同學忘記做一條, 佢只係好心提佢做漏, 點知 d "雞毛" 班長就話佢傾計, 我仔好唔開心, 好彩佢冇即時比反應, 呢樣我覺得佢處理得好左既, 如果比著前排, 佢可能會自己諗埋一邊, 又驚班長真係告佢, 佢會諗好多負面野. 果日佢同我講返呢件事, 佢好似好委屈咁話 "提人做漏功課都唔得, 咁佢真係做漏左, 如果唔提佢, 佢會比老師知道...........但個班長好衰, 咁都捉我傾計, 佢真係好衰, 好麻煩...."

我好怕我仔揀刻意再做 d 事出來引呢個班長注意, 因為我仔會挑戰底線. 好彩我不停叫佢唔好上心, 下次再有呢d情況, 都係唔好多咀. 佢8歲, 控制能力明顯進步左.

而家先開學1個月, 有排震.

浩霆豬豬

moonychan 發表於 13-9-26 09:43
我仔都好敏感嫁, 好易好大反應, e.g 佢前日交功課, 見到隔離位同學忘記做一條, 佢只係好心提佢做漏, 點知  ...

真係有排震，我仔都係咁，好彩學校好包容我仔，唔會下下罰佢閙佢，都好顧佢感受，係同學之間相處有啲麻煩

CATMAMAHK

資優兒童比較敏感有原則, 對於別人既過失都會梗梗於懷.話題過於專門高深,所以同其他小朋友比較難相處, 因而社交弱亦係佢地既特質. 所以一D社交課程同多D理解佢地既心裡狀態,幫佢地解開心結. 要比佢地明白接受同佢唔同既小朋友, 要比佢地除咗知識以外既興趣, 讓佢地同其他小朋友有共同話題. 有時遇到一D唔公平對待,比如人地吾乖又得..我一吾乖又比人閙. 只可以叫佢放鬆面對做好自己本份. 其他人吾乖冇比人罰只是一時好彩. 佢地其實係心靈好脆弱所以父母既愛同包容教導比所有資優課程更加重要..加油

浩霆豬豬

CATMAMAHK 發表於 13-9-28 12:17
資優兒童比較敏感有原則, 對於別人既過失都會梗梗於懷.話題過於專門高深,所以同其他小朋友比較難相處, 因而 ...

我仔而家就係咁，我哋講嘢要好小心，因為講錯一句就令佢諗好多！而家佢做咗風紀仲煩，有時我叫佢唔好擇啲一年級小朋友名，佢哋啱啱返小學，俾次機會佢哋，佢都好固執要解釋好耐，有時講講下佢仲會喊住問我點解變咗佢錯！唉！

lillymarie

CATMAMAHK 發表於 13-9-28 12:17
資優兒童比較敏感有原則, 對於別人既過失都會梗梗於懷.話題過於專門高深,所以同其他小朋友比較難相處, 因而 ...

你真係形容得好貼切！

boyboy2006

唉！上堂靜靜雞剪紙、畫公仔、點算！問佢點解咁做，佢話上中文堂好悶喎，只like作文點算

moonychan

CATMAMAHK 發表於 13-9-28 12:17
資優兒童比較敏感有原則, 對於別人既過失都會梗梗於懷.話題過於專門高深,所以同其他小朋友比較難相處, 因而 ...

有時遇到一D唔公平對待,比如人地吾乖又得..我一吾乖又比人閙 <----- 絕對係我個仔既諗法.

moonychan

boyboy2006 發表於 13-10-10 12:21
唉！上堂靜靜雞剪紙、畫公仔、點算！問佢點解咁做，佢話上中文堂好悶喎，只like作文點算 ...

我仔 p.1~p.2 都係咁, 有時會玩下文具, 畫野, 我都唔理佢, 老師都話唔影響人都算. 當然, 都要唔影響成績啦.

boyboy2006

上堂老師交低做乜功課，聽一半吾聽半，唉

bbalau

我都想呻下！我仔在學校品學兼優，絕對係老師眼中既好學生，每日都會有無謂吵吵鬧鬧的時候，好難頂。有一日，我忍唔住……我真的哭了！

有時會諗係咪個個小朋友都係咁㗎還是佢資優先係咁㗎！佢冇ADHD.