22個月大囡囡有情緒問題，請問會唔會係自閉或過動？

Joeymama123

我囡囡現22個月大了，有以下問題令我好擔心，及開始懷疑佢有問題，唔知點算好，最快都要等到2歲先可以返健康院，但揍佢揍到驚……
1 ） 到現在只係識講單詞，仲要唔係識講好多。
2 ） 脾氣勁差，一唔順佢意，就大吵大嗌。可以喊足一個鐘
3 ） 發脾氣時撞頭埋牆，掉野落地
4 ） 瞓地扭計
5 ） 坐唔定，除左睇電視
6 ） 一唔高興就打人
7 ） 一件玩具玩唔到10分鐘就走左去
8 ）去街唔肯比人拖住行，一味狂跑
9 ）固執，要咁就一定要咁。

唉…真係唔識教，講佢又唔聽，閙佢又唔聽……但佢認知及自理都ok ,明白你講咩，又會自己食飯，穿鞋。請問我現在係咪可以帶佢去評估 ？

hindip

6月15日 www.fuhong.org/hdc 有自閉症講座，報名去了解下可能可以幫到你。

idak

你囡有沒有眼神接觸？同我個囡細個時都好似，如有錢去私家做評估唔洗等咁耐，你囡應該感統有問題，多d同佢去公園玩，你要多d同佢做家居訓練，真係要關電視！我囡只評估係言語遲緩及有自閉特徵。

Joeymama123

我個囡有眼神接觸。一時時怕生保人。有時又唔怕，會主動同生保人said Hi and bye....

Joeymama123

回復 idak 的帖子

我地日日都有去公園玩。咩叫感統問題？ 我都懷疑佢有自閉，但佢會主動錫人，又有眼神接觸，一時時怕生保人，但有時又會主動同唔識的人said Hi and Bye.....但佢真係脾氣好大。。食飯發脾氣時會掉碗掉叉落地。

Joeymama123

幾大可以評估，私家評估幾錢 ？謝 ！

hindip

以下是 「甚麼是感覺统合失調」的 廣東話版動畫 的YOUTUBE 連結， 希望可以幫你了解多一點。 廣東話 版 Cantonese version : https://www.youtube.com/watch? v=UDjKKsEvGC46&feature=youtub e_gdata_player

idak

回復 Joeymama123 的帖子

你只要上網search感覺統合, 就會有好多資料, 有可能係本體問題。 我囡囡講得幾個單字時係十一個月大, 去到兩歲都係幾個單字﹗果時我先識驚, 日日放工抱住個女係咁講野, 如巴士, 的士, 小巴, 花, 草及樹木等, 以家已可以講到短句, 好多時都係得我聽得到...唉﹗ 你評估完就可以報好多訓練, 早d訓練進步得快d﹗ 你話佢皮氣大, 係咪屋企好多人縱佢, 要同佢地講你教的時候唔好幫, 我老爺奶奶要去到報告出左, 入幼稚園好大問題, 我另外比左好多錢同時間做訓練佢地先知死, 我e兩年做左太多野, 好難好詳細咁話你知, 有乜唔明可以上來問, 大家都會幫你的, 有時可能會唔係即刻﹗但大家都好好人﹗..加油﹗

bee918

回復 Joeymama123 的帖子

關於 2-9, 如不是發展問題, 要想想是不是管教問題了, 媽媽可以上健康院"3P親子正策", 會學到有用的管教方法的.

wan_sosin

bee918 發表於 13-5-27 12:42
回復 Joeymama123 的帖子

關於 2-9, 如不是發展問題, 要想想是不是管教問題了, 媽媽可以上健康院"3P親子正 ...

讚成先從管教著手!好多時trouble 2都會有咁嘅情況!

玩唔到10分鍾走,都未算大問題2,3歲小朋友嘅專注真係只得10分鐘!

mae629

回復 Joeymama123 的帖子

聽你咁講, 你個小朋友似係有ADHD. 但都係快D去做評估好D.係parenting 方面也可以入手. 如果想知多D方法 可以PM我.

Joeymama123

其實佢係我第2位小朋友，家姐都沒有此問題，所以我應為唔關管教問題。我只可以講我唔知點教佢。佢好似唔理或根本佢唔在乎自己錯，只係識發洩佢的不滿，繼續掉野，嗌，及瞓地。

我呢排都開始找言語治療中心比佢，但我有些疑問是 ： -

1）如只是做言語評估，言語治療，但呢個小朋友坐唔定，又唔聽講，咁會唔會根本係浪費金錢，根本學唔到野 ？ 因私人言語治療中心話佢太細，只能上單對單，及上30分鐘較為合適。但我心諗呢30分鐘可能都未能安定她，專心跟言語治療師學講野。。。

2 ） 改去評估有冇自閉或過動症，但又擔心咁細評估會唔準。始終費用唔平。

究竟我應該從哪一方面去着手先 ？

我真的擔心冇一間幼稚園肯收佢讀K1 ?

其實我只係一個普普通通的家庭，收入有限。如長期私人做training , 金錢方面一定會有壓力 ……

而且我係在職媽媽，眼見很多媽媽回家後天天都要幫個囡做training , 真係擔心自己如何有時間去日日幫囡囡做training........

Anyway......多謝各位媽媽的分享。

我現在的心情只能講一句。。。好迷惘@.@

Joeymama123

回復 rainrainmama 的帖子

你囝囝幾大 ？ 我問私人評估過度活躍症或自閉嗰啲要6000至7000元左右 ？ 你咁平 ？  請問邊間 ？ 唉，我都明白，真係好煩。煩佢情緒，煩佢專注問題，煩佢唔定，煩佢言語問題……唉，好似特然間好多問題。 我都好迷惘。唔知點好。又心急又擔心。我連政府的評估都未開始排。仲要等2歲先返健康院。

Vichang

原帖由 Joeymama123 於 13-05-29 發表
其實佢係我第2位小朋友，家姐都沒有此問題，所以我應為唔關管教問題。我只可以講我唔知點教佢。佢好似唔理 ...

我囝囝兩歲，20個月開始做個別訓練，即pst 特殊幼師，個人建議學下坐定定先上言語治療。因為言語治療太貴。

wan_sosin

回復 Joeymama123 的帖子

明白多d你煩嘅問題,如果係自閉,係可以好早評估到的,但如果只係ADHD,就未必可以咁早確實,你可以搵下D機構問問社工意見先,例如小童群益會都問到架!睇下小朋友係唔係要做評估,就唔洗即刻要比錢!
言語治療方面,我覺得睇定D,我仔都係20個月仲講單字,出了兩歲,才講到多幾個仔,但兩歲半已正常!始終都好貴,同埋咁細,幫都未必幫到!如果要評估,做咗評估睇下點先啦!

Joeymama123

Vichang 發表於 13-5-29 23:47
我囝囝兩歲，20個月開始做個別訓練，即pst 特殊幼師，個人建議學下坐定定先上言語治療。因為言語治療太貴。 ...

係咪指上出面普通的playgroup ? 比囡囡學坐定定先 ？

Joeymama123

wan_sosin 發表於 13-5-30 00:02
回復 Joeymama123 的帖子

明白多d你煩嘅問題,如果係自閉,係可以好早評估到的,但如果只係ADHD,就未必可以咁 ...

小童羣益會係咪指出面普通嗰啲小童羣益會，打電話去問？