老師對我兒子有些偏激?

scso

我兒子小學時成績不錯每科都有有90+分,間中少少唔乖,漏帶功課,但總算聽話的,自從上中一後我兒子時常無寫手冊,欠功課,默書及評估時常唔合格,上堂多咀惹事,起初老師間中會來電講下佢多咀欠功課要罰小息罰留堂,我都覺得要罰下佢,所以都由得老師罰,但後來數學科老師常常來電都是差不多的問題,要罰留堂,什至考試其間放學較早,老師都要罰留堂留多5小時至肯比佢放學,我都無意見專重老師決定,但老師每次跟我講電話我開始漸漸覺得老師有些問題,每星期會來電一至兩次,每次講講下開始離題,叫我比午餐白麵包唔好比其它我兒食,晚餐只比菜佢餸飯唔比其它餸佢食,從說話中我覺得佢不信任或針對我兒子,好似我兒子什麼都不合佢,有時我解釋下我兒子一向好大意真係會漏帶東西或忙記的,有時小朋友反判期就有些唔乖,會唔會因老師罰得佢多所以小朋友礦拒所以越罰越唔乖,可否轉個方法放鬆些睇定D,點知那位老師不肯聽聽家長的意見,在電話中不停插咀,堅持要我兒子每天留堂,還叫我取消放學後的補習讓他留堂,6月頭考試我想兒子多補習溫書望追返D成績,我同老師講留堂只可一小時因他要補習,那老師開始表現不高興,不肯聴家長的意見,好快收線了,其實我兒子有見開學校社工的,但不知為何社工跟跟下無跟了,我自己最近都去找外間的社工求協助,或可能會再找心理醫生了解一下兒子為何變成咁,小朋友有問應找出原因對証下葯而不是每天都罰,我應怎樣對學校返影這老師的偏激而不會影響到我兒子呢?

longlokma

原帖由 scso 於 13-05-24 發表
我兒子小學時成績不錯每科都有有90+分,間中少少唔乖,漏帶功課,但總算聽話的,自從上中一後我兒子時常無寫手 ...

可否和班主任了解下？罰留堂目的是什麼？如果只是浪費时间而学生全無得着，作為家長一定要出声，不可盲從附和老師，令孩子感到無助气馁

安格斯媽媽

原帖由 scso 於 13-05-24 發表
我兒子小學時成績不錯每科都有有90+分,間中少少唔乖,漏帶功課,但總算聽話的,自從上中一後我兒子時常無寫手 ...

認真頭痛要快找出原因，我仔同樣問題但最近反而改變了，他小學已習慣欠功課，老師只會鬧，沒有找辦法解決，升中後反而改變了，雖然欠功課仍然嚴重，上月連續留了几個星期，連星期六也要回校，功課債已清，初期他反而留返老師堂，本來請他六點三離開，接著補習，他堅持完成功課才離開攪到7點，再去補習，當時老師和我都擔心他辛苦，小朋友成日變，有時逃避功課，有時堅持完成再到補習社溫習，對住他們頭爆

黃巴士

為何LUNCH & DINNER食咩老師都要理???  你囝太肥嗎??

安格斯媽媽

肥都唔會咁啦！佢又唔係營養師，所謂餐單都唔均衡，咁我個仔米仲大件事，米7過百九磅，高人成個頭老師提都無提佢減肥，不過我仔都試過午飯留到無食飯(佢自己帶飯壺) ，我都心痛，但咁大個仔可能佢自己唔食，當減肥囉

Yanamami

數學科老師常常來電都是差不多的問題,要罰留堂,什至考試其間放學較早,老師都要罰留堂留多5小時至肯比佢放學
****************************
What time does he usually go home then? 8pm? Has your son told you what he usually does during detention? Homework? What does the class teacher say about this?

scso

我兒子身才中等，老師管我比什麼兒子食是佢覺得這樣都是罰我兒子的一種方法，我聽兒子講在校内如果有同學唔認同或駁回那位老師，那老師就會發皮氣了，正如佢係電話同我倾我唔認同或有少少意見佢留堂太多他就開始唔願再跟我講下去，佢會盡快收線，但如果我認同他呢，他就會同我倾好耐，但内容大致都係講、點樣罰我兒子，叫佢唔好補習要罰佢留堂，什至話叫我仔星期六早上都唔好去學琴回校罰做多些數，好鬼變態，我應怎麼做才唔會影響我兒子，怕那老師小氣我兒子會在學校受苦

黃巴士

scso 發表於 13-5-25 10:03
我兒子身才中等，老師管我比什麼兒子食是佢覺得這樣都是罰我兒子的一種方法，我聽兒子講在校内如果有同學唔 ...

老師可SUGGEST家庭教育, 但以食物為責罰而影響日常生活,似乎怪怪的!!
你校有否雙班主任??  小朋友其他科堂是不守紀律要留堂的嗎??

csy_ma

scso 發表於 13-5-25 10:03
我兒子身才中等，老師管我比什麼兒子食是佢覺得這樣都是罰我兒子的一種方法，我聽兒子講在校内如果有同學唔 ...

我睇到既係：
1 位數學老師會特別關心您既囝。特別有熱誠既人，通常亦比較執著，希望人地認同佢既努力。
2 您同人相處，好易將對方放在對立位置，咁好易影響到個小朋友都係咁諗……您們而家有冇聯手一齊對付數學老師既感覺？縱未，有冇覺得阿囝既評價係希望您同佢一齊對付佢？
3 您而家似乎對有心令您個仔有所改善既老師感到相當反感？您覺得老師想俾多d數俾您個仔做，係變態虐待？
4 您個仔有冇食好多加工食物？好多時，吃加工食物會導致專注力不足，我囡既跳舞老師就明令：上課前不可食：旺旺雪餅，即食麵等，以免小朋友上課時過度活躍。您有冇問過老師點解佢提議您午餐既食物？

您似乎唔係好能夠換位走去對方角度睇野既人？亦都唔係好能夠正面咁面對自己同囝囝既問題？響咁既情況下，好多老師可能都會放棄同您溝通，亦唔打算改變您個仔（反正佢成績ok，您收唔到投訴就覺得阿仔冇問題），只有呢位您眼中變態既老師，好想做出改變……

我覺得，個老師未必全冇問題，但係，溝通係雙方既……假如我囡有老師咁關心佢，我會好感激（事實上都係咁，一個老師對住咁多學生，單單對您既子弟有要求，亦即係對佢有期望）。響呢個情況下，我認為您首先應檢視既，係您同囝囝既關係，仲有係自己睇事既角度……擺正返自己既角度，對外就易解決好多……

我通常既回應好少係咁……直頭係針對樓主本身，仲係有批評冇讚以及擺同理心果隻。咁講出黎，作用極低，因為您根本聽唔入耳……人同此心，心同此理……您而家同老師企響對立位置，佢都冇可能聽到您既意見，只係會收到您既敵意同唔信任，跟住，佢好可能會對您囝囝更生偏見……

試吓三文治語言吧？先多謝老師咁關心自己個囝（要真心果隻，佢真係冇必要搵自己黎搞），順住佢意重覆佢既建議，然後提出自己既角度同疑問。一個成年人，唔會好輕易改變自己既溝通模式同習慣，您如是，您囝老師亦如是。不過請記住，千穿萬穿，馬屁不穿，讚人又唔駛成本既，大家又happy，梗係先happy完再來較勁，就好似大陸人做生意，要先飲酒食飯搞到醉醉地至傾。個老師既然咁有熱誠，您假如企響求教既位置，就算唔係真係聽佢講，佢個心都會happy好多，咁就唔會睇死您個囝啦？

csy_ma

另：我覺得您好聰明，描述事件時，都同您囝囝一樣，只講些對自己有利既理據。既然您同囝囝都咁聰明，假如肯換個角度思考既話，絕對可以換出新天地試吓多d讚啦，無論您個囝定肯花時間響您個囝身上既老師

黃巴士

記得小兒低小時, 某科目較差, 便致電科老師了解, 有什麼方法可改善?? 自問自己態度溫和&十分尊重老師, 但她言語之間, 句句輕視, 深明都只是溝通, 但卻遭冷言相向.  當時真教我心灰.  自己惟一的方法是依靠自己.  .  
及後, 見朋友講開其子成績及老師對小朋友的態度, 不謀而合正是該老師.  
我只想說, 個人不排除有些老師做法是欠公平及打壓.   

兔仔得媽

回復 scso 的帖子

我相信你是遇到一位有心的老師，不要錯失讓兒子更進一步的機會，快快相約老師來一個會面，找出兒子的問題。

安格斯媽媽

原帖由 兔仔得媽 於 13-05-27 發表
回復 scso 的帖子

我相信你是遇到一位有心的老師，不要錯失讓兒子更進一步的機會，快快相約老師來一個會面 ...

對，老師非常忙碌，應該不會無理罰學生，為他好才這樣做，好好家校合作找出原因幫他

annawong1122

csy_ma 發表於 13-5-25 11:36
我睇到既係：
1 位數學老師會特別關心您既囝。特別有熱誠既人，通常亦比較執著，希望人地認同佢既努力。
2 ...

絶對不認同！雖然有可能老師真係好有心（樓主一開始已講有按照老師軌跡做）,但亦不能絶對否定樓主嘅睇法同感受。
你又唔識個位老師，憑什麼咁肯定那位老師無問題？我亦認識不少老師十分主觀/不聽意見同管家婆，連家長都管埋。
其實家長本身已經係成年人，衡量過如果覺得老師過份左，溫和D可以揾社工，大膽D可以搵校長。搵班主任無用，佢地大家係同事，唔同幫你話佢咩？

另外，樓主一直無提到你個仔的感受，俾人咁罰法唔會無感受呱？佢有乜睇法？

chanms

呢個世界咩人都有，老師有問題唔出奇。
跟奇怪的人相處，如果對自己無害，可以投訴/反映意見。
但如覺自己不利，有時候都要學習忍耐。我都教個仔忍下一些問題老師。
學校就好似小社會，將來都會遇到d問題同事/上司。
(當然，忍都會有界線)

另外，若未清楚確定對方是奇怪人，可以多加了解一下。
互相了解後，可能知道老師講d咁特別既野。

scso

因佢留堂時老師並沒有教過佢什麼,只是比個位置佢自己做功課,我覺得留堂也幫助不大,而老師跟我的對話是覺得我小朋友什麼都有,罰佢食白麵包及只有菜餸飯是等我兒子捱下苦,等有進步先得,並唔係話其它食物影響佢過度活躍,而且起初我都有配合老師留堂,但後來覺得這樣馬拉從式的留堂幫助唔到我兒子,唔係好對路先至覺得那老師有D偏激,為何佢不去了解下我兒子為何上堂搗蛋及評估不合格的原因去對証下葯教呢?

黃巴士

如果小朋友經常在同儕間前被標籤是留堂學生, 他們會更頹廢&更會惡意搗蛋下去, 去引起大家注意.
我們都曾是學生, 都有少不更事的時候, 就算不是自己, 眼見都有其他同學的反叛行為, 而上堂不守秩序, 目的只有一個, 想抗行上堂規則及悶局, 可能他在某科上追不上成績, 又或者太識某科而想表現自己.
但在於學校, 如不能停止學生在堂上搗蛋, 老師都要控制.  否則影響其他同學上堂.
ANYWAY, 先去了解當時人發生咩事??  他有什麼事情而不滿??  是否與同學間合不來??  除非小朋友一往是這樣, 否則你叫一個少年只單去食包&菜, 他/她們是全感受不到刻苦的嗎?? 他/她們只會覺得別人針對自己, 父母不愛他/她們.
正如老闆加大工作量及每天是無大小叫你OT, EVEN我們是成年人, 第一感覺不會是"能者多勞", 而是被人"蝦", 被人用盡.