俾個仔激到好心痛，今日•••••••終於忍唔住喊咗出嚟！

祖明

亞仔今年剛升中，每次做錯事，我都會苦口婆心咁解釋俾佢聽，但仍然都會重覆咁犯錯，每次鬧佢，佢唔會駁咀，只係用後悔嘅表情，知錯嘅眼神再加兩行眼淚對住你，把口猛話知錯，會改同對唔住媽咪，不過每次再俾機會原諒佢，隔冇耐又再重蹈覆轍。
雖然佢犯嘅唔係咩大錯，例如:做功課馬虎又或做做下電腦功課打機，我知呢D微不足道嘅錯，好多細路都有，我唔應該放大嚟睇，但若果依家唔教，將來想教返好就好難
軟硬兼施都試過，罰又罰過，鬧又鬧過，不過我唔會打，畢竟亞仔都十幾歲，況且打只會影響彼此關係，對件事亦冇幫助，咁我又可以做D咩呢？
好似今次咁，佢話借部iPad 入書房查功課，隔咗20分鐘入到房，功課未做完，但就喺度打機，我嬲到早10日前又係犯同樣嘅錯，當時話完佢，佢就答應話冇下次，會改，今日又••••••••有乜辦法唔激到喊吖可能係我唔識教，唔識做人亞媽

黃巴士

這個事情常發生在我身上。

安格斯媽媽

真係無辦法，我仔都係咁，做做下網上功課上網，我返工完全唔聽阿嫲話，琴日黑雨打左一日機，六月初大考都唔知點算
好難要他停，但希望分配多d時間溫習

祖明

原帖由 安格斯媽媽 於 13-05-23 發表
真係無辦法，我仔都係咁，做做下網上功課上網，我返工完全唔聽阿嫲話，琴日黑雨打左一日機，六月初大考都唔 ...

我唔祈求個仔會全自動波，只係希望佢有些少自制能力，雖然現在只係小錯，但教極唔聽先激氣，我怕佢唔聽教一意孤行，將來犯下大錯，唔係一定有機會再俾佢改，到時就後悔莫及
加上個仔已升中，唔通我要時時刻刻𥄫實佢，以防出錯？就算佢肯，你自己亦睇唔到咁多鬧得多就麻目，哦得多就當耳邊風，又唔打得，咁仲可以點教？

Yanamami

男仔通病 ~~唯有唔俾入房，在廳用機。

唔好反應太大，起馬阿仔態度仲好好，有d仔鎖埋房門費事睬你。同他講，你唔識管自己，唯有我幫你，以後在廳用機吧~~

安格斯媽媽

係，在房通宵也管不到，手提，iPad都不可帶

Ceci333

好少事呀！你太大反應啦！這樣下去遲早出事．出事是你要他事事做對，令孩子沒有成長空間．再這樣下去，兒子一是反（伴）（可以積極和消極，積極便是和你對抗，消極是表面同意但不跟你做）；也可能他變不能成長，事事聽話，或對任何事都提不起興趣．
他不是大人，當然不能自控，那你便不讓他自己在房就好了！

jellyfish1989

我家那位少爺都一樣。眼淚都不知流多次，我想我要看精神科

mds

既然知道佢鍾意打機，next time, make a deal first .either he finish his home work first, then play for 20-30 min ,or play first ,but less time like 15-20 min,then do homework.let him choose.
同埋下次發現佢又係做功課時打機，平心靜氣，問佢玩乜？玩咗幾耐?同佢make friends,instead of "ma ma char char" right away!話比佢玩最多15-20min ，之後一定要停。

mds

重點是改正他不要偷偷摸摸，要玩可以先＂問下＂，咁當然你要批准比佢玩下啦！等佢知道，光明正大咁去問准再玩，唔駛怕你發現而鬧佢，佢玩得安心又開心，你又唔駛成日𥄫實佢啦！

VETY

老實講, 我覺得唔可以下下用大人(尤其係女人)的用角度去管理男仔, 女人天生自制力好d, 如果要做到事事認真, 一絲不枸, 我相信好多男人寧願早d死.正如好多女人話減肥, 轉頭又係食食食:;pppp:

jk67jk

我都係要佢在廳用機，上網 查功課都係。
但有時忙緊家務，都畀佢唔覺意攞咗部手機入房，次次都係上完校網，就忍不住打機。住佢，多費神呢!

hw1115

祖明 發表於 13-5-23 22:08
亞仔今年剛升中，每次做錯事，我都會苦口婆心咁解釋俾佢聽，但仍然都會重覆咁犯錯，每次鬧佢，佢唔會駁咀， ...

您所講的我都經歷過, 上個月病了, 我知道一定要放手了.


Take care!

安格斯媽媽

原帖由 祖明 於 13-05-23 發表
亞仔今年剛升中，每次做錯事，我都會苦口婆心咁解釋俾佢聽，但仍然都會重覆咁犯錯，每次鬧佢，佢唔會駁咀， ...

只是打機，不是真的大錯，放鬆點，對住他們不可太緊張，自己也辛苦

圖書寶寶

以上你地講既我個女都做哂, 佢做左啲唔岩既嘢，從未向我講過對唔住, 當你同佢講緊嘢時候, 唔岩聽，佢都未等你講完 , 佢巳講一句, "你好煩呀"就一支箭咁走左入房, 關埋對門. 我真係火都黎埋, 好想唔理佢, 由得佢自生自滅，自問都未受過自己父母的氣, 竟然對住個女, 會受咁多氣, 有時真係頂唔住會大叫, 樓上唔知道以為我係short架. 唯有同自己講, 放鬆啲, ....咁做唔做倒又係另一回事!  你個仔都識流眼淚, 會後侮，我個女係唔會流眼淚講後侮, 佢自出娘胎, 都未試過因為自己做錯嘢, 同我地講"sorry"，唉.......教佢條路仲有好長, 真係唔知點, 希望佢早啲醒覺.....

Meikin

佢重識講sorry話下次唔會, 總好過諸多辯駁.  教就要繼續教, 但不要期望短時間內有成效, 要看long-term一些.

偷偷打機這些事每日都會發生, 差在俾唔俾我見到.
俾阿仔激這等事自小學起已每天發生, 無日無之.  每天小激, 每週一大激, 每月一次大大激,(要我大罵), 每季一次超激(激到我差些喊出來).......你都有定心理準備吧!

祖明

我部電腦都係放客廳，唔敢擺入房就係驚有jm提到有以上情況，每次我都有規定打機時限，只要個仔問准，我都會俾佢玩，但冇可能日日問，我都要次次准玩㗎所以有時我都會拒絕，由其近排就嚟考試，係咪應該暫停，應付咗個考試先呢？我都有同個仔協議，仲有2個星期就開始考試嘞！只要佢用心溫習，閒時抽半小時上網我都批准，但絕對唔可以偷玩，不過佢答應話好，轉頭睇少眼又嚟:;pppp:根本唔聽講
好似有次個仔話上網交篇作文，於是俾佢開電腦用，我就入書房跟細佬功課，半個鐘後，我出嚟望一望佢做乜，點知篇文未打完，只得2行字，又係喺度打機我嬲嘅係••••••點解咁小事，咁簡單嘅問題，教咁多次都係唔肯改我又唔係完全制止唔俾玩，只要求有時有候都咁難？
除咗呢樣，仲有其他濕濕碎小事，例如字體超核突，可以用畫符來形容，仲衰過小學嗰陣時，提醒佢叫佢用心寫好D，話完一陣有改善，之後又係咁連考試期間補習，竟然可以唔帶書返嚟溫，話唔記得帶返嚟，我真係嬲到火燒心，嗰科聽日要考啦仔，點可能唔記得帶書返嚟溫，到底你有冇心讀書嫁？我仲叫個補習哥哥專登嚟同你溫，冇書點溫呀
我真係好想好好咁控制一下情緒，但咁多小事加加埋埋，真係好難抑壓嗰刻嘅怒火真係激到眼淚心裏流㗎有jm明白固中苦况嗎？
我好愛仔仔，呢D係咪愛之深，責之切呢

黃巴士

當年自己父母都係咁忍，不斷咁教。今日我們都要用耐性去教導。我諗反叛期依家至開始，仲有幾年要捱!看開些·····

祖明

原帖由 Meikin 於 13-05-24 發表
本帖最後由 Meikin 於 13-5-24 14:56 編輯

佢重識講sorry話下次唔會, 總好過諸多辯駁.  教就要繼續教,  ...

我同你一樣，不過我有2個仔，細嘅見大嘅咁就有樣學樣，我要乘受雙陪激心

黃巴士

祖明 發表於 13-5-24 15:13
我部電腦都係放客廳，唔敢擺入房就係驚有jm提到有以上情況，每次我都有規定打機時限，只要個心N-仔問准，我都會 境..

相信依度多數家長都歷過，D字鬼畫符, 唔見書&NOTES, 話極佢地都唔聽.........見到打机就失控。都要有心理準備，依种引誘會不斷及演变。小朋友開始大，就由他去摸索和自制，激心一定有。激多兩激，都化境，叫老公出吓手，減低負擔。
我囝都係D英文字遼草, 數目字, 遼到睇唔倒寫咩??老師講明唔會估依Ｄ字，　一個大交叉。　佢見咁失分， 惟有在卷上, 寫返正楷英文&清楚數目字.
中文又係, 好似小學咁多一劃少一劃, 多一撇, 少一點.........  惟有叫佢多默生字.
激心事, 多的事.  成日BARGAIN零用錢.......
總之, 依個年紀, 知D唔知D, 係要教啱佢地, 唔好俾佢地諗咁多藉口及歪理的.