york校巴問題又嚟啦! 完全唔理安全和法律!

dazkit

我都記得校長在家長會講過，校方是轉介有需要校巴服務的申請給校車公司。以我所知，唔同地區的校車公司都未必一樣啦！ (我自己住那區已經跟四小龍那區的校巴公司不一樣), 明白樓主係緊張小朋友安全。不過，淵有頭債有主，似乎問題的對頭人應是校巴公司而不是york 吧！

BravenBright

回復 mobimobi 的帖子

我要澄清一點我唔咪講緊York。我唔知York嘅校巴係點。我只係講緊一般香港校巴je!

BravenBright

利申：我唔係York嘅家長。

睇完各位嘅post，容許我多事，以局外人嘅身份講一句。以我所知，的確好多小巴雖則同經學校介紹。的確可能佢嘅運作和管理同校方係無關嘅。怨有頭債有主呢句講得好好。樓主既然對校巴安全做咗咁多研究，不如舉證講下校巴係咪屬york管理。如果係，你嘅指控係可理解嘅。否則，你就好似你所講誤導咗人嘞！亦同時曬緊自己時間，做d無結果嘅嘢！我只係依理直說，得罪莫怪！

kaitathk

我都想問下！如果到時發生意外傷亡 咁保險公司知道成車小朋友都係2個座位坐3人 到時份保險有無得索償？

6809QQ

我小朋友重要係York度讀, 重要坐校車, 我都唔想學校有任何問題.  校巴問題係全香港的問題, 如果大家留意吓其他有關的posts同新聞, 就知其他地區都有同樣問題, 而且可能更嚴重.

York 的家長信係有問題的, 大家可以直接問吓運輸署可唔可以'2個小朋友坐一個位'? 你又可以直接問校監馮生, 教統局上年係咪講過佢的校巴信有問題, 唔可以咁出? (唔好問其他人, 要直接問馮生). 我係度講係好心提有影響的家長一句.

York每級有幾十班, 根本無可能識晒所有家長; 而可以日日自己接送小朋友, 唔使返工的幸福媽咪, 或者條線唔多人唔受影響的家長, 梗係可以好大聲; 但係我哋要返工, 受影響的家長就好慘, 所以我哋先至關注呢方面同通知其他家長.

我都係York的家長, 無理由踩自己揀的學校, 但校巴係普遍問題, 又關係小朋友安全. 我講ge都係事實, 係好認真的問題, 係講比有影響的家長聽.

另, 雖然無一間學校係完美的, 但我都唔覺得York成日比人攻擊, 一啲家長唔使咁敏感, 不停話唔係學校問題.  我再重申, 除$外, 我只係講校巴問題 (正如有家長check咗), 亦只係以心比心, 比受影響的返工家長睇.

6809QQ

我哋都有問過保險業協會, 校巴通常一個lumｓｕｍ買，所以出事的小朋友越多，每人賠償越少；　但無論點，都賠唔返架．

有啲家長都知呢件事，只係我選擇係ｂｋ通知唔認識但一樣受影響的家長．

見我級數就知我唔係成日講嘢ｇｅ人，我只講認真同重要的事比同樣受影響的人．

Chocolatefree

原帖由 cherryird 於 13-05-17 發表
本帖最後由 cherryird 於 13-5-17 10:17 編輯

政府規例咁寫喎, 咁點解會係犯法呢?

勁！政府條例都quote埋出黎！

JoJo

版主按: 請會員能冷靜及理性討論, 如會員作出辱罵言詞, 版主會發出警告牌/禁言以作冷靜, 敬請注意!

6809QQ

請各位留意,

1. 我再重申講緊係家長信中 '2個小朋友坐一個位' (2 children to occupy a single seat). 唔係 3-for-2 counting rule. 唔該搞清楚．

2. it is also stipulated in Regulation 53(2), Operators are reminded to accord priority to student safety on board and obtain prior consent from schools or parents/guardians before exercising flexibility given by law in arranging their student transport services.　即：而3名3歲或3歲以上的兒童，如每人身高不超過1 . 3米，則算作2人，營辦商運用法例賦予的彈性接載學童前，必 須 顧 及 學 童 乘 車安 全 ， 並 須 預 先 獲 得 學 校 或 家 長 ／ 監 護 人 同 意 有 關 安 排。（中文版）．　

如果quote法例，唔該quote全條例．斷章取義好危險．其他返工的家長真係會唔知．我哋為咗小朋友安全，又要返工，好辛苦．請避免不完全及不正確資料．
.

mobimobi

其實我有少少問題，既然樓主甘重視此問題，但如果條例3小童可當2人，甘你係呢度連開幾個post吵都應該幫不到件事，只會令不熟悉York 的家長覺得York 好差，值得嗎？
如果校車只做2人時，有D小朋友因為無位而不能選擇坐校車要家長送，你可以嗎？
又如果你小朋友轉左第二間學校，又有甘情況甘你會點？再上來開post鬧？
我明白做家長一定會優心小朋友一切，但都要睇下實際條件先。
我初時一見個post以為校車意外係York發生，未必個個刨文，york於是又多條罪

Sorry,我甘諗啫，不喜莫插！

kaitathk

法例都無問題就可以架拉。投訴都無用！

Pigmamapigmama

我唔理例。返而我唸，如冇合格安全帶，好似好危險。平時私家車的car seat. 未無必要？

另外我成日樓下有york 同stanford 同一架車。但唔肯定是真校車“即學校自己有联係的“或保母車。冇3坐2或2坐1。

小洪寶

非常同意，如果呢個真係問題（我無詳細硏究你地講既法例），的確好多學校都係甘，何必扣上york既問題帽子，令其他不明就裡既家長誤會？
另外，我覺得就算校巴不是學校營運，學校絶對有責任去揀選／推介安全負責既校巴公司，不能置身事外

careysum

我女在YORK返上午班, 每日都係我自己渣車接送, 我亦好留意YORK校車既上落及停泊情況, 我見到佢地每日都好準時到YORK接送小朋友, 下雨天就會可能會無早到, 只有準時在9:10-9:15AM到校(平時9:00-9:10之間), 下雨天放學情況都係差不多, 暫時我未見過校巴遲到, 同埋, YORK上午班係9:15AM上堂, 至於坐位方面, 我從無見過2人坐1個位, 但有見過3人坐兩個位, 而D老師及跟車EE都好好吖! 司機叔叔渣車態度都好安全及小心吖!因為我自己渣車, 在渣車途中都會留意下D校巴情況, 真係無咩問題喎!另外, 之前有人話YORK校巴停在馬路中心來上落小朋友, 講真, 尼個情況我真係未見過, 如果假設有, 真係當假設的話, 校門一定係比其他車霸住D校巴位, 老師趕極都唔走, 咁唯有在馬路上停, 危險? 多餘, 果條係單程路, 左面如果停晒無人既車在, 危險何在? 講果個究竟有無車牌? 同埋, YORK校既停在馬路上落, 我真係一次都未見過, D校巴好勁架, 如有校巴上落緊, 未埋到校門, 佢地唔會理後面架, 一定係停在路中, 等之前架校巴走左, 佢先埋站, 先上落人, 所以, 講尼單野既人, 似老作多過事實囉! 3人坐2位, 其實唔止YORK吖! 我開車途中都見到有其他學校都係咁.

careysum

Ononma 發表於 13-5-15 20:53
此事千真萬確的！

連YORK 上午返幾點都未知, 係度亂嗡24, 仲話校巴停在馬路中心, 叫人去CHECK, 我日日都喺現場, 一次都未見過, 果條路, 就算假設真係在金巴倫既單程路上落, 危險何在? 如有車停在路上, 電單車都爬唔到頭啦! 多餘.

winnietingting

原帖由 careysum 於 13-05-19 發表
連YORK 上午返幾點都未知, 係度亂嗡24, 仲話校巴停在馬路中心, 叫人去CHECK, 我日日都喺現場, 一次都未見過 ...

醒目！