有無媽媽會買Goodnites / 夜安褲 / 學習褲 (懶尿)?

MissZ

有無仔仔/囡囡仲會有失手, 會懶尿?

有無媽媽會買Goodnites / 夜安褲 / 學習褲 / 尿片 畀仔仔囡囡???


可以留個言嗎??想找個同路人

Goodnites:

Yanamami

初中o咼呢度~~~仲需要？

lm251099

MissZ 發表於 13-5-14 01:13
有無仔仔/囡囡仲會有失手, 會懶尿?

有無媽媽會買Goodnites / 夜安褲 / 學習褲 / 尿片 畀仔仔囡囡???

網站已分開不同的板面，你在初中板，問 BB 既嘢，

MissZ

只是問下，中一也會有意外

Mighty

我女女細D、不過好間中都会有少少問題出現。　不過我覚得不応該買夜安褲、因為這可能令他/她養成習慣。　大個了還有這個尿床問題的話、主要是来自圧力、所以応該找出真正原因、才可幫到o巨。　千奇不要責怪、只会令状況加深。

MissZ

試過唔用方法，都會有意外

Mighty

圧力源頭找到嗎？　我覚得這是第一歩。　発現了後、一定不要責怪、因為女女自己本身都５開心、実在是一件ＨＥＬＰＬＥＳＳ事、也不方便同朋友傾訴。　譲女女知道MAMA是接受的。　有無試過「限水令」、即ＳＬＥＥＰＩＮＧ前２小時不飲水。　同埋一定不可以飲汔水、ＯＲ甜的飲品、因一般非常利尿的。　

mielmiel

MissZ 發表於 13-5-14 09:08
只是問下，中一也會有意外

我囝囝今年10歲，2年前仍有懶尿，帶了他去睇醫生，係賀爾蒙分泌問題，吃了藥一段時間而家好番。如中一生仍有懶尿，一定要正視問題，對小朋友心理有好大影響。

小伊

夢遺似D喎！

MissZ

回復 小伊 的帖子

10歲就有??

Meikin

我兩個仔自小都會半夜(好似夢遊咁)四處小便, 每晚最少一次, 賴尿更每週一次, 情況持續到小六會突然好轉, 跟住完全正常番晒, 我都百思不解.  當時我唯一可以做的, 就是:
(1) 睡前半小時不飲水
(2) 睡前要佢去小便
(3) 我半夜定時會叫佢起身去小便 (多數12:00 & 4:00 )
(4) 他們自小習慣睡覺把毛巾夾在兩腿間, 以防萬一

由於我夜瞓, 所以午夜叫醒佢哋去厠所沒問題; 而我臨瞓前就喝一大杯水, 所以淩晨3-4點我要上洗手間時也會順道叫醒阿仔們去厠所.

Meikin

不過其實不計早上6時那次, 他們當年每晚去洗手間次數是可以3-4次的, 但每次都真係有得去的, 有時一晚唔好彩, 我要起身多次, 煩就煩些, 但總好過每晚起身換床單和清潔地板......

曾經有人同我講, 話男仔的生理結構跟女仔不同, 所以儲尿的空間及忍尿能力比女仔差一些, 但大大吓就會好起來.  這套放在我兩個仔上又幾準.

hw1115

Meikin 發表於 13-5-15 09:46
不過其實不計早上6時那次, 他們當年每晚去洗手間次數是可以3-4次的, 但每次都真係有得去的, 有時一晚唔好彩 ...

咁您之前有無捉佢去睇醫生呀 ?
有人話會尿床到 18 years old.

Meikin

他們兩個日間去厠所都好密, 即使而家咁大, 偶然在家看電視或玩到興起, 都試過唔吃得去厠所賴少少尿, 所以我又唔係咁擔心, 反正自小已是如此, 而大大吓又真係好好多.

反而我當年倒擔心過他們(尤其是大仔)會否是夢遊, 因為每次半夜攪到成床或一地濕晒, 罵他一輪, 或問佢佢會答(眼是睜開的), 但第二朝他們是全沒記憶的.  小六健康檢查時曾經叫醫生寫過介紹信去睇專科, 但後來因為公私兩忙, 沒去做.  拖拖吓又發覺大仔有改善, 而細仔的進度跟阿哥同齡時差不多, 所以就咁不了了之.  到今時今日, 他們都是keep住最多半夜去一次, (不過是佢哋來找我陪佢去厠所, 我不用記著定時起身) ; 而去街也不同每到一地方先去厠所了.

Yanamami

http://homepage.vghtpe.gov.tw/~peds/gu/neurog.htm

mielmiel

我囝囝日間冇問題，只是差不多晚晚都會懶尿，我已經每晚限水介鹹，亦都會半夜1:00左右叫佢起身去厠所，情況就好啲，但有時仍有失手。 醫生話每個人睡覺時都會分泌一種賀爾蒙，令到減少尿液製造，亞仔就缺少/分泌不足，所以晚上仍大量製造尿液，因此半夜起身尿尿時都有好大量。 (其實佢有時午睡時都會失手)

我哋從來都冇因此事鬧過佢，每年體檢都有同醫生講，每年都係話可以睇定啲大個啲就會有改善。 表面上佢都冇乜嘢，亦同佢睇過中醫，吃住藥就好啲，但停咗藥又懶過，有一次亞仔同我講點解食咗藥都冇好返，我就知道對佢心靈上已經有好大影響，咁我就的起心肝同佢睇西醫，食藥半年左右就好返停藥，醫生話佢進展好快，有好多人就算食咗藥但未必有成效，仲要加埋行為治療。

MissZ

會係地下柯尿？

Meikin

回復 MissZ 的帖子

因為他們有時會記得起身, 但未開房門就直接在房內解放了, 又或者佢去我房找我起身陪佢去厠所途中釋放了, 甚至在在我房床頭都試過, 也試過在somewhere解放了回床倒頭便睡, 是我半夜起身在途中踏中水氹.  
我沒有鬧佢, 其實鬧都沒有用, 佢哋事後沒有記憶的, 也不在乎....
我想其實孩子們的意志力(mind control)也很重要, 我發覺當他們漸長, 漸介意自己半夜賴尿時, 他們的尿床情況有改善.

Meikin

我想起了一點, 點解我當時咁老定, 因為他們在學校 (除了初小試過在課堂尿濕了褲子1-2次外) 是完全沒這個問題的, 所以我直覺認為他們是在家或假日外出時太過放鬆, 沒有在這方面用mind control.

那時他們每人一天起碼3-4條底褲及短褲, 成洗衣機都係佢哋衫褲, 好誇張.  而家諗番起都覺得好笑!

hw1115

回復 Meikin 的帖子

咁您屋企應該係舖磚啦!