已派 I 位幼稚園是否實收？

pinkdoll

idak 發表於 13-5-10 16:10
回復 chowqv 的帖子

頭先同私位個老師傾開話囡囡情緒真係要跟得好足, 反而唔相信安全成問題, 因為囡囡都驚 ...

唔好唔開心啦, 唔好俾呢啲事影响自己, 此處不留人, 自有留人處, 我哋要有信心, 只要我哋努力啲train小朋友, 幫佢哋越過障礙, 佢哋都可以過正常生活.

有好多同路人, 和你一同去行, 不要失望.

idak

好想打電話去問結果, 但我估都係要等....政府d嘢吹唔到的﹗

checkylam

真係好有問題, 醫生話入I 位, 但到面試時, 又話不適合, 咁究竟係邊個搞錯, ?!!
題外話:請問精神科和心理學家有什麼不同, 幾時小朋友要看精神科, 幾時要看心理學家??

bauhiniakan2000

回復 checkylam 的帖子

因為評估到排到位要幾個月至一,兩年時間,評估是按小朋友評估時當時的情緒,行為,能力來評估,有些小朋友可能到排到情況轉壞,或完全沒有進步,有些完本能很差要排s位的小朋友可能有很大進步,在這裹有個家長無同小朋友取消S位,排左俾佢,S位話佢小朋友根本不需要S位,耍再排E位.CAC心理學家及專家會先評估,才決定要幫你排什麼服務,精神科會再以他們尊家的評估,再排什麼服務給你,小兒2歲  CAC 做評估為自閉症 Autism disorder 是最嚴重級別,全部能力 9-12個月,我不段努力下,13個月後精神科評估 語言認知,表達,運用,智能 33-36個月,小肌肉超越一般3歲小朋友,大肌肉發展34個月.

idak

回復 checkylam 的帖子

精神科醫生好似只係吹水咁, 我講吓囡囡情況, 佢記錄後睇吓幫你排心理學家、職業治療或言語治療, 而心理學家係教你點處理小朋友行為問題, 精神科及心理學家大概三個月覆診一次，cac個醫生只係囡囡二歲半, 三歲半及k3作出評估安排學位及轉介精神科﹗

bauhiniakan2000

回復 idak 的帖子

唔係喎,你係邊度精神科,我兒子2011年3月頭在官塘CAC評估,2012年4月30號再在聯合醫院由兩位兒童精神科醫生,一位心理學家,一位語言治療師,一位職業治遼師,一位物理治療師再評估,做的比CAC更詳細,也認為兒子有很大進步,但他們的意見仍是建議我去 S 位,有點失望,但他們也有提供專黃意見,和我現在上的ABA心理學家,ST,OT,PT的意見一致,有什麼大進步,請行我在這 TOPIC 的貼子.

idak

回復 bauhiniakan2000 的帖子

我唔係cac轉介去睇精神科, 我係兒科醫生寫信比我去精神科的, 所以唔洗等好耐, 而兒科個醫生亦好有經驗, 囡囡每四個月都要覆診一次, 可能我個女只係講野遲緩同無眼神接觸, 兒科醫生講過一句如果外婆湊得好, 囡囡唔係咁, 而令我決定轉全職主婦, 但合約到八月先到期口頭又承諾做到完合約, 其實好想即刻唔做自己湊番!

checkylam

idak 發表於 13-5-17 23:40
回復 bauhiniakan2000 的帖子

我唔係cac轉介去睇精神科, 我係兒科醫生寫信比我去精神科的, 所以唔洗等好耐 ...

咁樣即係話湊小朋友的人很重要, 如果唔係會影響到發展遲緩? 咁你屋企人係唔係唔同小朋友玩, 唔同佢講嘢?

idak

回復 checkylam 的帖子

無錯﹗我奶奶係乜都就晒個女, 一喊就乜都比佢先, 就算係想要食物唔洗出聲, 手指一指就有, 長期開卡通片比佢睇, 就算倒亂都尤得佢, 跟本就唔需要講嘢﹗囡囡係十一個月時比佢湊, 因為湊開個朋友唔得閒, 咁我見我奶奶湊開果兩個都ok, 有一個上小學, 重有老爺幫吓手, 咁應該無問題掛, 到二歲先發現好大問題, 以往放工一上到奶奶度就即湊囡囡走, 評估後上到去留耐小小, 發現其他果兩個小朋友都就到囡囡死, 就算係自己d嘢我個女見到都要比我個女, 唔比就比奶奶鬧, 佢地唔係一齊玩, 唉﹗

兒科醫生咁講係因為覆診時, 佢見到個女都幾聽我話, 好多時我要佢講咗同做咗我的要求先比玩具佢﹗家居訓練真係好重要, 重有唔好比小朋友發現你好蝦, 否則佢d皮氣會越來越勁。