開放日情況

Ocean2010

今日去左開放日，整體情況好滿意，校舍好大，學生預備好充足，人數限制左，排隊時間唔會好耐，老師學生都有耐性慢慢教，一入去我同仔仔去玩跳跑比賽，好特別，雖然仔仔手腳不協調，但都肯入去玩，之後上左一樓，好多童軍但比較混亂，家長都唔知排邊，，玩左個拼圖，入左個帳篷就走了，之後見到門口有鋼琴表演，男仔彈琴真係好吸引，心急既仔仔當然又要我走啦，又見到排隊，原來係派飛入餐廳，指定時間去到指定課室食個茶點，味道唔錯, 全部講英文，個個都好talk得，之後上多一層，有小朋友係走廊派紙摺飛機，入課室有個好有心機又好怕羞既英華仔教，好有條理，一步一步教，明顯受過訓練的，笨手笨腳既仔仔跟住，摺到7、8成，去另一班房比賽丟飛機，好好玩，之後去左常識室，有得玩射怪獸，好似巴斯光年上身 ，跟住去圖書館，入面好大，好舒服，但時間關係，快快趣做左小勞作就夠鐘去餐廳了，入左去非洲鼓餐廳，好好玩，仲同著往聰明笨伯的侍應影相，最後去聽音樂會，非常出色，尤其中樂團，咁就行到5點半了！ 好希望仔仔有機會成為其中一份子，仔仔難捨難離咁問幾時係度返學，哈哈！報告完畢

哈呣

報吿得好仔細和詳盡！多謝你。Ocean2010

哈呣

小小補充：童軍室有個熨章的counter，個章有英華名和九龍75旅童軍，好有紀念價值。還有一個新課室叫iLab，D囝好like。有電子人體互動平板。最後走前可到地下有蓋操場買英華souvenir

joantsang

好多謝你地嘅分享！

hadwinboy

原帖由 Ocean2010 於 13-05-04 發表
今日去左開放日，整體情況好滿意，校舍好大，學生預備好充足，人數限制左，排隊時間唔會好耐，老師學生都有 ...

多謝分享，很詳盡

喵媽

我地就去咗常識室同夢工場玩科學遊戲, 阿仔仲以為視藝室既恐龍骨勞作係真既化石
我地喺音樂室睇表演, 有個拉二胡既同學好nice, 仲叫阿仔摸下佢個二胡, 阿仔居然有啲怕醜!
我地睇最後那場禮堂既表演, 無中樂表演, 有英詩、西洋敲擊樂、合唱團、中國鼓,  最喜歡那場西洋敲擊樂表演, 非常精彩!!

joantsang

jc327

開放日的安排、表演、學生的表現給我們留下深刻的良好印象，並充分體現出老師、學生和家長義工的團隊精神。

ihappy18

多謝分享!